Efeso 1:3 - Amazwi Yakwe Leza 2013

³ Lekini tutaizye Leza nupya Isi wa Mwene witu Yesu Klistu! Pano muli Klistu amuno wene watupolelela pa kutupela upolelelo onsi uwa mupasi kufuma mwiyulu.

Efeso 1:3 Kruisverwysings

Utandiko 14:20

Leza wapapelapela uwakupezile ukucimvya pa anisi yako alumbanyiwe.” Lyene Abulamu apeela Mekisedeki icikumi ca muli vyonsi vino wapokolwile.

Utandiko 22:18

Na antu amu nko zyonsi zya muno nsi yalanguzya kuti nayo njapolelele wakwe vino natinkupolelela na ana yako pamulandu wa kunjela.”

1 Milandu 29:20

Lyene Davidi anena antu akongine yonsi ati, “Lumbanyini Yawe Leza winu.” Acino antu yonsi iyalumbanya Yawe, Leza wa vikolwe vyao. Yakontama nu kucindika Yawe nga nu mwene kwene.

1 Milandu 4:10

Lelo kwene Yabezi wapefile kuli Leza wa ina Izlaeli ati, “We Leza, ungampolelela umpeele ni mpanga ikulu. Nkukulenga uye nani, nupya uwancingilila nu ku viipe vyonsi ivingandetela ukuwaika.” Nga Leza amupeela cino walenzile.

2 Milandu 31:8

Walanga Hezekiya pamwi ni vilolo vyakwe yiza yalola imitumba, yatasya Yawe nga apolelela na antu yakwe aina Izlaeli.

Neemiya 9:5

Alino aina Levi yaa, Yesyua, Kadimiyeli, Bani, Hasyabineya, Syelebiya, Hodiya, Syebaniya na Petaya iyavwanga iyati, “Katukini nu kulumbanya Yawe Leza winu. Mulumbanyini amanda pe! Kalicindikwe izina lyakwe lyamuzilo, nanti angala kusi umuntu angaulumbanya icifumaluke.”

Masamu 134:3

Si Yawe, amupolelele ukufuma uku Zioni! Wiyo uwacisile iyulu ni nsi.

Masamu 72:17

Antu yangala yateezya yamwilila, nu lulumbi lwakwe lwalu kuyelelela wi lanzi. Antu ya mitundu nayo kayalumba umwene wa mpanga yao, yapapata na Leza ukuti ayapolelele, ndi vino wapolelile umwene wa mpanga yao.

Masamu 72:19

Mwamulumbanya pee pano wacindamisya nu ucindami wakwe, kawalukulimba impanga yonsi! Endita kaciye vivyo kwene! Endita kaciye vivyo kwene!

Ezaya 61:9

Yene yamalumbuka wakwe cimwi ku antu ya mitundu yuze. Yonsi yano yamayalolanga yamasininkizya ukuti mucumi ali antu yano napolelela.”

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Luka 2:28

Simeoni apokelela umwana mu makasa yakwe nu kulumbanya Leza ati,

Yoane 14:20

Mu wanda ulya, mulamanya vino nemo na Tata twaya wenga, nga namwe kwene pamwi nani twaya wenga.

Yoane 17:21

Nkuyapepela kuti yonsi kwene yaye wenga. Tata! Si leka yaye wenga, ndi vino wewe nani twaya wenga. Si leka yaye wenga, kuti antu amu nsi yataile vino wewe wantumile.

Yoane 20:17

Yesu amunena ati, “Utandemamo pano ntali nkwele inje kuli Tata. Lelo yanga ku inane ukayanene vino nkukwela inje kuli Tata, ali So, Leza wane nupya Leza winu.”

Loma 12:5

Mu musango uli onga kwene avino naswe twaya mwili onga muli Klistu, nupya swensi twailundanya kuli cila wenga ndi vino mwili onga waya ni vilundwa vipusanepusane.

Loma 15:6

Lyene mwensi pamwi mwalumbanya Leza, Isi wa Mwene witu Yesu Klistu.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

1 Kolinto 12:12

Klistu akoline wa mwili onga uno ukweti vilundwa vingi. Nanti angala wapangwa ku vilundwa vipusane vingi, wene mwili onga sile.

2 Kolinto 1:3

Lekini tutaizye Leza nupya Isi wakwe Yesu Klistu Mwene witu. Wene a Tata wa luse, Leza ali ntulo ya kutekeziwa konsi!

2 Kolinto 11:31

Leza Isi wa Mwene witu Yesu, alumbanyiwe manda pe. Nupya wene amanyile ukuti nsyakutumpoka!

2 Kolinto 5:17

Lino umuntu wailundanya kuli Klistu, wene akaya ciumbwa cipya. Vyampiti vyasila, vyonsi vikaya vipya.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Galatiya 3:9

Abulaamu wataile nga Leza amupolelela. Caleka yonsi ataila pamwi na Abulaamu Leza alayapolelela.

Efeso 1:10

Lyene lino insita ilafika, Leza alacita vyonsi vino wapanga kucita, nga Klistu nawe alakonganika pamwi vintu vyonsi ivya mwiyulu na pano nsi.

Efeso 1:17

nu kuuzya Leza wa Mwene witu Yesu Klistu, Tata uwa lulumbi, kuti amupeele Mupasi Wamuzilo. Wiyo alalenga kuti mwemo muye na mano nupya alasokolola Leza kunomuli, pakuti namwe mungamumanyikisya.

Efeso 1:20

na yano Leza waomvizye lino wazyukwile Klistu kufuma ku afwe nga amwika kwi kasa lyakwe lilunji mwiyulu.

Efeso 2:6

Muli Klistu Yesu, Leza uwatukatwisye nga atupela cifulo mwiyulu pamwi na Klistu.

Efeso 3:10

Lyene Leza angaomvya iuvi kuti lilange maka ni ntunguluzi zya mwiyulu ukuti Leza wakwata mano aingi aiyele.

Efeso 6:12

Pano tusyakulwisya antu sile lelo tukulwisya mawene, mauteko, na maka yamfinzi amuno nsi nga ni mipasi yankota iya mulwelele.

Filipi 2:11

Vyonsi vilazumilizya paswe ukuti Yesu Klistu Umwene, alino vilalumbanya Leza Tata.

Ayebulai 8:5

mulimo uno yasimapepo yakaomba wene ukukolanya nupya ulangililo wa vintu vya mwiyulu. Cili ndi vino cali mu manda yakwe Mose. Lino wene wali pipi nu kukuula Itaalu lya upangano, Leza wamunenyile ati, “Sininkizya ukuti umapanga vyonsi kulingana nu musango uno nakulanzile pa mwamba.”

Ayebulai 9:23

Vintu vivi vyene ukukolanya kwa vintu vya mwiyulu ndi vino vili, nupya vyene vyaswefiwanga mu musango ndi uu. Lelo vintu vya mwiyulu vyene vikalondekwa kuswefiwa ni mpolelwa isuma cuze.

1 Petulo 1:3

Lekini tutaizye Leza Isi wa Mwene witu Yesu Klistu! Wene watupeela umi upya pamulandu wa mizu yakwe akulu cuze. Wene wacisile cii lino walenzile kuti Yesu azyukuke kufuma ku afwe. Wene watupeela umi upya nga nu upaalilo uno usyasila.