Ayebulai 4:14 - Amazwi Yakwe Leza 2013

¹⁴ Lyene lekini tulemelele na maka ku utailo uno tukalanda. Pano tukweti Simapepo Mukulu nupya mucindame wino wapita kwiyulu kuli Leza. Wene a Yesu Mwana wakwe Leza.

Ayebulai 4:14 Kruisverwysings

Ezekelo 46:10

Intunguluzi ili nu kuya pamwi na antu, lilyo lyonsi lino yakwingila nalino yakufuma apanzi.

Mateo 4:3

Lyene Ciwa aiiza pano wali amunena ati, “Ndi wewe Mwana wakwe Leza, nena mawe yaa yaye mukate.”

Mako 1:1

Lii lili Landwe Lisuma lya pali Yesu Klistu Mwana wakwe Leza.

Mako 16:19

Pacisila lino Mwene Yesu wavwanga kunoyali, asendwa kwiyulu kupela, aikala kwi kasa lilunji lyakwe Leza.

Luka 24:51

Lino acili akuyapolelela, ayasya asendwa kwiyulu kupela.

Milimo 1:11

yati, “Mwe antu amu Galile nga pacani muimi mukulola mwiyulu? Yesu wi uwasendwa kufuma kunomuli nu kuya kwiyulu, alawela mu musango uli umwi kwene uno mwamulolelamo akuya kwiyulu.”

Milimo 3:21

Cingamuzipila kuti alali mwiyulu kufikila na pa kwiza kwa nsita lino vintu vyonsi vilalengwa ivipya. Vii avino Leza wavwanzile kupitila muli yakasema yakwe amuzilo aku manda yampiti.

Loma 8:34

Uzye lyene aweni angayavunuka? Vino Leza umwisikulu wati yasi na mulandu. Klistu Yesu wino uwafwile, nupya uwazyukwike kufuma ku mfwa, wino ndakai wikala kwi kasa lilunji lyakwe Leza, akutupapatila kunoli.

2 Kolinto 12:2

Namanya muntu umwi umwina Klistu wino pa myaka ikumi na ini ino yapita wasenzilwe kupela kwi yulu lyalenga yatatu. Ntamanyile ndi wasenzilwe mu mwili nanti foo. Leza sile awino amanyile ningo.

2 Kolinto 9:13

Na pa usininkizyo uno kutumikila kwinu kuu kukaleta, antu aingi yalapeela lulumbi kuli Leza pa kuyela kuno mwayela Ilandwe Lisuma lya pali Klistu, lino mwazumila, nga na pa kwankana pamwi nao vintu vinu nga na yauze.

Efeso 4:10

Nupya cikusenula ukuti wino uwisile pano pansi ali umwi kwene wakwezile papelapela kwiyulu, kuti azule nu kukumana monsi.

Ayebulai 1:8

Alino pa Mwana wakwe Leza wavwanzile ati, “We Leza, cilimba ca wene wako cilikalilila manda pe! Ulungami ili ntuwa ya wene wako.

Ayebulai 10:12

Lelo Klistu wapile impolelwa yonga yakufumya maifyo, ni mpolelwa ii ikaomba manda pe. Lyene waile aikala kwi kasa lilunji lyakwe Leza.

Ayebulai 10:23

Lekini tulemasye kulanda pa upaalilo witu kwaula kutonta, pano tukutaila ukuti Leza alafikilizya ulayo wakwe.

Ayebulai 10:29

Uzye lyene citalalusya ku muntu wino akusula Mwana wakwe Leza? Nu ku muntu wino akalola wazi wa upangano wakwe Leza kwati cintu casilesile uno wamuswefya ku ui? Nu ku muntu wino akatuka Mupasi wino akuleta cikuku? Elenganyini kwipisya kwa kuvunukwa kuno wene alavunukwa!

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

Ayebulai 2:1

Cili cino tulinzile kwika mano cuze ku mazwi ya cumi yano tuuvwa, nu kukana tintilwa kuze.

Ayebulai 2:17

Cii cikusenula ukuti calinzile ukuti wene akolane na ina yakwe muli vyonsi, kuti aye Simapepo Mukulu uwakutailwa nu wa mizu mu kutumikila Leza, na kuti maifyo ya antu yelelwe.

Ayebulai 3:1

Mwe inane aina Klistu, mwe muno Leza waama, nkuti mwaelenganya pali Yesu. Leza wamutumile kuti aye Simapepo Mukulu nu mutumwa wa utailo uno tukulanda.

Ayebulai 3:14

Pano tukaya yacuza yakwe Klistu ndi cakuti twalemelela ku upaalilo witu kufika nu ku mpelelekezyo, uwo uno twakweti pa kutandika.

Ayebulai 6:20

Yesu watukolelela kwingila, nupya wene ali Simapepo Mukulu manda pe mu mwata wa usimapepo wakwe Mekisedeki.

Ayebulai 6:6

Alino yene yafutatile utailo wao! Cili citale ukuyawezya ku kuzenzuka nupya pano yene yakutana Mwana wakwe Leza pa lupanda nupya nu kumuzewanya paswe.

Ayebulai 7:3

Atamanyika isi nanti nyina, nanti vikolwe vyakwe, atakweti utandiko wa manda yakwe nanti mpelelekezyo ya umi wakwe. Wene akoline wa Mwana wakwe Leza, nupya a simapepo wa manda pe.

Ayebulai 8:1

Cikalamba cino tukulanda cakuti tukweti Simapepo Mukulu wino wikala kwi lunji lya cilimba cakwe Leza mwiyulu.

Ayebulai 9:12

Lino Klistu wingile lyonga mwitaalu, nu kwingilila limwi mu Ncende Yamuzilo Kuluta wene atasenzile wazi wa mbuzi na yacipambasi ya ng'ombe kuti apeele impolelwa. Lelo wene wasenzile wazi wakwe umwisikulu nu kutulonkela ukuluzi.

Ayebulai 9:24

Pano Klistu atingile mu Ncende Yamuzilo ino iyapangwa nu muntu, nupya ino iyali ukukolanya kwakwe iyo ya cumi. Wene wingile mwiyulu kwene muno ndakai ali pamwi na Leza kuti atwazwa.

1 Petulo 3:22

Ndakai Klistu waya kwiyulu kuno atenzi kwi kasa lilunji lyakwe Leza, nupya akuteeka pa angeli, na maka yonsi amwiyulu.