Danieli 9:5 - Amazwi Yakwe Leza 2013

⁵ “Silola vino twifya nu kucita inkota. Twakutalamila nu kufutatila amalamulo na masunde yako.

Danieli 9:5 Kruisverwysings

2 Yamwene 18:12

Nupya umulandu wakuti yatuvwilanga Yawe Leza wao nu konona umu kucita vivyo, yene yononyile isunde lyakwe, wakwe muno Mose umuomvi wakwe Yawe wayapile ilamulo. Fwandi tungati yatamuvwile nupya yatakonsile iceo cakwe nanti conga.

2 Yamwene 21:15

Fwandi ali vino indi nu kucitila antu yane pakunjifya kuno yanjifwa. Nupya yakansomba nu kunsosya umwenzo, ukutandikila sile uku vikolwe vyao, lino navifumizye mu Eguputo ukufika na pilelo kwene.”

Ezila 9:6

Alino mpepa inti, “We Leza wane, insonyi nu ulanda vyandesya ukusanzula amanso kunuli, Leza wane, pamulandu wakuti amaifyo itu yavulisya cuze ukuluta imitwe itu. Icumi kwene uyi witu wavulisya wakwe cimwi ukufika nu kwiyulu.

Masamu 106:6

Twaifizye kumwi ni vikolwe vitu, twaluvyanyizye nu kupulupunta twaifya kunuli.

Masamu 119:102

Nemo ntatazyela masambilizyo yako, pano wewe kwene uli kasambilizya wane.

Masamu 119:176

Inkululumba wa mfwele iponge, lelo ndanga undondole ne muzya wako, pano nemo ntapumbuka umu masunde yako.

Masamu 18:21

Nkawaka amasunde yakwe Yawe, nupya nsicita iviipe nu kufuntuka kuli Leza wane.

Ezaya 53:6

Swensi pyu pano twapela, twazeulukanga wa mfwele, swensi twapulupuntanga sile. Yawe nawe ali pakumutwika uyi witu swensi, uno twali nu kuculilamo.

Ezaya 59:13

Swemo twakusangukila we Yawe, twafumya amano kunuli, twakana nu kukulondela wewe we Leza witu. Swemo tukacuzya antu yauze nu kukusangukila. Vino swemo tukaelenganya ivyaufi sile.

Ezaya 64:4

Awe cumi, kutatala kwaya umuntu wino walola nanti ukuvwa Leza umwi uwaya na maka wakwe wewe. Wiyo angacitila antu yano yamutaila ivintu ivyaya wakwe vii.

Yelemiya 14:20

Ala swemo lyene twailongwela amaifyo itu, twazumila nu ufi wa vikolwe vitu kwene. Umu cumi swemo twakwifya.

Yelemiya 14:7

Antu yane yakundilila, yati, “Nanti angala amaifyo itu yakutusinila, we Yawe ule utwazwilizye sile ndi muno walavile. Twifya wakwe cimwi kunuli, na ucisanguka witu wapitilila.

Yelemiya 3:25

Katuletulambalale sile pansi pamulandu ni nsonyi. Ukuzewana kwitu kakule kutucitepo cimwi. Swemo kumwi ni vikolwe vitu twaifya kuli Yawe, ukutandikila sile uku wance witu, ukwizafika nu wanda wilelo. Twakana nu kuvwa ukwi zwi lyakwe Yawe, Leza witu.”

Yelemiya 30:14

Yacuza yako yonsi yakwilila, kusi nu wakusakamala foo. Pano nakuumile amatukizyanda. Nakukalipile cipyu cipyu apamulandu wakuti uyi wako wakulisye na maifyo yako nayo yavulisye.

Yelemiya 44:3

Apamulandu nu uyi uno yacisile, wakunsosya umwenzo lino yaile kuli tuleza utwenyi tuno yatamanyile aeneco kwene nanti ivikolwe vyao cakuti yatocela ubani nu kututumikila.

Nyimbo zya ndosya 1:18

“Lelo Yawe walungika, pasi pano natalamile amasunde yakwe. Munguvwwe mwe antu mwensi. Lolini vino nkuwaikwa. Alumendo na akazyana yane yasendwa umu uzya.

Nyimbo zya ndosya 1:20

“We Yawe, silola ulanda wane! Munda mwane mukuzakaza! Umwenzo wane ukukulukunta pano nene mutalami. Umu miseo muli utazi wa katwe, nu mu mang'anda muli imfwa.

Nyimbo zya ndosya 3:42

“We Mwene, ala twifya kunuli nupya twakusangukila, nga nawe utatuyelu luse, awe.

Ezekelo 5:6

Lelo Yelusalemu wii, wene wakana ukulondela amasunde yane, waipisya ukuluta imitundu yuze, watalama ukuluta ni mpanga zyuze zino zyamuzinguluka. Yelusalemu wakana ukusunga vipope vyane na masunde yane.

Ezekelo 6:9

Mumo ali muno yalaikala uzya nu kunjiusya ali kuno yalanjiusizya nu kumanya ukuti anene nayafulwile nu kuyalenga insonyi. Pasi pano yamfumizyeko amano, yali nu lwiswa lwa tuluwi, nemo yansuuzile. Ukuya kwene yalaisuula aeneco pamulandu wa viipe ni vyawinyi vino yacitanga.

Danieli 9:11

Izlaeli wensi wavuna amasunde yako nu kukufutatila, nupya wene wakana ukukuyela. “Caleka swemo twifya kunuli nu kuiletelela intipu zino zyalembwa mu Masunde yakwe Mose, umuomvi wako we Leza.

Danieli 9:15

“Caleka ndakai twatitwifya kunuli, we Mwene Leza witu, wemuno walumbwike lino wafumizye antu yako umu Eguputo, ku maka yako akulu, nga antu yacili iusya amaka yako.

Danieli 9:9

Wemo waya na mizu nupya ukatwelela uluse, nanti angala twakusangukila.

Oseya 1:2

Lino Yawe watandike ukuvwangila muli Oseya, wene wamunenyile ati, “Pita uye ukasake umwanaci cizelele nga akuvyalile ana yano yatalaya acumi. Pano antu amu mpanga ii yamfutatila nupya yasi acumi.”

Malaki 3:7

Ukufuma sile ku manda ya vikolwe vinu mwemo mwafutatila ivipope vyane, nupya mutavisunga. Ndi mwawela kunondi, nani kwene ndawela kunomuli. “Lelo mwemo mukuti, ‘Uzye tulinzile kucita vyani pakuti tuwelele kunuli?’ ”

Ayebulai 3:12

Mwe inane, cenjelini kuti umwi uwa munomuli ataya nu mwenzo uwiipe uwa kuntataila, nu kufutatila Leza wa umi.