Ayebulai 1:7 - Amazwi Yakwe Leza 2013

⁷ Lelo pa angeli Leza wavwanzile ati, “Leza akacita angeli yakwe ukuya wa miza, na aomvi yakwe nao yaya vimbilimbili vya moto.”

Ayebulai 1:7 Kruisverwysings

Utandiko 3:24

Lino wayafumya mu Edeni, Yawe Leza aika yakelubi nu lupanga lwa moto ku ufumondaka wa calo. Lupanga lwacingililanga umuti uno ukapeela umi kuti umwi atapalamilako.

1 Yamwene 22:19

Mikaya alondekanya penepo ati, “Ale tala uvwa kuno vino Yawe akulanda. Nemo nalinalola Yawe atenzi pa cilimba cakwe ca wene, nga na angeli yonsi ala yatiyimilila umu mbali.

2 Yamwene 2:11

Lino yakupita ala yafumile yakulanda, lilyo kwene iceleta lya moto iliiza lino imfwalasi zyamoto zyazusile zikutinta. Alino lisenda Eliya umwiyulu muli nkungulupya.

2 Yamwene 6:17

Elisya pali pakupepa ati, “We Yawe, su ngayula amanso ya muomvi wane kuti alolekesya!” Yawe nawe ali pakuyula amanso ya muomvi wilya, nga lino wene walolekesya alola umwamba kuno watiulimba imfwalasi na maceleta aingi amoto. Yonsi ala yatiyalizizya Elisya.

Masamu 104:4

Umu muza ali muno inkombe zyako zikapitila nga ni vimbilimbili vya moto ali vino ukaomvya wa yaomvi yako.

Ezaya 6:2

Apapela yakwe paimi yaselafimu, ala yakulunkuma sile uku cimbilimbili ca moto. Cila wenga wakweti amapa mutanda, mapa yaili ala yatiyavimba apa manso yao, nga na yaili ala yatiyavimba ingazo zyao, nga amapa asyala yaili ala akupapukila kweneko.

Danieli 7:10

Nu luzi lwa moto ala lukukonkoloka ukufuma apa nkolelo yakwe. Kwali kweneko na antu avule wakwe cimwi akumutumikila, nga ni mintapendwa ya antu aimi nkolelo yakwe. Alino kuputwilwa kwa milandu kutandika, nga ni mpapulo zikupulwa.

Zakaliya 6:5

Umungeli wilya nawe angasuka ati, “Yakwene ili miza ini ya kwiyulu, ino ikufuma kuli Yawe umweneco wa nsi yonsi.”

Ayebulai 1:14

Uzye lyene angeli aweni? Yene ali mipasi ino ikatumikila Leza, akaituma pamulandu wa antu alapokelela ufyusi.