Danieli 8:2 - Amazwi Yakwe Leza 2013

² Umu cilolwa cici naizanyile ala indi mu musumba wa malinga uwa Susa, mu muputule wa mpanga ya Elamu. Naimi umu nkumba ya luzi lwa Ulai.

Danieli 8:2 Kruisverwysings

Utandiko 10:22

Ana yakwe Syemu aonsi a Elamu, Asyuli, Alipakisadi, Ludi nga na Alamu.

Utandiko 14:1

Mu manda yalya Amulafeli umwene waku Syinala, Alioki umwene wa Elasali, Kedolaomeli umwene wa Elamu na Tidali umwene wa Goimu

Neemiya 1:1

Ya ali mazwi yakwe Neemiya umwana umonsi wakwe Hakaliya: Umu mwezi wakwe Kisilevi, umwaka uwalenga makumi yaili akuteeka kwakwe Alitakisesi umwene waku Pesya, nene ne Neemiya nali umu Susa, umusumba ukalamba.

Esita 1:2

Mu manda yalya kwene umwene Aasuwelo wali pa cilimba ca wene. Wene wikalanga mu musumba ukalamba wa Susa.

Esita 2:8

Na lino umwene wapile ilamulo lyakwama akazyana asuma uku Susa, Esita nawe apano wali. Nawe kwene yamwisile ukwisano umu ng'anda yakwe yamangu, umu makasa yakwe Hegai.

Esita 3:15

Apa mulandu wakuti ilamulo lyafuma uku mwene Aasuwelo, yakapaso nayo iyakalauka zuwazuwa nu kuitela apa museo. Nakuno yatandikile ukufisya ilamulo uku musumba ukalamba kwene uku Susa. Lino ilamulo likufika, ale umwene na Hamani yatiyikala na pa matebulo yakulya nu kumwa, ali cino umusumba wakwe Susa wali umu cimvulunganya cimwi iciipisye.

Esita 7:6

Esita nawe aasuka ati, “Umwanisi witu uwatuzunya a Hamani, umunkalwe wiyo!” Lyene Hamani auvwa intete cuze apa manso ya mwene na namwene.

Esita 8:15

Modekai nawe wafumile umu musumba, ala watazwala insalu zya wene iziyenzulukile ni zitiswe, alino ni ngala ya wene yakwe zaabu iikulu. Ukwikapo ni cikuwalo cakwe zaabu ica mingololozi. Umu musumba monsi umu Susa ala ya kupunda nu luzango ulukalamba.

Esita 9:11

Uwanda kwene uwa yatwazile cipendo uku mwene ca antu yano yakomile uku Susa.

Esita 9:15

Ayuda aikalanga umu Susa ali pakukongana apa wanda uwalenga ikumi na yani umu mwezi wakwe Adali, nga yakomola aonsi nayauze ukufika uku myanda itatu umu Susa. Lelo nupya kwene yatasenzile ivisampwe.

Ezaya 11:11

Mu wanda ulya Yawe alatumpula nupya ikasa lyakwe, nu kuwezya yonsi yalya yano yasile uku Asilya na Eguputo. Uku Pafulosi, ku Sudani, uku Kusyi, uku Elamu, ku Babiloni, ku Hamati, nga na pa vilila vyamuli yemba.

Ezaya 21:2

Ne Ezaya natindola icilolwa conga apa vintu ivikalale: wiyo akukoopa, akukoopa, wiyo akonona, akonona. Mwe vita vyaku Elamu, katusyini inkondo! Mwe vita vyaku Medya, mulizizye imisumba iyo. Nene ne Yawe ndamala ucuzi onsi uno waletwa na ina Babiloni.

Yelemiya 25:25

Yamwene yonsi aku Zimuli, yamwene yonsi aku Elamu na yamwene yonsi aku Medya,

Ezekelo 1:1

Mu mwaka walenga amakumi yatatu, pa wanda walenga yasano wa mwezi wakwe cini, lino nali na azya pa nkumba ya Luzi lwa Kebali, iyulu liyulika nga ndola Leza mu cilolwa.

Ezekelo 32:24

“Elamu ali kuku kwene, pamwi na malindi ya vita vyakwe vyonsi ala yamuzingulwike monsi. Yonsi kwene yakomilwe mu nkondo, nga yonsi kwene yazisilwe ukwaula kusilamulwa, yaya ku mpanga ya afwe. Lino yali nu umi yaponyizye ingofyo, lelo ndakai yatiyapupana nupya afwe nga yalambalile nu mu mpanga ya afwe.

Danieli 10:4

Pa wanda walenga amakumi yaili na yani uwa mwezi wakwe conga uwa mwaka ulya nemo naimi apa cituntu ca luzi lukulu lwa Taigilisi.

Danieli 7:15

Ne Danieli naaziwe mu mwenzo, nupya ivilolwa vii vyansakamike wakwe cimwi.

Danieli 7:2

Vii ali vino ne Danieli naweni umu ciloto usiku: Imiza yapunganga ukufuma mu ntunga zyonsi zini ala ikuvundula yemba mukulu.

Danieli 8:1

Mu mwaka wakwe citatu uwakuteeka kwa mwene Belisyazali, nakweti icilolwa cakwe ciili.

Danieli 8:3

Lino nalingamile umupela, indola suuku uwa mpembe ziili izitali, longa lwali ulutali nupya ulupya kuluta uluze. Suuku wilya waimi pipi nu luzi.

Mpendwa 12:6

Alino Yawe avwanga ati, “Uvwini amazwi yane. Lino kasema wakwe Yawe ali namwe, nkaisokolola kuli aliwe mu vilolwa, nu kulanda kunoli mu viloto.

Ayebulai 1:1

Ku mpiti Leza wavwanzile ku vikolwe vitu umu nzila zipusanepusane na maila avule kupitila muli yakasema.

Umbwilo 9:17

Mu cilolwa cino nakweti naweni imfwalasi pamwi na yao akwezilepo, yene yazwite vicingo vya vyela pa vifuwa vyao vyalolike viyenze wa moto, vifitulukile wa mfisya nupya wa mitulwatulwa. Mitwe ya mfwalasi izikoline wa mitwe yakwe yacisama, nu mu milomo yaziko mwafumanga umoto, icunsi, na maluti.