Danieli 11:36 - Amazwi Yakwe Leza 2013

³⁶ “Umwene waku Silya alacita ndi vino akasi. Wene alaitakizya ukuti umukulu kuluta Leza ali wensi, nupya alusile Leza Wapapelapela. Wene alacita cico ukufika lino Leza alamuvunuka. Leza alacita ndi mumu kwene muno wetetwile ukucita.

Danieli 11:36 Kruisverwysings

Masamu 136:2

Taizini Leza pali tuleza tonsi, pano luse lwakwe ulwa pe na pee.

Masamu 33:10

Yawe akaonona nu kuvulunganya amapange ya ikala nsi. Akavulunganya nu kupasola amapange ya mitundu.

Mapinda 19:21

Amapange yavulisya umu mwenzo wa muntu, lelo amapange ya Mwene yene yakafikiliziwa.

Ezaya 10:23

Endi, Yawe Wamaka yonsi, amaleta ilovyo umu mpanga yonsi, ndi muno walayile ukucita.

Ezaya 10:25

Umu kasita kanono ukali wane panomuli ulatunkana, nga nani ndayalovya uku cipyu cane.

Ezaya 10:5

Yawe akuti, “Kalanda ku mulasi waku Asilya! Ala Asilya, ali wino nemo nkalema nu kumuomvya wa ntuwa yakufyentolela antu yano nkasokela.

Ezaya 14:13

We muno welenganyanga uti, “Ndakwela ukwiyulu nu kuteeka icilimba cane ca wene apapela ya ntanda zyakwe Leza. Nupya ndikala apa mwamba wa ukongano, api kasa limani, lwaku ufumondaka ukutali.

Ezaya 14:14

Nupya ndakwela apapelapela ya makumbi. Ndakolana wa Mucindami.

Ezaya 26:20

Mwe antu yane aleni ingilini mu ng'anda inu, muyale ni visasa. Mufisame apa kasita kanono cisuke icipyu cakwe Leza cisile.

Ezaya 30:33

Ala ampiti sana lino yateyinye icilinkwa ca moto umwakocela umwene wa ina Asilya. Ciwina icizike nupya icikulu, muno inkwi zyazulamo tupu, Yawe umweneco aliwe amaiza auvwiile nu mupu wakwe nu moto wize utumuke kwati amaluti akupya.”

Ezaya 46:10

Ukutandikila sile na pa mpiti nemo nkavwanga calimwi ivili nu kucitika. Ukutandikila sile na pa mpiti nemo nkalondolwela calimwi ivili nu kucitika. Nkalanda ukuti vino nkapanga ukucita ala vilacitika. Nkacita na vyonsi vino nkulonda ukucita.

Ezaya 57:9

Mukatala imuinonya amafuta ni vintu vyuze ivya cinunu cisuma, alino imuya umu kupepa Moleki kaleza kaluwi. Apakuzana tuleza kwene utuluwi tuno mukapepa, mwemo mukatala imutuma inkombe izya kutali. Ala mukazituma sile waku mazyamo.

Ezekelo 28:2

“We mwana wa muntu, nena intunguluzi yakwe Tuli uti, Yawe Simwandalali walanda akuti wemo mu cilumba camu mwenzo wako walanda wati wewe uli Leza. Nikala wa mwene pa cilimba cakwe yaleza umwi ziya muli yemba. Lelo wewe muntu, usi leza awe, nanti angala ukwelenganya ukuti wewe wamano wakwe leza.

Ezekelo 35:13

Nemo nkauvwa amazwi yonsi acilumba, yano ukavwanga civwangevwange pali nene. Ala nemo nkauvwa sile vyonsi.

Danieli 11:16

Umuzanzi waku Silya alayacita consi cino akasi, ukwaula kuti yamulesye. Wene alikala mu mpanga yalaiwa nga ilaya mu maka yakwe sutu.

Danieli 11:3

“Lyene kulaloleka umwene wamaka. Wene alateeka uwene ukulu nu kucita consi cino akasi.

Danieli 11:37

Umwene wilya atalasumba amano kuli yaleza ya vikolwe vyakwe, nga na kuli leza wino anaci yatemwa. Umucumi wene atalasumba amano kuli yaleza yonsi, pamulandu wakuti alelenganya ukuti wene umukulu ukuluta leza ali wensi pali yayo.

Danieli 12:7

Umuntu wilya uwazwite insalu itelepelele, uwali lwa kupela ya luzi, atumpula amakasa yakwe mupela nga alaya nu mulapo umwi zina lyakwe Leza wa manda pe. Lyene nani inuvwa kuno akuti, “Cilaya umu kasita, mu tusita na citika wa kasita. Lino kuzunyiwa kwa antu yakwe Leza kulasila, ivintu vii vyonsi ale vyacitika mpiti.”

Danieli 2:47

Umwene avwanga ati, “Leza wako umukulu pali yaleza yonsi, umwene wakwe yamwene, nupya aliwe akaumbula inkama. Manyile cii pamulandu wakuti we Danieli watuumbula inkama.”

Danieli 4:35

Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’

Danieli 5:19

Wene wali umukulu cakuti antu amu nko zyonsi, ni misango yonsi ni ndimi yamoopanga nu kuzakaza. Ndi wene walonda kukoma ali wensi, ala amamukoma. Ndi walonda kuti umwi atakomwa, ala cimaya vivyo kwene. Wene wacindamikanga nanti kusausya ali wensi wino akasi.

Danieli 5:20

Lelo pamulandu wakuti wene wali ni cilumba, atalama, aya umunkalwe, ali cino yamufumizye apa wene nga yamupoka nu mucinzi wa cifulo cakwe.

Danieli 7:8

Lino ncili lolekesya impembe zizi, indola kalupembe kanono ala kakufuma apakasi ka mpembe zyuze. Kene ikatinkula impembe zizi izyalipo zitatu. Kalupembe kaa kakweti amanso wa manso ya muntu nu mulomo uwalandanga vyakuitakizya.

Danieli 8:19

Alino avwanga ati, “Nkukulanga vino ivilatumbuka mu ukali wakwe Leza vilaya. Icilolwa cikumile insita iyasontwa yampelelekezyo.

Danieli 8:4

Nalolekisye suuku wilya akusimula mu mwata wa kukunula ulunga nu ku uwondaka, ku katutu, nu ku kayeya. Kusi inyama imwi ino ingamulesyanya, nanti kuipususya ku maka yakwe. Wene wacisile ndi vino camuzanzizye nga wali ni cilumba.

Zakaliya 11:16

Pasi pano ninsonta umuntu wenga mu mpanga akucema imfwele zyane. Wiyo wene asikusakamala kucingilila imfwele zino zikuzanza, asikwazwa ni zikuluwantika, asikupozya izikucisika nanti kulisya izikusyala penepo. Wene apunukile sile ku kulya izisuma iziine nu kuzifyontola inkamba.

Yoane 5:30

“Nemo ntangacita cimwi mu nsambu yane. Tata wanena vino ningapingula, nu upinguzi wane usi walufyengo pano nsyacita kulonda kwane, suka kulonda kwakwe Tata wino uwantuma.

Yoane 6:38

Pano nika kufuma kwiyulu asi kwiza cita kulonda kwane, lelo kulonda kwakwe wino uwantuma.

Milimo 4:28

Yakongine kuti yacite vino wewe wemwisikulu wateyinye mpiti ku maka na mano yako, kuti vicitike.

Malango 10:17

Acino lyene mumanye ndi vino Leza winu ali Leza uwaluta yaleza yonsi. Wene umukulu nupya uwamaka nu wakoofya, wino ataya na kasoozi nupya asizumila kutoola amafukakanwa.

2 Tesalonika 2:3

Mutaleka umwi amusombe. Pano Umwene atangiza suka antu yace yasangukile Leza, nga nu Mui wilya aloleke, wino uyo wakwe cifulo ca afwe.

2 Tesalonika 2:4

Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza.

2 Tesalonika 2:8

Alino lyene Mui wilya alasokololwa. Lelo lino Mwene Yesu aliza, wene alamukoma ku mupu uwamu mulomo wakwe, nu kukaoka kwakwe kulamulovya.

Yoswa 22:22

“Uwamaka wilya ali Leza! Wene ali Yawe! Wene amanyile cino twacitile cii, nga naswe kwene tukasi kuti mumanye! Ndi cakuti twasangukile Yawe nu kuntaya acumi kunoli, lyene ilelo mutaleka tutwalilile ukuya nu umi.

Umbwilo 10:7

Lelo lino mungeli uwalenga cinimbali alalizya ntandala yakwe, lyene Leza alafikilizya kuteyanya kwakwe ukwa nkama, ndi vino walavile kuli yakasema aomvi yakwe.”

Umbwilo 12:14

Mwanaci wapilwe maapa yaili yakwe lyang'anda kuti apapuke aye ku ncende yakwe mu lwanga. Mu amuno alasungwa ningo pa myaka itatu na citika, ukoopa kuti cizoka cingamonona.

Umbwilo 13:1

Nupya ndola cilyanyi cikufuma muli yemba. Cene cakweti impembe ikumi ni mitwe cinimbali, nga cila lupembe pali ingala. Nupya cila mutwe palemvilwepo izina lya miponto kuli Leza.

Umbwilo 17:17

Pano Leza wiika mu myenzo yao kuti yafikilizye kulonda kwakwe na kuti yawikizyanye nu kupeela uwene wao ku cilyanyi kufika lino mazwi yakwe Leza yalafikiliziwa.

Umbwilo 17:3

Mupasi Wamuzilo antungulula, nga mungeli ansenda ku lwanga. Kuku akuno naweni mwanaci atenzi pa cilyanyi ciyenzu cino calemvilwepo mazina ya miponto kuli Leza. Cilyanyi cii cakweti mitwe cinimbali ni mpembe ikumi.