Ayebulai 2:17 - Amazwi Yakwe Leza 2013

¹⁷ Cii cikusenula ukuti calinzile ukuti wene akolane na ina yakwe muli vyonsi, kuti aye Simapepo Mukulu uwakutailwa nu wa mizu mu kutumikila Leza, na kuti maifyo ya antu yelelwe.

Ayebulai 2:17 Kruisverwysings

2 Milandu 29:24

Lyene yasimapepo yafyula imbuzi zizi nu kupeela uwazi waziko apa kavuwa wa wila wakulipila pa maifyo ya ina Izlaeli yonsi, pamulandu wakuti walanga umwene watapeela ilamulo lyakupeela uwila wakoca nu wila wakwelela amaifyo.

Ezaya 11:5

Uwololoke ulaya wa musipi wakwe, nga ukutailwa kulaya wa canamala cino alafyenta umu musana wakwe.

Ezekelo 45:15

Pa mfwele zinu imyanda iili muli nu kutuulapo yonga. Muli nu kutuula uwila wa vyakulya, nu wa nyama zyakoca zya musuma, nu wila wa nyama izya mawila autandano pamwi, ali pakuti mwaelelwa uluse pa maifyo inu. Ivyalanda Yawe Simwandalali.

Ezekelo 45:17

Alino intunguluzi nayo, ilaya nu mulimo uwakulolekesya apa nyama izilaocewa zya muntu musuma pakuzituula impolelwa, ali ino ilalola na pa mawila ya vyakulya ni vyakumwa, ivilatuulilwako umutundu onsi wa ina Izlaeli pa manda ya uzevyo yonsi, na pa uzevyo wa Ndoleko zya mwezi, na pa Masabata yonsi asontwe. Fwandi intunguluzi iyo iilalokesya pa mawila ya pa maifyo, na pa mawila ya vyakulya, na pa mawila yakoca, na pa lwa mawila a mpolelwa zyautandano, ali mawila yapa kufuta pa maifyo ya ina Izlaeli.”

Ezekelo 45:20

Uce ukacite icili conga kwene napa wanda walenga cinimbali uwa mwezi, apamulandu wa yantu yonsi yano yaluvyanyizye ukwaula ukumanya nanti kumufulo wao. Fwandi vivyo, ali vino mulasunga Ng'anda yane ikulu apakuti ikaye iya muzilo.

Danieli 9:24

“Imyaka cinimbali amaila amakumi cinimbali ili nsita ino Leza wika iyakuleka antu yako kumwi nu musumba wamuzilo yaye antungwa ukufuma ku maifyo ni nkota. Amaifyo yalelelwa nu ulungi wa manda pe uye kweneko, apakuti cilolwa nu usemo vikafikiliziwe, nga ni Ng'anda ikulu yamuzilo yakwe Leza ikapelwe kuli Leza nupya.

Aina Levi 14:18

Mafuta yano yasyala pi kufi simapepo alinzile kupaka ku mutwe wa muntu wino akuswefiwa. Vii, avili vino simapepo alinzile ukucitila umuntu ulutambi lwa kufuta amaifyo pa manso yakwe Yawe.

Aina Levi 16:16

Vii, avino Aaloni ali nu kucita pa lutambi lwa kuswefya Ncende Yamuzilo kuluta ku mifitalila ya ina Izlaeli nu ku maifyo yao Alinzile kucitila ni Taalu lya Ukongano icili cimwi kwene pamulandu wakuti lyaya pa nsakwe ikowele.

Aina Levi 6:30

Lelo ndi yaleta uwazi uwa wila uwo uwa kwelela amaifyo mwi Taalu lya Ukongano nu kuuomvya mu lutambi lwa kufuta amaifyo, inyama iyo italinzile ukuliwa. Ilinzile ukoca yonsi pyu.

Aina Levi 8:15

Lyene Mose akoma cipambasi, atoola uwazi umwi nu munwe wakwe, alino apaka pa mpembe zya kavuwa, kukazingulusya, nga akaswefya. Nupya aitila uwazi uze mwisika ya kavuwa, alino akapaatula. Mu nzila ii akacitila ulutambi lwa kufuta amaifyo.

Mpendwa 15:25

Alino simapepo ali nu kucitila iuvi lyonsi lya ina Izlaeli ulutambi lwa kufuta amaifyo, nga nayo yalelelwa, pamulandu wakuti kuluvyanya kuko kwacisilwe ukusi ku mufulo nga nu kuti yene yalesile uwila uwo kuli Yawe, uwa kwelela amaifyo.

Loma 15:17

Mukuilundanya na Yesu Klistu, lyene nemo ningaya ni cilumba cakutumikila Leza.

Loma 5:10

Twali anisi yakwe Leza, lelo mu mfwa ya Mwana wakwe watuwikizyanya nawe. Lyene vino twaya yacuza yakwe Leza, cumi Klistu alatutuula pano wene umumi.

Efeso 2:16

Lyene kupitila mu mfwa yakwe ya pa lupanda Klistu wononyile lupato luno twakwatilana. Nupya kupitila mu lupanda amuno watulemanya Ayuda, na Akulukuwa tuye mwili onga, nga nu kutuwezya kuli Leza.

Kolose 1:21

Pa nsita imwi mwemo mwali kutali cuze kufuma kuli Leza nupya mwali anisi yakwe pamulandu wa vintu viipe vino mwacitanga na vino mwelenganyanga.

Ayebulai 10:21

Tukweti Simapepo Mukulu wino akaangalila ng'anda yakwe Leza.

Ayebulai 2:11

Wene akaswefya antu ku maifyo yao, nga aliwe pamwi na yao aswefiwa yonsi kwene Isi a wenga mpo. Uli mulandu uno Yesu asi ni nsonyi zya kuyama ukuti aina yakwe.

Ayebulai 2:14

Twazana ukuti yano akwamwa ana, antu akwata munyefu nu wazi. Acino Yesu umwisikulu wizile akolana nayo ku mwili wa untu. Wene wacisile cii kuti mu mfwa yakwe amuno aonone Ciwa, wino uwakwata maka pa mfwa.

Ayebulai 2:16

Pano cili paswe ukuti asi angeli yano akaazwilizya. Lelo calembwa ukuti wiza azwa vizikulula vyakwe Abulaamu.

Ayebulai 3:1

Mwe inane aina Klistu, mwe muno Leza waama, nkuti mwaelenganya pali Yesu. Leza wamutumile kuti aye Simapepo Mukulu nu mutumwa wa utailo uno tukulanda.

Ayebulai 3:2

Wene wali uwakutailwa kuli Leza, wino wamusolwile kuti aombe mulimo uu, wakwe vino Mose wali uwakutailwa mu mulimo wakwe uwamu ng'anda yakwe Leza.

Ayebulai 3:5

Mose wali muomvi uwakutailwa mu ng'anda yakwe Leza nupya wene wavwanzile vintu vino Leza alavwanga mu manda akwiza.

Ayebulai 4:14

Lyene lekini tulemelele na maka ku utailo uno tukalanda. Pano tukweti Simapepo Mukulu nupya mucindame wino wapita kwiyulu kuli Leza. Wene a Yesu Mwana wakwe Leza.

Ayebulai 4:15

Simapepo witu Mukulu asi umwi wino atange atuvwile luse pa utonte witu. Tukweti Simapepo Mukulu wino weziwe mu misango yonsi ndi vino naswe tukaeziwa, lelo wene atifizye.

Ayebulai 5:1

Simapepo Mukulu wensi akasololwa kufuma mu antu yauze. Wene akasontwa kuti atumikile Leza pa kuyazwa, nu kupeela impolelwa na mawila kuti maifyo yelelwe.

Ayebulai 5:10

Leza nawe pali pakumwama Simapepo Mukulu mu mwata wa usimapepo wakwe Mekisedeki.

Ayebulai 5:2

Simapepo Mukulu wakwata utonte mu misango iingi. Acino wene akaezya ukutontela antu atutu nupya yano akaponga.

Ayebulai 5:5

Mu musango uli onga, Klistu umwisikulu ataipile mucinzi wakuya Simapepo Mukulu. Lelo, Leza wamunenyile ati, “Wewe mwanane, pano ilelo nakuvyala.”

Ayebulai 6:20

Yesu watukolelela kwingila, nupya wene ali Simapepo Mukulu manda pe mu mwata wa usimapepo wakwe Mekisedeki.

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.

Ayebulai 7:28

Masunde yakwe Mose yakasonta antu asi yafumaluke kuti yaye yasimapepo akulu. Lelo ulayo wakwe Leza uno wene wacisile nu mulapo wizile cisila ala Masunde yakwe Mose yapeelwa, wene wasonta Mwana. Mwana wacitwa mufumaluke manda pe.

Ayebulai 8:1

Cikalamba cino tukulanda cakuti tukweti Simapepo Mukulu wino wikala kwi lunji lya cilimba cakwe Leza mwiyulu.

Ayebulai 8:3

Simapepo Mukulu wensi akasontwa kuti apeela mawila nga ni mpolelwa zya nyama kuli Leza. Caleka Simapepo witu Mukulu nawe alinzile akwate cimwi cakupeela.

Ayebulai 9:11

Lelo Klistu wiza wakwe Simapepo Mukulu wa vintu visuma vino vili pano. Itaalu muno wene akutumikila ilikulu nupya ilifumaluke cuze. Lyene litapanzilwe nu muntu. Kuli kuti lyene lisi lya pano nsi.