Filipi 1:22 - Amazwi Yakwe Leza 2013

²² Lelo kwikala muno nsi ndi kungaleka mbombe milimo isuma iingi, lyene ntamanyile ningo cino ningasolola.

Filipi 1:22 Kruisverwysings

Utandiko 21:26

Abimeleki watile, “Ntamanyile wacita cico. Utatazile unene, nga lii, lili iila lyakutandika kuvwa pamulandu uu.”

Utandiko 39:8

Yosefu akana ati, “Si lola vino umusambazi wane wancita mwangalizi muno ng'anda. Kutacili cimwi cino akalemako, nga wapeela vyonsi mu wangalizi wane.

Masamu 71:18

Nanti lyene nemo ninkota, ninkwata ni mvwi, ala utandekelezya we Leza! Uwaya nani lino nkulumbilizya amaka yako nu ukama wako, ukufika ni nkulo iiliza uku nkolelo.

Kufuma 32:1

Lino antu yalola ukuti Mose walengela kwika ku mwamba atawezile, iyakongana kuli Aloni. Alino yamunena yati, “Iza kuno utupangile leza wakuti atutungulula, pamulandu wakuti tutamanyile cino cati ciponela Mose wino uwatutungulwile pa kufuma mu Eguputo.”

Milimo 3:17

“Acino ndakai, inane, natimanya vino mwemo pamwi ni ntunguluzi zinu mwacisile cii pamulandu wa kuntamanya kwinu.

Loma 1:13

Mwe inane nkasi mumanye vino insita zingi nkapanga ukwiza mupempula. Lelo kuli cikandesya. Nkalonda kwiza zombola vizao vya ku Mupasi muli mwemwe wakwe vino nacita mu Akulukuwa yauze.

Loma 11:2

Leza atafutatila antu yakwe yano wasolwile kufuma ku utandiko wa uumbo. Uzye mutakwiusya vino calembwa mu malembelo ukuti Eliya wailizyanyizye kuli Leza pamulandu wa ina Izlaeli ati,

2 Kolinto 10:3

Swemo tukaikala muno nsi, lelo tusyacita ndi vino antu amuno nsi yakacita

Galatiya 2:20

Nemo nafwa, lelo Klistu akaikala munondi. Umi uno ndakai ndi nao, nkaikala pakutaila mu Mwana wakwe Leza, wino uwantemilwe nga nu kupeela umi wakwe pamulandu wane

Filipi 1:23

Cili icitale kusolola. Nkulonda ukufwa kuti nje pamwi na Klistu, pano cii cazipisya kuluta.

Filipi 1:24

Lelo pamulandu winu cazipa kuti ntwalilile kuya nu umi.

Kolose 2:1

Nkulonda kuti mumanye kuomba kuno nkaombesya pamulandu winu na pamulandu wa antu yakwe Leza amu Lodesiya, nga na alondezi yauze yano atatala yandola.

1 Petulo 4:2

Kufuma ndakai lino mucili muno nsi mulinzile kuleka umi winu watungululwa nu kulonda kwakwe Leza. Mutaleka vilondwa vya untunze vyamutungulula.