Danieli 11:27 - Amazwi Yakwe Leza 2013

²⁷ Lyene yamwene yalya yaili yalikala nu kulya icakulya pamwi, lelo amalango yao yalaya aipe, nupya yalasombana. Yene yatalakwata cino yakulonda, pamulandu wakuti insita yakweco itatala yafika.

Danieli 11:27 Kruisverwysings

2 Samueli 13:26

Lyene Abusalomu avwanga ati, “Ndutangiza, fwandi leka tupite nu mwinane Amunoni.” Umwene nawe amuuzya ati, “Uzye pacani cino ukulonda mupitile nawe?”

Masamu 12:2

Yonsi yakatumpwilana. Yakalyongofya apa tunwa twao, nupya yaya ni ndimi ziili.

Masamu 52:1

Icani cino ukuitutumwila pa uyi wako we cimuntu ca vilumba? Umusanya onsi ukaelenganya sile ivyaononyi. Umulomo wako wasongola wakwe coco.

Masamu 58:2

Awe! Umu myenzo inu mukacita ulufyengo. Nupya amwemwe kwene mukasansanta ni mpanzela pano nsi.

Masamu 62:9

Antu yonsi kwene yaya wa muza. Akama nayo yaya wa ufi, ndi cakuti kwali ukuyapima pali sikelo, yatange yanyome nanti panono, yali sile wa muza.

Masamu 64:6

Lino yakupanga ukucita iviipe, yene yakati, “Eya mwandi, paa apapela ukupangana!” Ee kwene umucumi, amano ya muntu, yaya acimpelezya!

Mapinda 12:20

Umu myenzo ya antu akapangana iviipe mwazula ivyaufi vitupu, lelo mu myenzo ya antu akalangulukilana yene mwaya insansa nu lukundo.

Mapinda 19:21

Amapange yavulisya umu mwenzo wa muntu, lelo amapange ya Mwene yene yakafikiliziwa.

Mapinda 26:23

Akalomo kaundyondyo ni vitakwa viipe, cili conga sile ni nyungu ikulumbile, iyaula ukoca.

Ezekelo 17:9

“Uyanene uti, ‘Yawe Simwandalali wavwanga wati, Uzye ulalemuka? Uzye lyang'anda atalawipa, uzye atalaukuntola iviseekwa nu kuleka amafwa apya yonsi yano yatumba yakanyale? Apakwipa kumwi ni misisi patalalondekwa amakasa akome nanti antu avule.

Danieli 10:1

Mu mwaka wakwe citatu wakuteeka kwakwe Kilusi umwene waku Pesya, uumbwilo wapilwe kuli Danieli (wino watemilwe izina lyakuti Belitesyazali). Ilandwe lyauko lyali lyacumi lelo lyali ilitale wakwe cimwi ukuvwa. Lyene lyalondolwilwe kuli Danieli mu cilolwa.

Danieli 11:28

Umwene waku Silya alaswilila kumwao ale asenzile ni visampwe vyonsi, lelo umwenzo wakwe ulaya ku konona upefi wa antu yakwe Leza. Wene alacita ndi vino akasi nga lyene aswilile ku mpanga yakumwao.

Danieli 11:29

“Apa nsita yasontwa wene alazanza Eguputo nupya, lelo insita ilya citalaya vino cali apankolelo.

Danieli 11:35

Yamwi mu ntunguluzi zizi zyamano yalakomwa, lelo pamulandu wakwe cii antu yalasangululwa. Cintu cii cilatwalilila mpaka ukufika nu kumpelelekezyo, umu nsita ino Leza wasonta.

Danieli 11:40

“Lino insita yakusyalikizya ya mwene waku Silya ilafika, umwene waku Eguputo alamuzanza, nga umwene waku Silya nawe alaipokolola ku maka yakwe yonsi, ale akuomvya amaceleta, imfwalasi, nga ni vimawato ivivule. Wene alazanza impanga izivule, nu kusalalamo ungati a mulamba wa mukuku.

Danieli 8:17

Lyene lino Gabilieli wizile aimilila apipi na pano naimi, nuvwile intete wakwe cimwi nga impona pansi. Alino anena ati, “We mwana wa muntu, iluka ukuti icilolwa cikumile insita ya mpelelekezyo.”

Danieli 8:19

Alino avwanga ati, “Nkukulanga vino ivilatumbuka mu ukali wakwe Leza vilaya. Icilolwa cikumile insita iyasontwa yampelelekezyo.

Habakuku 2:3

Uumbwilo uu uli nu kufikiliziwa apa nsita yakweo ilingine, ino ili nu kufika ukwaula kuzimba. Nupya ulacitika ukwaula kutwisika. Lelo ndi mwalola ukuti wene wazimba, nemo nkuti muulolele mutazukuwa. Wene ulafikiliziwa ukwaula kucelwa nanti ukulezyalezya.

Milimo 1:7

Yesu ayaasuka ati, “Uwanda na kasita vyateyanyiziwa sile na Tata ku maka yakwe, nupya usi mulandu winu kumanya lino vintu vii vilacitika.

Milimo 17:31

Pano wimika uwanda uno alapingwilapo antu yonsi amu nsi mu wololoke ukupitila muli wino wasola. Wapela icisininkizyo pali wensi pakuzyukula umuntu wilya kufuma ku afwe!”

1 Tesalonika 5:1

Inane, citakulondekwa kuti mulembele pamulandu wa kasita nanti Wanda lino vii vyonsi vilacitika.