Filipi 1:10 - Amazwi Yakwe Leza 2013

¹⁰ pakuti lyene mwamanya kusolola ivili visuma kuti mukazanwe asanguluke aula mulandu pa Wanda wa kwiza kwakwe Klistu.

Filipi 1:10 Kruisverwysings

Utandiko 20:5

Abulaamu umwisikulu uwanenyile ukuti Sala akaci wakwe, na Sala kwene wanena cili cimwi. Namanyile ukuti usi mulandu kumutwala, nupya ntaponzile.”

Yobo 12:11

Amatwi ali yano yakakutikila ivyakuvwauvwa, na kanwa nako kakasaasula nu kuvwa ukulyompa kwa vilyo.

Yobo 34:3

Mwamanya ukuti ikutwi ali lino likapusanya ivilandwa, ndi vino ululimi lukauvwa usuma wa vilyo.

Mika 3:2

mwemuno mwapata ivisuma, mwatemwa iviipe? Antu yane mwayacita kwati mukayafuwa impapa ala yacili apuma, nu kucekola iminyefu yao.

Mateo 16:23

Lelo Yesu aseleuka, asinkola Petulo ati, “Fuma pano, Ciwa! Kunondi ukoline wa cisiki mu nzila, pano amelenganyo yako yatafumile kuli Leza, lelo auntunze.”

Mateo 26:33

Alino Petulo avwanga ati, “Nanti yonsi yalakufutatila pamulandu wakwe vino vilakucitikila, nemo ntalacicita.”

Yoane 1:47

Lino Yesu walola Natanaeli akwiza kunoli, avwanga pamulandu wakwe ati, “Lolini wii ali mwina Izlaeli wa cumi, nupya munoli musi usomvi.”

Yoane 3:20

Pano wensi wino akacita vicitwa vyankota wene wapata luswepo, nupya atangiza ku luswepo, pano asyalonda kuti vicitwa vyakwe vyankota visokololwe.

Milimo 24:16

Caleka nsita zyonsi nkaezya na mano yane kuya na kampingu uwakaele inkolelo yakwe Leza na antu.

Loma 12:2

Mutakolana na antu amu nsi mu miyele yao, lelo lekini Leza apindulule myenzo inu kuti myelenganyizizye inu iye ipya. Lyene mulaya na maka akumanya kulonda kwakwe Leza, mulamanya vintu visuma pamwi ni vikamuzanzya.

Loma 12:9

Kutemwa kutayamo usomvi. Musule vintu viipe vyonsi. Lemasyini visuma vyonsi.

Loma 16:17

Nkumupapata mwe inane, mucenjele kuli yao akapatukanya iuvi nu kuvulunganya utailo wa antu pa kuntacita vintu vino mwensi mwasambiliziwe. Fuminiko kunoyali, muyasoloke.

Loma 2:18

Wemo wamanya cino Leza akalonda kuti wacita nupya wasambilila mu Masunde ukusola vilinzile kucitwa.

Loma 7:16

Lino nacita cino ntali nkasi kucita, ala cii cikulanga kuti nkazumilizya vino Masunde asuma.

Loma 7:22

Kwene mwenzo wane onsi ukazumilizya Masunde yakwe Leza.

Loma 8:7

Pano umuntu akaya umwanisi wakwe Leza ndi akutungululwa ni vilondwa vya mwili wakwe, pano wene asyayela Masunde yakwe Leza, nupya atangayela.

1 Kolinto 1:8

Leza alamusunga mu kukomeleka kufika nu kumpelelekezyo, pakuti mutakaye amulandu pa Wanda wa Mwene witu Yesu Klistu.

1 Kolinto 10:32

Ikalini mu musango uno utangaleta intazi ku Ayuda nanti Akulukuwa nanti kwi uvi lyakwe Leza.

1 Kolinto 8:13

Caleka, ndi cakulya cii cingalenga mwinane kupumika ale lyene ntalatala ndye inyama nupya, pakuti ntalenga mwinane apone.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

2 Kolinto 2:17

Swemo tutakoline wa antu yauze aingi, yano yakaezya kuya akama kupitila mu kukosola ilandwe lyakwe Leza. Lelo pano twaya muli Klistu tuli wa nkombe zyakwe Leza, tukakosola mu cumi kulingana nu kulonda kwakwe.

2 Kolinto 6:3

Swemo tusyakulonda umwi azane kuluvyanya mu mulimo witu, acino tukwezya na maka kuntaleta intazi.

2 Kolinto 8:8

Nemo nsyakupeela ilamulo lili lyonsi. Lelo apa kumulanga vino antu yauze yakalondesya kwazwa, nkwezya kumanya kutemwa kuno mwakwata ndu kwa cumi.

Galatiya 5:11

Inane, ndi ncili nkukosola ukuti kusilamulwa kukulondekwa kucitwa, uzye pacani ncili nkuzunyiwa? Mu cumi nda vino cili, lyene ale kukosola kwane pamulandu wa lupanda lwakwe Klistu kutangaleta intazi.

Efeso 4:15

Kulanda cumi lyonsi kungalenga ukutemwa, kutemwa kulinzile kwatwazwa kukula mu misango yonsi nu kulolana na Klistu, wino ali umutwe

Efeso 5:10

Mwaezya kusambilila vintu vino vikazanzya Mwene.

Efeso 5:27

Wacisile cii kuti aleke iuvi liloleke ilyalulumbi nupya ilyamuzilo, ilyaula mulandu nanti iyala nanti mikwinya nanti ndema zyuze.

Efeso 6:24

Cikuku cakwe Leza ciye na antu yonsi yano atemwa Mwene witu Yesu Klistu nu kutemwa kwa pe.

Filipi 1:16

Yaa yakacita cii nu kutemwa, pamulandu wa kumanya ukuti Leza wampeela mulimo wakucingilila ilandwe.

Filipi 1:6

Nupya nkusininkizya ukuti Leza, wino uwatandike mulimo usuma uu munomuli, alautwalilila kufika lino alaumala pa Wanda wakwiza kwakwe Klistu Yesu.

Filipi 2:16

lino mukuyanena mazwi yano yakapela umi. Ndi mwacita vivyo, lyene nemo ndailumba pamulandu winu pa Wanda uno Klistu alawela. Pano lyene ndamanya vino maka nu kuomba kwane kutali kwasilesile.

1 Tesalonika 3:13

Mu musango ndi uu, wene alamukomelezya, nga namwe mulaya afumaluke nupya amuzilo pa manso yakwe Leza Tata, lilyo lino Mwene witu Yesu aliiza nupya pamwi na akwakwe yonsi amuzilo.

1 Tesalonika 5:21

Mwaezya vintu vyonsi, musolole visuma,

1 Tesalonika 5:23

Leza wino akapeela mutende, amucite kuya amuzilo umu nzila zyonsi. Nupya aliwe asunge myenzo inu, mipasi nga ni mili inu, kuti muce muye antungwa ku ndema zyonsi pa kwiza kwa Mwene witu Yesu Klistu.

Yoswa 24:14

Lyene Yoswa atwalilila kuvwanga ati, “Fwandi lyene mulinzile koopa Yawe nu kumutumikila umucumi nu mukutailwa. Sumbini tuleza tuno ivikolwe vinu vyapepanga ku mbalama ya Luzi lwa Yodani nu mu Eguputo, nga mwatumikila Yawe.

1 Yoane 4:1

Mwe yacuza akundwe, mutataila yonsi akati yakwata Mupasi Wamuzilo. Lelo muyezye nu kumanya ndi cakuti mupasi uno yakwata wafuma kuli Leza. Pano yakasema yaufi aingi yasalangana konsi muno nsi.

Umbwilo 2:2

Namanya vino ukacita. Namanya kuomba kuno waombisye nga nu kuteeka umwenzo. Namanya ukuti wemo utangazumilizya yakaifya nga nupya wemo wezizye yao akati yene atumwa lino yasivyo. Lelo wayezya wazana ukuti yene antumpu.