Danieli 1:20 - Amazwi Yakwe Leza 2013

²⁰ Mu vintu vyonsi ivikumile amano nu kwiluka vivyo vino umwene wayuzyanga, wazananga ukuti alumendo yaa yani yalusile amaila ikumi amamanyamano yonsi kumwi na yakasapoola amu wene wakwe onsi.

Danieli 1:20 Kruisverwysings

Utandiko 31:7

Lelo wene wansomba nu kucefya malipilo yane maila ikumi. Lelo Leza atamuzumilizye kuti ancise.

Utandiko 41:8

Lino kwaca katondo Falao asakamala cuze. Caleka aama amamanyamano na antu yamano yonsi amu Eguputo nga ayalotwela viloto, lelo kutali nanti wenga wakuti angilula muno viloto viile.

Neemiya 4:12

Lelo kwaliko Ayuda yano yikalanga umupipi na anisi yayo. Ali yano yizile yatuceula amaila ikumi nga nu kutusopa apa mapange yao.

Yobo 19:3

Mwati munsalula nu kunsinkola amaila na maila, ukwaula kuti muvwe ni nsonyi foo.

Masamu 119:99

Natinja na mano ukuluta na yakasambilizya yane yonsi, pano nkakutumalilapo apa malamulo yako.

Kufuma 7:22

Lyene amamanyamano amu Eguputo nayo yeleuzya icili conga kwene kupitila mu malele yao. Nga Falao atwalilila ukukoma umwenzo ndi vino Yawe wavwanzile ukuti wene ataluvwa kunoyali.

Kufuma 8:19

Alino amamanyamano yanena Falao yati, “Leza uwatacita cii!” Lelo Falao akoma umwenzo wakwe vino Yawe wavwanzile ukuti Falao ataluvwa ku mazwi yakwe Mose na Aloni.

Kufuma 8:7

Lelo amamanyamano yeleuzya icili conga kwene kupitila mu malele yao, yalenga yacula ukufuma mu manzi iyaya ku mulundu.

Ezaya 19:3

Nemo namaya ku kuvulunganya aina Eguputo, nu kuyatovola. Lyene yamauzyanga utuluwi twao pakuti tuyazwilizye. Yamauzyanga yakasapoola, nu kwezya ukupandwa amano uku mipasi ya afwe.

Ezekelo 28:3

Wemo ukwelenganya ukuti wewe wamano ukuluta Danieli cakuti kusi inkama izingafiswa kunuli.

Danieli 1:17

Caleka Leza apeela alumendo yaa yani amano nu kwiluka kwa misango yonsi ya vyalembwa na masambililo. Ukulunda pali cico, apeela Danieli amaka akulondolola ivilolwa ni viloto vya misango yonsi muno viile.

Danieli 2:13

Acino ilamulo lyapilwe lyakukoma yonsi pyu, ukwikapo na Danieli na yacuza yakwe kwene.

Danieli 2:21

Wene akaangalila utusita ni viputulwa vya mwaka, akalasika antu apa wene nu kuyasisya penepo. Aliwe kwene akapeela amano ku antu yamano, nu kumanya kuli yayo akailuka.

Danieli 5:17

Danieli nawe aasuka umwene ati, “We mwene uisungile sile vyawila wako nanti uvipeele ku muntu muze. Musambazi nemo namakuwelengela vilembelo nu kukunena muno viile.

Mpendwa 14:22

kusi nanti wenga uwamu antu yaa yonsi alingila mu mpanga ilya. Yene yalola uluswepo ulwa ucindami wane ulwacatanga nga ni vilangililo vino nacisile mu Eguputo nu mu lwanga, lelo yanjezyanga amaila na maila nu kukanayela amazwi yane.