Danieli 3:25 - Amazwi Yakwe Leza 2013

²⁵ Lyene umwene avwanga ati, “Lolini! Uzye pacani cino nkulola antu yani yakulyatokela mu moto, ala yatanyefilwe, nga na wakwe cini nawe akuloleka wa mungeli?”

Danieli 3:25 Kruisverwysings

Yobo 1:6

Uwanda umwi, ana yakwe Leza amwiyulu yizile uku kupempula Yawe. Na Satana kwene apano wali.

Yobo 38:7

Lino intanda zyapa macaca zyumilanga utupundu capamwi, na angeli yonsi yakwe Leza yamuwanzizye capamwi ni nsansa.

Yobo 5:19

Wene angakupususya amaila mutanda, ni iila lyakwe cinimbali kutalaya iciipe nanti cimwi icilakuponela.

Masamu 34:7

Umungeli wakwe Yawe akacingilila yayo akamoopa, nupya akayapususya.

Mapinda 30:4

Uzye aweni uwatala wakwela ukwiyulu, alino nupya awelako? Uzye aweni uwatala wafumbatapo umuza? Uzye aweni uwatala wanyepa amanzi umu nsalu yakwe? Uzye aweni uwatesile impela ya nsi? Uzye wiyo, Izina lyakwe aweni, nupya amwana weni? Acino londolola ndu manyile!

Ezaya 43:2

Lino wapita umu manzi azike, namayanga nawe, na lino ukulamba uluzi, utalamwela awe. Lino wapita umu moto, utalapya awe. Icimbilimbili cakweo citalakwambukila awe.

Yelemiya 1:19

Yene yalakulwisya, lelo yalaposiwa ku kucimvya, pano nemo namayanga nawe apa kukupususya.” Ivyalanda ne Yawe.

Yelemiya 1:8

Utayoopa foo, pano namayanga nawe nu kukupususya. Ivyalanda ne Yawe.”

Yelemiya 15:21

Ndakutuula ku makasa ya aipe nupya akakate.”

Danieli 3:18

Lelo nanti angala atakututuula, tukasi kuti we mwene umanye ukuti tutamatumikila tuleza twako nanti ukupepa iciluwi cako cakwe zaabu cino wika kuku.”

Danieli 3:24

Lilyo kwene Nebukadineza avwandamuka nu kumangala nga auzya yampandamano yakwe ati, “Uzye tutali twanyepa antu yatatu nu kuyasumbila mwi lungu lya moto?” Nayo yaasuka yati, “We musambazi, ala vivyo kwene avino twali twacita.”

Danieli 3:28

Lyene umwene Nebukadineza avwanga ati, “Lumbanyini Leza wakwe Syadilaki, Mesyaki, na Abedinego! Wene wali watuma umungeli wakwe nu kupususya antu yaa yano yakamutumikila nupya yataila munoli. Antu yaa yali yakana ukuyela amalamulo yane nupya yatemwa ukufwa ukuluta kupepa nanti kutumikila kaleza kali konsi suka sile Leza wao aisikulu.

Danieli 6:23

Apakuuvwa cii, umwene asansamuka wakwe cimwi nga apeela ilamulo kuti yafumye Danieli mu ninga ilya yakwe yacisama. Caleka yamufumya nga yataweni icilonda nanti cimwi apa mwili wakwe, pamulandu wakuti Danieli wataile muli Leza wakwe.

Mako 16:18

Lino yalalema inzoka, na lino yalamwa ulembe wene utalayakoma, yalika makasa yao pa alwale, nao yalapola.”

Luka 1:35

Mungeli amwaasuka ati, “Mupasi Wamuzilo uliza panuli, na maka yakwe Leza uwa papelapela yalakuvimba. Pamulandu uu, umwana wamuzilo alaamwa u Mwana wakwe Leza.

Milimo 28:5

Lelo Paulo akuntila inzoka mu moto.

Loma 1:4

Lelo muli umuzilo wakwe wa uleza wene wasininkiziwe pa kuzyukuka kufuma ku afwe ukuti wene Mwana wakwe Leza.

1 Petulo 3:13

Ndi mukulondesya kucita cisuma, uzye aweni angacita viipe kunomuli?