Filipi 1:20 - Amazwi Yakwe Leza 2013

²⁰ Cintu cino nkalonda nu kupaalila icakuti ntacitisya Klistu insonyi, nkupaalila kuya muposye ndakai ndi vino naya lyonsi kuti Klistu acindikilwe munondi lino indi nu umi nanti mufwe.

Filipi 1:20 Kruisverwysings

Masamu 119:116

Mpeko amaka ndi muno walaile, nani namaya nu umi. Utaleka ntovoke umu upaalilo wane.

Masamu 119:80

Leka nayela amasunde yako, nupya ntaya ni nsonyi zyakucimviwa.

Masamu 25:2

Muli wewe, we Leza wane, amuno nataila. Utaleka insonyi zindeme. Utaleka anisi yane yaitanka pali nene!

Masamu 62:5

Nemo a Leza sile wenga, ali wino nikalilila, nupya ali wino nataila.

Mapinda 10:28

Upaalilo wa antu atailwe ukavuzya uluzango, lelo upaalilo wa antu aipe ukasilila pa mbiliwili.

Mapinda 23:18

Cumi kwene insita iliiza, lino ivintu vino ukapaalila vilafikiliziwa.

Ezaya 45:17

Lelo Yawe alatuula Izlaeli, nga ufyusi wakwe ulaya uwa muyayaya. Antu yakwe yatalazewana nanti ukulengwa insonyi nupya.’ ”

Ezaya 50:7

Lelo kwene nemo Yawe Simwandalali akantuula. Ali cino nani ntakwata insonyi. Icaleka nalenga ukuti impumi yane ikome, iye ndi wakwe cilwala. Pano namanya ukuti ntalazewana foo.

Ezaya 54:4

Utoopa foo pano insonyi zitalakulema, utalazewana foo. Nupya ulilila nu ku nsonyi zya ukazyana wako. Utalaiusya nu kuzewana kwakwe unamfwilwa wako.

Yoane 21:19

(Yesu wavwanzile vii kuti alange musango wa mfwa ino Petulo alafwa nu kuleta lulumbi kuli Leza.) Walanga wavwanga vii, anena Petulo ati, “Ndondela.”

Milimo 20:24

Lelo ntasakamile pa umi wane, pano nkulonda sile kuti imale umulimo uno Mwene Yesu wampile ukucita, uwa kukosola Ilandwe Lisuma lya pamulandu wa cikuku cakwe Leza.

Milimo 21:13

Lelo Paulo avwanga ati, “Mukucita cani, ukulila nu kuntezula mwenzo? Ala kusi kunyepwa kutupu kuno naipela, lelo nu kufwa kwene mu Yelusalemu pamulandu wi zina lya Mwene Yesu.”

Milimo 4:31

Lino yamala kupepa, ng'anda ino yakonganilemo itenta. Onsi yazuziwa na Mupasi Wamuzilo, alino yatandika kukosola ilandwe lyakwe Leza nu kuposya.

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

Loma 5:5

Nu upaalilo uu usyatulenga insonyi pano Leza wapongolwela kutemwa kwakwe mu myenzo itu muli Mupasi Wamuzilo, ali wila witu kufuma kuli Leza.

Loma 6:13

Mutapela vilundwa vya mili inu ku maka yi ifyo, kuti viye viombelo vya kucitilako ukakasi. Lelo muipele kuli Leza, wa antu yano azyukulwa kufuma ku afwe nu kuya nu umi. Mupele vilundwa vyonsi vya mili inu kuli Leza, kuti viye viombelo vya kucita vyawololoke.

Loma 6:19

Nkuomvya cilangililo ca uzya lino nkulanda kunomuli kuti muvwikisye vintu vii. Apa nsita imwi mwaipelisye ku kuya azya amicitile ikowele nga nu ukakasi pamulandu wa melenganyo inu aukakasi. Vivyo kwene, ndakai muipelesye ku kuya azya akacita vyawololoke pakuti mwatumikila Leza mu vyamuzilo.

Loma 8:19

Pano uumbo onsi ukalolela kasita kano Leza alasokolola ana yakwe.

Loma 9:33

Ndi vino malembelo yakati, “Lolini naika mu Zioni iwe lya kuipuma, ililalenga kuti antu yapumike nu kupona. Lelo wino wensi uwataila munoli atalacitwa insonyi.”

1 Kolinto 15:31

Inane cila wanda nemo nkalolenkana ni mfwa. Kuitakizya kuno nkweti munomuli pamulandu wakwe vino Klistu wacita ukwalenga kuti ndande vii.

1 Kolinto 6:20

Leza wamukazile pa mutengo ukulu cuze. Caleka omvini mili inu mu kupeela lulumbi kuli Leza.

1 Kolinto 7:34

Caleka wene akalema viili. Mwanaci atatwalwa nanti a mwali wene akasakamala mulimo wa Mwene, pano wene akalonda kuti mwili nga nu mupasi wakwe vipelwe cuze ku Mwene. Lelo mwanaci wino watwalwa akasakamala vintu vyamu nsi, pano wene akalonda kwelenganya vya kuzanzya iya.

2 Kolinto 10:8

Manye nemo nati njitumika cuze pamulandu wa maka yano Mwene wampela akuti mwazwe kwaula kumucisa. Lelo ntakuzewana pamulandu wa kuitumika.

2 Kolinto 3:12

Pamulandu wakuya nu upaalilo uu, twati tupama cuze.

2 Kolinto 4:10

Lyonsi tukapita ni mfwa yakwe Klistu mu mili itu kuti umi wakwe waloleka mu mili itu.

2 Kolinto 5:15

Klistu watufwilile swensi. Wafwile pakuti tutaikala umi uwakuizanzya, lelo uwakuzanzya wino uwafwile nupya wazyukwike pamulandu witu.

2 Kolinto 7:14

Namunenyile vino nkailumba pali vino mwaya, nga namwe mutandenga kuya uwa nsonyi. Ndi vino lyonsi tukulanda cumi kuno muli, avino cili pali vino nanenyile Tito ivya pali mwemwe.

2 Kolinto 7:4

Mwemo namutaila cuze. Lyonsi nkaya ni cilumba pamulandu winu, nga nupya nkakomeleka cuze. Mu ntazi zyane zyonsi nemo ncili nu luzango.

Filipi 1:14

Nupya cii cati cilenga kuti aina itu aingi yakule mu utailo yakosola ilandwe insita zyonsi kwaula intete.

Filipi 2:17

Utailo winu mu Mwene nga nu kuomba kwinu vikoline wa mpolelwa iyapeelwa kunoli. Nu wazi wane ungapongolwelwa pa kupeela impolelwa. Cii ndi cacitika, ndazanga nu kusansamuka pamwi namwe.

Kolose 1:24

Ndakai indi nu luzango pamulandu wa kuculila mwemwe. Pano kupitila mu kucula kwane kwaku mwili nemo nkwazwilizya kumalila kucula kwakwe Klistu ukwasyalapo pamulandu wi uvi, lili mwili wakwe.

1 Tesalonika 5:23

Leza wino akapeela mutende, amucite kuya amuzilo umu nzila zyonsi. Nupya aliwe asunge myenzo inu, mipasi nga ni mili inu, kuti muce muye antungwa ku ndema zyonsi pa kwiza kwa Mwene witu Yesu Klistu.

1 Petulo 4:16

Nanti cingaya vivyo, ndi mwacula pamulandu wakuti mwemwe ina Klistu, mutuvwa insonyi. Lelo taizyini Leza pano mwemwe yakwe Klistu.

1 Yoane 2:28

Endi, mwe ana mwe ikalini mu utandano na aliwe, pakuti lino alaloleka swemo tuce tupame kwaula kuya ni nsonyi pa Wanda wa kwiza kwakwe nupya.