Danieli 10:12 - Amazwi Yakwe Leza 2013

¹² Lyene mungeli wilya anena ati, “We Danieli, utuvwa intete. Leza uvwa amapepo yako ukutandikila sile pa wanda uno wemo welenginye ukuicefya apakuti upelwe ukwiluka. Nani natiniza apa kwasukwa kwi pepo lyako.

Danieli 10:12 Kruisverwysings

Masamu 69:10

Nga naicuzya apa kukanalya, lyene kuli alino ale caya icakusombezya, icaku nsuulilapo.

Ezaya 35:4

Nenini atovoke umu mwenzo muti, “Posyini mutaoopa! Lolini Leza winu akwiza. Akwiza ku kumulandwila. Wene akwiza ku kumukulula.”

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Ezaya 41:14

Nupya Yawe wavwanga wati, “Mwe ina Izlaeli, nanti angala mwacepesya nu kuulilwa amaka, mutaoopa foo, pano nene namamwazwanga. Anene Leza Wamuzilo wakwe Izlaeli. Anene namamupususyanga.

Ezaya 58:9

Lyene mulati ndi mwangama ndaasuka. Mulaapunda izina lyane nani ndaasuka inti, ‘Apano ndi.’ Ndi cakuti mwata ukutwika auzo ikoli, mwata nu kusontana iminwe, mwata nu kulanda ivintu viipe pali alio,

Ezaya 65:24

Ndayaasuka lino yatacili yangame, ndayuvwa na lino yatacili yamale ukuvwanga.

Danieli 10:11

Umungeli anena ati, “We Danieli, Leza wakutemwa wakwe cimwi. Katuka nu kusumbako amano kuli vino namakunena. Nintumwa kunuli.” Pacisila lino mungeli wilya walanda cii, inkatuka ala ncili nkuzakaza.

Danieli 10:19

Wene avwanga ati, “We Danieli, Leza wakutemwa, acino utaleka icintu icili consi cikusakamike nanti kukoofya.” Lino wene wavwanzile cii, nemo inkomelekako nga mvwanga inti, “Musambazi, unene cino ukasi kuvwanga. Wemo watundenga ukuvwa ningo ukuluta.”

Aina Levi 16:29

Malamulo yaa, yali nu kusungwa ku nkulo zinu zyonsi. Pa wanda uwalenga ikumi, uwa mwezi uwalenga cinimbali, aina Izlaeli pamwi na inamasi yano yakwikala pakasi kao, yatalinzile ukulya nanti cakulya cimwi. Nupya yatalinzile ukuomba umulimo uli onsi.

Aina Levi 16:31

Uwanda uwo uli nu kuya wamuzilo cuze, wanda uno yatalinzile kulya nanti cakulya cimwi. Nupya yatalinzile ukuomba umulimo uli onsi. Malamulo yaa, yali nu kusungwa ku nkulo zinu zyonsi.

Mpendwa 29:7

“Mu wanda uwalenga ikumi uwa mwezi uwalenga cinimbali, muce mwakongana pamwi ku mapepo. Muli nu kuikanya ukulya, alino nu kuntaomba umulimo uli onsi.

Mateo 28:10

Lyene Yesu ayanena ati, “Mutoopa! Yangini mukanene aina yane yaye ku Galile. Kuku akuno yalandola.”

Mateo 28:5

Alino mungeli anena anaci yaya ati, “Mutoopa, pano manyile vino mukulonda Yesu, wino watanyilwe pa lupanda.

Mako 16:6

Nawe ayanena ati, “Mutaya ni ntete.” Manyile vino mukulonda Yesu uwaku Nazaleti, wino watanyilwe pa lupanda. Asimo muno, watazyukuka! Lolini pano yamwisile aepa.

Luka 1:13

Lelo mungeli amunena ati, “Utoopa Zakaliya, pano ipepo lyako lyati lyuvwika. Muci wako Elizabeti alakuvyalila umwana umonsi, alino naawe ulamutemela izina uti a Yoane.

Luka 1:30

Lelo mungeli amunena ati, “Utoopa, Maliya, pano Leza watakukumbusuka.

Luka 2:10

Lelo mungeli ayanena ati, “Mutoopa, pano namuletela Ilandwe Lisuma, lino limaleta uluzango ulukulu ku antu onsi.

Luka 24:38

Lelo nawe ayanena ati, “Uzye pacani mwasakamikwa? Uzye pacani mukutwisika mu myenzo inu?

Milimo 27:24

‘Utuvwa intete, Paulo! Uli nu kuya imilila pa manso yakwe Kesa. Leza mu usuma wakwe kunuli watakupeela amaumi ya antu yonsi yano mupatime nao, yatakufwa.’

Umbwilo 1:17

Lino namulola, nani mpona pansi pipi na pa ngazo zyakwe wa muntu mufwe. Nawe anjikila ikasa lyakwe lilunji nga avwanga ati, “Utoopa! Nene uwakutandika nupya uwakusyalikizya.