Danieli 6:28 - Amazwi Yakwe Leza 2013

²⁸ Acino Danieli aya nu longo mu manda ya utesi wakwe Dalyusi na wakwe Kilusi umwina Pesya.

Danieli 6:28 Kruisverwysings

2 Milandu 36:22

Umu mwaka wakutandikilapo wa kuteeka kwakwe Kilusi umwene waku Pesya, apa kufikilizya amazwi yano wavwanzile ukupitila muli kasema Yelemiya, Yawe akatusya ilango muli Kilusi umwene waku Pesya ukuti aume imbila zuwa iyakuti ilembwe nu kuiwelenga apalwalala monsi monsi umwapeezile uteko wakwe. Imbila iyo iyakuti,

2 Milandu 36:23

“Kilusi umwene waku Pesya wavwanga wati, ‘Yawe, Leza wa mwiyulu wampeela amawene yonsi apanonsi, nupya wansonta kuti imukuulile Ng'anda ikulu umu Yelusalemu umu mpanga ya Yuda. Umuntu ali wensi uwa munomuli nupya uwamu antu yakwe Leza, angaswilila kweneko. Yawe Leza umwene wakwe aye na aliwe.’ ”

Masamu 77:15

Uku maka yako sile, ali kuno wapuswisye antu yako yamwana Yakobo na yamwana Yosefu

Ezaya 44:28

Nene nkanena Kilusi inti, ‘Wewe kacema uwakwane, ulafikilizya amapange yane yonsi.’ Wene alavwanga ati, ‘Lekini Yelusalemu akuulululwe.’ Ni Ng'anda ikulu yakwe Leza nayo ulati, ‘Ikini umufula wakweyo.’ ”

Yelemiya 32:20

Awewe wacisile ivimanyililo ni vipezyamano mu mpanga ya Eguputo nupya avino ukacita ukufika na pali ndakai mu ina Izlaeli nu mu antu yonsi. Wailonkela izina lino ukweti apilelo.

Danieli 1:21

Danieli wasile kuku kwene kwisano mpaka nu mu mwaka wa kutandika kwa kuteeka kwa mwene Kilusi.

Danieli 10:1

Mu mwaka wakwe citatu wakuteeka kwakwe Kilusi umwene waku Pesya, uumbwilo wapilwe kuli Danieli (wino watemilwe izina lyakuti Belitesyazali). Ilandwe lyauko lyali lyacumi lelo lyali ilitale wakwe cimwi ukuvwa. Lyene lyalondolwilwe kuli Danieli mu cilolwa.

Danieli 3:29

“Caleka ne mwene nkupeela ilamulo lyakuti umuntu ali wensi uwamu luko luli lonsi nanti indimi wino wavwanga amazwi amisuula kuli Leza wakwe Syadilaki, Mesyaki, na Abedinego, wene alinzile kuputolwa mu vimpilinsya ni ng'anda yakwe itamolwe mpaka iye citalang'anda. Pano kusi leza muze wino angatuula wakwe vino wii akacita.”

Danieli 5:28

Pelesi: Wene wako watiwankanikana nu kupelwa ku ina Mede na ina Pesya.”