Ayebulai 9:23 - Amazwi Yakwe Leza 2013

²³ Vintu vivi vyene ukukolanya kwa vintu vya mwiyulu ndi vino vili, nupya vyene vyaswefiwanga mu musango ndi uu. Lelo vintu vya mwiyulu vyene vikalondekwa kuswefiwa ni mpolelwa isuma cuze.

Ayebulai 9:23 Kruisverwysings

Luka 24:26

Uzye citalondekwanga ukuti Katuula uwalavilwe acule mu vintu vii nga alino aingile mu lulumbi lwakwe?”

Luka 24:46

Alino ayanena ati, “Calembwa ukuti, Katuula uwalavilwe alinzile kucula. Na pa wanda wakulenga yatatu alazyukuka kufuma ku afwe,

Yoane 14:3

Lyene ndi napita kukumuteyanyizizya ncende, ndawela kwiza mutola kuti kunondi akuno namwe mukaye.

Milimo 23:15

Lyene ndakai, mwemwe na amwi Tengo, tumini izwi kuli musika mukalamba kuti alete Paulo kunomuli, muikolanye uti mukulonda ukuvwikisya pali aliwe. Lelo tumaiteyanya kumukoma lino atacili afike kuno.”

Kolose 2:17

Vintu vii vyonsi ivisontelelo vya vintu ivyali nu kwiza. Lelo ucumi wakwevyo a Klistu.

Ayebulai 10:1

Masunde yakwe Mose yalanga umusango uzimantukile uwa vintu visuma vikwiza. Yene yali sile unkolanya wa vintu vikwiza. Acino nanti mpolelwa zyapeelwanga cila wanda na cila mwaka, lelo Masunde yakwe Mose yaposiwa ku maka ya mpolelwa kulenga antu yaye afumaluke.

Ayebulai 10:4

Pano wazi wakwe yacipambasi ya ng'ombe nu wa mbuzi vitangafumya maifyo.

Ayebulai 8:5

mulimo uno yasimapepo yakaomba wene ukukolanya nupya ulangililo wa vintu vya mwiyulu. Cili ndi vino cali mu manda yakwe Mose. Lino wene wali pipi nu kukuula Itaalu lya upangano, Leza wamunenyile ati, “Sininkizya ukuti umapanga vyonsi kulingana nu musango uno nakulanzile pa mwamba.”

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

Ayebulai 9:24

Pano Klistu atingile mu Ncende Yamuzilo ino iyapangwa nu muntu, nupya ino iyali ukukolanya kwakwe iyo ya cumi. Wene wingile mwiyulu kwene muno ndakai ali pamwi na Leza kuti atwazwa.

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.