Ayebulai 3:16 - Amazwi Yakwe Leza 2013

¹⁶ Uzye antu cii yano yuvwile izwi lyakwe Leza nu kumusangukila? Ayaya onsi yano Mose watungulwile kufuma mu Eguputo.

Ayebulai 3:16 Kruisverwysings

Masamu 78:17

Lelo yene yalondekinye ukwifya kuli Leza, nu kusangukila Leza Mukulu umu lwanga.

Masamu 78:40

Pasi pa maila nu wingi lino yasangukilanga Leza umu lwanga nupya pasi pa maila nu wingi, lino yamusakamikanga!

Yelemiya 32:29

Nupya aina Babiloni, yano yakulwisya umusumba uu, yamaiza yawoce kumwi na mang'anda, yano yocelanga Baali ubani apa mapaala yao pakunsosya umwenzo, alino na pakutuulila tuleza tuze ivya wila ivili wa vyakumwa.

Yelemiya 44:3

Apamulandu nu uyi uno yacisile, wakunsosya umwenzo lino yaile kuli tuleza utwenyi tuno yatamanyile aeneco kwene nanti ivikolwe vyao cakuti yatocela ubani nu kututumikila.

Yelemiya 44:8

Uzye pacani cino mwamvulumwila icipyu uku vicitwa vya minwe inu, apa kocela tuleza utwenyi ubani umu mpanga ya Eguputo, kuno mwiza sile ku kwikala? Apa kucita camusango uo, mukulonda sile ukuilovya mwe eneco, cakuti antu amitundu yonsi pano nsi yakumuseka nu kumuwela. Yene yakaomvya ni zina linu alino yakulumbula apa kutipwila.

Mpendwa 14:11

Yawe anena Mose ati, “Uzye antu yaa yalansuula kufika lilaci? Uzye yalakana kunzumila kufika lilaci, nanti angala nemo nacita vizungusyo pakasi kao?

Mpendwa 14:2

Aina Izlaeli yonsi pyu yailizyanya kuli Mose na Aloni, yonsi kwene yala yakuti, “Cange cizipe swemo ndi twafwilile sile mu mpanga ya Eguputo nanti mu kwene mu lwanga!

Mpendwa 14:24

Lelo pamulandu wakuti muomvi wane Kalebu wakwata umwata uze nupya acili akunjela ukufikapo, ali wino ndingizya mu mpanga ino waile aendezya, nga ilaya iyakwe yao amu mupanda wakwe.

Mpendwa 14:30

Kusi nanti wenga alingila mu mpanga ino nalafile ukumupeela kuti mwaikalamo, suka sile Kalebu umwana wakwe umonsi Yefune nga na Yoswa umwana umonsi wakwe Nuni.

Mpendwa 14:38

Pa antu yano yaile ku kwendezya impanga pasile sile antu yaili, Yoswa umwana umonsi wakwe Nuni na Kalebu umwana umonsi wakwe Yefune.

Mpendwa 14:4

Alino iyalanzyanya yati, “Katule tusolole sile intunguluzi itu nu kuswilila ku Eguputo!”

Mpendwa 26:65

Pasi pano Yawe wayanenyile ukuti yonsi kwene yalafwila mu lwanga, nupya kutasiile nanti wenga, suka sile Kalebu umwana wakwe Yefune na Yoswa umwana umonsi wakwe Nuni.

Malango 1:38

Lelo ukomelezye kazwilizya wako, Yoswa umwana umonsi wakwe Nuni. Wene alatungulula aina Izlaeli kuti yakapyane impanga ilya.’

Yuda 1:5

Pano nanti mumanyile vyonsi vii, nkasi kumwiusya vino Mwene watuuzile aina Izlaeli kufuma mu Eguputo. Lelo pacisila alovya yano atataile.