Danieli 7:20 - Amazwi Yakwe Leza 2013

²⁰ Nakasi ukumanya ni vikumile impembe ikumi izyali pa mutwe wa cinyama cici nga ni vikumile ulupembe luze ulwatumvile icisila, luno lwaponyizye zyuze. Lwene lwakweti amanso nu mulomo uwalandanga vyakuitakizya. Lwali ulwakoofya ukuluta zyuze zyasyala.

Danieli 7:20 Kruisverwysings

Danieli 7:11

Lyene ntwalilila kulola pamulandu wa mazwi akuitakizya yano ulupembe lulu lwalandanga. Ntwalilila kulola mpaka icinyama cici cikomwa, nga ni citumbi cakweco cisumbilwa mu cimbilimbili ca moto icononwa.

Danieli 7:19

Lyene nalondesyanga ukumanya icumi nacuze icikumile icinyama cakwe cini, cino citakoline ni vinyama vyuze, cino cali cakoofya nupya caomvizye ingala zyakweco zya mukuwa na mino ya cela pakulumola vyuze vyasyala nu kuvilyatola.

Danieli 7:21

Lino ncili lola, ulupembe lulu lwalwisizye antu yakwe Leza nu kuyacimvya.

Danieli 7:23

Lyene andondolwela vii: “Icinyama cakwe cini uli wene wakwe cini uno ulayako umu nsi, nga wene utalakolana na mawene yauze asyala. Wene ulatamola insi yonsi nu kuilyatola.

Danieli 7:7

Lino ncili lolekesya, icinyama cakwe cini ciloleka. Cene cali icikome, cakoofya, icakuleta intete. Cali na mino yacela akulu cuze yano caomvizye pakulumola nu kulyatola vyasyala vyonsi. Cene citakoline ni vinyama vyuze vyasyala, pano cali ni mpembe ikumi.

Danieli 7:8

Lino ncili lolekesya impembe zizi, indola kalupembe kanono ala kakufuma apakasi ka mpembe zyuze. Kene ikatinkula impembe zizi izyalipo zitatu. Kalupembe kaa kakweti amanso wa manso ya muntu nu mulomo uwalandanga vyakuitakizya.

Umbwilo 12:3

Nupya mwiyulu muloleka cimanyililo nacuze. Ndola cizoka cikulu cuze nupya ciyenzu cakweti mitwe cinimbali ni mpembe ikumi, nga ni ngala ya wene yali pali cila mutwe.