Ayebulai 4:4 - Amazwi Yakwe Leza 2013

⁴ Pano mu malembelo cavwangwa pamwi pamulandu wa wanda uwalenga cinimbali cati, “Leza wapuzile ku milimo yakwe yonsi pa wanda uwalenga cinimbali.”

Ayebulai 4:4 Kruisverwysings

Kufuma 20:11

“Pano Nene, ne Yawe, naumvile insi, iyulu, na yemba, nga na vyonsi vyayamo mu manda mutanda. Lelo pa wanda uwalenga cinimbali, impuuza. Acino ne Yawe napaatwile nu kupolelela uwanda wi Sabata ukuya uwamuzilo.

Kufuma 31:17

Cikwene cii, icimanyililo ca manda pe pakasi kane na ina Izlaeli, pano ne Yawe naumvile iyulu ni nsi mu manda mutanda, alino impuuza pa wanda uwalenga cinimbali.”

Malango 5:14

Lelo uwanda uwalenga cinimbali wene i Sabata kuli ne Yawe Leza wako. Utaomba umulimo mu wanda uu, wewe nanti ana yako aonsi nanti anaci, nanti aomvi yako aonsi nanti anaci, nanti a masaye wako, nanti a punda wako, nanti iciteekwa cako icili consi, nanti umwenyi wino akaikala mu mikalo yako, pakuti umuomvi wako umonsi nu mwanaci kwene apuze, ndi vino wemo ukapuza.

Ayebulai 2:6

Lelo ndi vino umwi mu malembelo wati, “Mwe Leza, uzye umuntu aweni uwakuti mwaiusya, nanti uzye mwana wa muntu nawe icani wakuti usakamale?

Ayebulai 4:10

Pano wino wensi uwingila mu kupuza kwakwe Leza ala wapuza ku milimo yakwe yonsi, ndi vino Leza wapuzile ku milimo yakwe.