Filipi 1:13 - Amazwi Yakwe Leza 2013

¹³ Caleka yakalinda yonsi amwi sano pali pamwi na antu yauze yonsi ali pano yamanyile ukuti nemo indi mu ng'anda yaminyololo pamulandu wakuti nene muomvi wakwe Klistu.

Filipi 1:13 Kruisverwysings

Milimo 26:29

Paulo aasuka ati, “Nanti pa kasita kanono nanti nsita ntali, ipepo lyane kuli Leza ilyakuti wewe na yao yonsi asyala, mwe muno mu kuuvwa kunondi ilelo mungaya wakwe vino indi, suka sile kuntanyepwa mu minyololo ii!”

Milimo 26:31

nga pacisila lino yafumanga yavwanzyanya yati, “Muntu wii atacisile nanti cimwi icakuti angafwila nanti kusumbwa mu ng'anda yaminyololo.”

Milimo 28:17

Pacisila ca manda yatatu, Paulo aama intunguluzi zya Ayuda. Lino zyakongana, azinena ati, “Mwe inane! Nemo indi kuno wa munyepwe kufuma ku Yelusalemu. Nanti angala ntasuzile mutundu witu nanti ntambi zino twapokelile kufuma ku vikolwe vitu, napiilwe mu makasa ya ina Loma.

Milimo 28:20

Acino nali nuzya kuti tulolane nga tulande namwe. Pano nati nyepwa mu minyololo pamulandu wakwe wiyo wino aina Izlaeli yakupaalila!”

Milimo 28:30

Pa myaka iili Paulo watenzi mu ng'anda ino wasonkelanga ala akupokelela yonsi aizanga ku kumulola.

Efeso 3:1

Caleka ne Paulo, munyepwe pamulandu wa kutumikila Klistu Yesu nkumupepela kuli Leza mwe Akulukuwa.

Efeso 4:1

Caleka nemo, ne munyepwe pamulandu wa kutumikila Umwene, nkumupapata kuti wikazi nu umi winu viye kulingana nu mwata wa lwamo luno mwamilwe.

Efeso 6:20

Pamulandu wi Landwe Lisuma nasololwa kuya nkombe, nanti ndakai indi mu n'ganda yaminyololo. Acino mwampepelako kuti nje mupame pa kukosola Ilandwe Lisuma wakwe vino ndinzile kucita.

Filipi 1:30

Mwaya mu ulwi uli umwi na uno mwalola munondi na ndakai mukuuvwa ukuti ncili nao.

Filipi 1:7

Lyonsi nkaelengenya pali mwemwe mu mwenzo wane. Pano namutemwa cuze. Pano mwensi mwakumako pamwi nani muli vino Leza wancitila, pali ndakai lino indi mu ng'anda yaminyololo nga na lilyo lino nali kunzi kuti ncingilile Ilandwe Lisuma nu kulikosola na maka.

Filipi 4:22

Antu yakwe Leza yonsi ali kuno yamulamuka, maka maka yao akatumikila mwi sano lya Mulasi uwaku Loma.

2 Timoti 2:9

Pamulandu wa kukosola Ilandwe Lisuma, nemo nkacula nu kunyepwa mu minyololo kwati nene cipondo. Lelo mazwi yakwe Leza yene yatanganyepwa mu minyololo.