Danieli 11:40 - Amazwi Yakwe Leza 2013

⁴⁰ “Lino insita yakusyalikizya ya mwene waku Silya ilafika, umwene waku Eguputo alamuzanza, nga umwene waku Silya nawe alaipokolola ku maka yakwe yonsi, ale akuomvya amaceleta, imfwalasi, nga ni vimawato ivivule. Wene alazanza impanga izivule, nu kusalalamo ungati a mulamba wa mukuku.

Danieli 11:40 Kruisverwysings

Ezaya 21:1

Amazwi asowilwe pamulandu nu lwanga ulwamu nkumba yakwe yemba yakuti, Uononyi ulafuma ku mpanga ikakame. Uliiza wakwe nkungulupya akupita ukufuma mu lwanga.

Ezaya 5:28

Inceto zyao pasi pakusongola. Yene yatiyazumba na malapwa yao. Inkamba zya mfwalasi zyao zyakoma wi we. Alino imipeto ya maceleta yao ikuzinguluka wakwe nkungulupya.

Ezaya 66:15

Nemo ne Yawe ndizila umu moto, ndiza nkupitila muli nkungulupya, lino ndiza mukufulula yano nasokela.

Yelemiya 4:13

Lolini! Umwanisi akwiza wa makumbi. Amaceleta yakwe ankondo yakwiza wakwe nkungulupya. Imfwalasi zyakwe zilusile yacipungu uku lwilo. Kalanda kunotuli! Twatitononwa!

Ezekelo 38:4

Ndakuseleula, nu kukuswela na maswelo mu vyamvu vyako, wewe pamwi ni mpuka yako ya vita ikulu, ni mfwalasi pamwi na yayo akakwelapo. Yonsi kwene yalasenda ivisyangu vyao ivikulu ni vinono, na malupanga yao.

Ezekelo 38:9

Alino lyene ulakatuka nu kwiza wa cipunga. Ulavimbilikizya impanga wi kumbi, wewe kwene, ivita vyako vyonsi ni mitundu iingi pamwi nawe.

Danieli 11:10

“Ana yakwe aonsi yalaiteyanya ku kulwa inkondo nu kukolonganika impuka ya vita ikulu. Umwana wenga pali yayo alafuma watauwa wa mukuku nga alwisye umusumba wa anisi uwa malinga.

Danieli 11:11

“Mu ukali wakwe umwene waku Eguputo alaya ku kulwisya umwene waku Silya nu kulema impuka yakwe ikulu ya vita.

Danieli 11:13

“Umwene waku Silya alaswililamo nga alakonganika impuka ikulu ya vita ukuluta ino wakweti inkolelo. Apacisila ca myaka imwi, wene alawela ni mpuka ikulu ya vita ino ilaipangasya ningo.

Danieli 11:22

Ali wensi wino alamusangukila, nanti angaya a Simapepo Mukulu wakwe Leza, wene yalamukoma nu kumulovya.

Danieli 11:25

“Wene alapama nu kukatusya impuka ya vita ikulu kuti akalwisye umwene waku Eguputo, wino alaiteyanyizizya ivita vyakwe vya maka ku kumulwisya. Lelo umwene waku Eguputo yalamusomba nga alaposiwa kucita cico.

Danieli 11:35

Yamwi mu ntunguluzi zizi zyamano yalakomwa, lelo pamulandu wakwe cii antu yalasangululwa. Cintu cii cilatwalilila mpaka ukufika nu kumpelelekezyo, umu nsita ino Leza wasonta.

Danieli 11:39

Apakuti acingilile imisumba yakwe ya malinga, wene alaomvya antu akapepa leza wa inamasi. Wene alacindamika yao amuzumila kuya intunguluzi, nu kuyalasika ivifulo vya papela umu wene wakwe, nga nu kuyalambula impanga.

Danieli 11:7

“Apacisila, wenga uwamu akazi kakwe alaya umwene. Wene alalwisya ivita vya mwene waku Silya, nu kwingilila mu musumba wao wa malinga, yayacimvye.

Danieli 12:4

Lyene wene anena ati, “Lelo wemo, we Danieli, kupika ulupapulo nu kwikapo icimanyililo ukufika uku nsita ya mpela ya nsi. Pali ndakai, antu avule yamaezyanga ukumanya ivikucitika.”

Danieli 12:9

Nawe pali pakwasuka ati, “We Danieli, ulinzile kupita, pamulandu wakuti amazwi yaa yalinzile kusungwa inkama nu kufiswa mpaka uku mpela ya nsita.

Danieli 8:17

Lyene lino Gabilieli wizile aimilila apipi na pano naimi, nuvwile intete wakwe cimwi nga impona pansi. Alino anena ati, “We mwana wa muntu, iluka ukuti icilolwa cikumile insita ya mpelelekezyo.”

Habakuku 3:14

Mwemo uku nceto zinu mwalasile musika wa mpuka ya vita vyakwe, vivyo ivizile ungati icipupu ku kutusalanganya. Ala yakutuseka kwati awiya amaleta ivisuma, fwandi ala uononesi sile ku apina.

Zakaliya 9:14

Lyene Yawe alalolekela lwa papela pa antu yakwe, alaafika inceto ale zikumyantula sile wa nkuwa. Yawe Simwandalali alalizya intandala, nupya alatunkila uku katutu, aliza akupita mu cipunga ukufuma ku kayeya.

Umbwilo 16:12

Lyene mungeli uwalenga mutanda apongolwela vyamu lweso lwakwe pa luzi lukulu Yufulate. Alino uluzi lupwa kuti luyule inzila yakuti yakateeka kufuma ku ufumondaka yapitemo.

Umbwilo 9:16

Nuvwile mpendwa ya vita vyali pa mfwalasi, vyene vyali mazimbi myanda iili maila izimbi lyonga.