Ayebulai 1:2 - Amazwi Yakwe Leza 2013

² Lelo mu manda yaa akusyalikizya wene wavwanga kunotuli mu Mwana wakwe. Muli wikwene amuno Leza waumvile uumbo onsi, nupya wene wamusolwile kuti aye umweneco wa vintu vyonsi.

Ayebulai 1:2 Kruisverwysings

Utandiko 49:1

Yakobo atuma umwi kuti aame ana yakwe onsi, nga lino yiiza ayanena ati, “Palamilini kunondi muleke munene vino cilamucitikila mu manda akwiza:”

Ezaya 2:2

“Limwi umu manda akusyalikizya umwamba apa kuulilwa Ng'anda ikulu yakwe Leza iya kumpepelamo, ali lino ulatalimpisya ukuluta imyamba yuze yonsi. Na antu ya mitundu yuze ali kuno yalaomokela.”

Ezaya 44:24

“Yawe, Katuula wako, uwakupanzile umu ndilwa yakwe nyoko, wavwanga wati, ‘Nene indi Yawe, uwapanga ivintu vyonsi. Nene nakonzolwile iyulu, nalino napanzile insi, uzye kwaliko umwi uwakungazwa?

Ezaya 45:12

Nene napanzile insi ya pano pansi nu kuumba umuntu kuti aikale mwenemo. Nakonzolwile amayulu uku maka yane, nupya nene nkaleka kuti ilanzi lyawala, kumwi nu mwezi nga ni ntanda kwene.

Ezaya 45:18

Pano avino Yawe wavwanga, wiyo uwaumvile amayulu, wene ali Leza uwetetwile nu kupanga insi ya pano pansi. Wene uwaipanzile nupya ataiumbile apakuti mutaya kantu nanti kamwi, lelo kuti iye incende umwakwikala antu. Wene wavwanga wati, “Nene indi Yawe, kutaya namuze awe.

Yelemiya 30:24

Icipyu cakwe Yawe icikali citalatala cizuke foo, suka sile ace atale afikilizye amapange yamu mwenzo wakwe. Antu yakwe yaluvwa muno ciile mu manda aliza ku nkolelo.

Yelemiya 48:47

Lelo kwene umu manda aliza ndawezezya Moabu isyuko lino wakweti,” Ivyalanda ne Yawe. Paa, apapelela upinguzi pa ina Moabu.

Ezekelo 38:16

Uliza uzanze antu yane aina Izlaeli, ulakolana ni kumbi ilyati livimbilikizya impanga. Amanda kwene yayo, anene ndakuleta we Gogi, ukukwiza lwisya impanga yane, apakuti imitundu ikamanye, lino ndalanga ucindami wane pa manso yao muli wewe, we Gogi.

Danieli 10:14

Acino lyene natiniza kuti nkulondolwele ivilacitikila antu yako mu manda akwiza. Cilolwa ica manda akwiza.”

Danieli 2:28

Lelo kwaya Leza umwiyulu, wino akasokolola vya nkama. Wene watakulanga we mwene Nebukadineza ivilacitika mu manda akwiza. Lyene kankunene iciloto, icilolwa cino wakweti lino wakaswile.

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Mika 4:1

Mu manda akwiza, umwamba apa kuulwa Ng'anda ikulu yakwe Yawe ulaya uutali ukuluta imyamba yonsi, usanzuke ukuluta imilundu yonsi. Antu amu nko zivule yalasimwilila kuno uli.

Mpendwa 24:14

“Fwandi ndakai naswilila ku antu yane. Lelo tale ndanga intale nkusopesye vino umutundu uu uli nu kucitila antu yako mu manda ali nu kwiza.”

Mateo 13:39

Mwanisi wino watile kalolo akwimilila Ciwa. Uzombozi ukwimilila wanda wampelelekezyo ya nsi. Yakasinza nayo yakwimilila angeli.

Mateo 17:5

Lino acili akuvwanga, ikumbi liyengese cuze liyavimba, ni izwi lyuvwika kufuma mwi kumbi liti, “Wii, Mwanane mukundwe. Munoli nkuzanga cuze. Mwamuvwa.”

Mateo 21:38

Lelo lino alimi yalola mwana, yalanda yati, ‘Wii, ali mwana wakwe aalatoola icuma. Tuini tumukome nga tutoole icalo.’

Mateo 26:63

Lelo Yesu aya cele. Alino Simapepo Mukulu amunena ati, “Nakunena, Lapa pa manso yakwe Leza umumi, utunene ndi wewe uli Katuula uwalavilwe, Mwana wakwe Leza.”

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Mateo 3:17

Ni zwi lyuvwika kufuma mwiyulu liti, “Wii Umwanane mukundwe, munoli nkuzanga cuze.”

Mako 1:1

Lii lili Landwe Lisuma lya pali Yesu Klistu Mwana wakwe Leza.

Mako 12:6

Uwasile ukutumwako umwana wakwe mukundwe. Pacisila, atuma mwana wakwe umonsi ku alimi avwanga ati, ‘Mwanane wene yalamucindika.’

Mako 12:7

Lelo alimi yalandana yati, ‘Wii ali mwana wakwe aalatoola icuma. Tuini tumukome, ni calo cimaya icitu!’

Yoane 1:10

Izwi wali mu nsi, lelo nanti Leza waumvile insi kupitila muli aliwe, amu nsi yene yaposiwa kumumanya.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Yoane 1:3

Kupitila munoli Leza waumvile vintu vyonsi, kusi nanti cimwi mu uumbo onsi cino citaumvilwe na aliwe.

Yoane 13:3

Yesu, wamanyile vino Isi wamupeela maka yonsi, na vino wafumile kuli Leza nga nupya ali nu kuswilila kuli Leza.

Yoane 13:32

Ndu lulumbi lwakwe Leza lwasokololwa mu Mwana, lyene Leza alasokolola lulumbi lwa Mwana wa Muntu munoli umwisikulu. Endi, alacita zuwa.

Yoane 15:15

Ntalamwama wa yaomvi nupya pano muomvi asimanya cino mwene wakwe akucita. Lelo nkamwama yacuza, pano nati munena vintu vyonsi vino nuvwile kuli Tata.

Yoane 16:15

Vintu vyonsi vino Tata wakwata ivyakwane. Acino nati mvwanga vino wene alatola mazwi yane, amunene.

Yoane 17:2

Pano wemo wamupile maka pa antu onsi, kuti angapeela umi wa pee kuli yonsi yano wamupile.

Yoane 3:16

Pano acino Leza watemilwe amu nsi nga apeela Mwana wakwe wino uwavilwe wenga, kuti wensi wino wataila munoli atakalowe, lelo aye nu umi wape.

Yoane 3:25

Alondezi yakwe Yoane yamwi yatandika kupazyanya nu Muyuda umwi pamulandu wa lutambi lwa mifulalile.

Yoane 5:26

Vino Tata ali ntulo ya umi, avino walenga nu Mwana kwene kuti aye intulo ya umi.

Yoane 5:27

Isi wamupeela insambu yakupingula milandu pano wene Mwana wa Muntu.

Yoane 9:29

Twamanya vino Leza wavwanzile kuli Mose. Lelo umuntu wii, tutamanyile kuno wafuma!”

Milimo 10:36

Mwamanya ilandwe lino watumile ku ina Izlaeli, ukukosola Ilandwe Lisuma ilya mutende kupitila muli Yesu Klistu, wino ali Mwene wa antu onsi.

Milimo 2:17

‘Umu manda yampelelekezyo ndapongolwela Mupasi wane pa antu onsi. Ana inu aonsi na anaci yalasema, ana inu alumendo yalalola vilolwa, na ikolo yalalota viloto.

Loma 1:4

Lelo muli umuzilo wakwe wa uleza wene wasininkiziwe pa kuzyukuka kufuma ku afwe ukuti wene Mwana wakwe Leza.

Loma 8:17

Lyene pano twaya ana yakwe Leza tulapokelela upolelelo uno walaya antu yakwe nu kwiza pokelela pamwi na Klistu vino Leza wamuteyanyizizya. Pano ndi twakuma ku kucula pamwi na Klistu ale tulakumako nu kululumbi lwakwe kwene.

1 Kolinto 2:7

Mano yano nkukosola ankama ya mano yakwe Leza, yano afiswa ku mitundu ya antu onsi. Lino Leza atali aumbe insi ii, wene wateinye mano kwene yaa kuti yaye akutupela lulumbi.

1 Kolinto 8:6

lelo swemo twakwata Leza wenga sile. Wene ali Tata nga aliwe kwene ali kaumba wa vintu vyonsi, nupya swemo tukamutumikila. Yesu Klistu sile ali Mwene witu. Vintu vyonsi vyaumvilwe na aliwe, nga munoli swemo twapelwa umi.

Galatiya 4:4

Lelo lino nsita yafisile Leza watumile Mwana wakwe, uwizile avyalwa ku mwanaci. Mwana kwene wii wayelanga Masunde yakwe Mose

Efeso 1:10

Lyene lino insita ilafika, Leza alacita vyonsi vino wapanga kucita, nga Klistu nawe alakonganika pamwi vintu vyonsi ivya mwiyulu na pano nsi.

Efeso 3:9

Nukuleka antu yalole vino kuteyanya kwankama yakwe kulaomba. Leza wino uwaumvile vintu vyonsi walondanga kuti nazwilizye cila muntu kumanya nkama yakwe ino wafisile ku antu amu mikulo yonsi yampiti.

Malango 18:15

“Yawe Leza winu alamutumila kasema akoline nani ukufuma mu antu inu kwene, nga namwe mulinzile mwamuyela.

Malango 31:29

Natimanya ukuti pacisila ca mfwa yane antu mulaya yakacita ya nkota nupya mulakana ivintu vino namusambilizya. Nga ukunkolelo amazanzo yalamuponela, pamulandu wakuti mwemo mulacita ivintu ivilalenga ukuti Yawe asoke, vino wene walesya.”

Malango 4:30

Lino mulaya mu ucuzi nga na lino ivintu vii vyonsi vilamucitikila, lyene ali lino mulaseleukila kuli Yawe Leza winu nu kumuyela.

Ayebulai 1:5

Pano Leza atatazile anena umwi uwamu angeli yakwe ati, “Wewe Mwanane, pano ilelo naya So.” Leza atatazile anene mungeli umwi ati, “Ndaya Isi, nawe alaya Mwanane.”

Ayebulai 1:8

Alino pa Mwana wakwe Leza wavwanzile ati, “We Leza, cilimba ca wene wako cilikalilila manda pe! Ulungami ili ntuwa ya wene wako.

Ayebulai 11:3

Mu utailo amuno twamanya ukuti uumbo onsi waumvilwe kwi zwi lyakwe Leza, cakuti vikaloleka vyacisilwe kufuma mu vintu vino vitangaloleka.

Ayebulai 2:3

Uzye lyene tungatuulwa uli ndi tusyakwika mano ku ufyusi wakula musango uu? Mwene umwisikulu uwatandike kulanda pa ufyusi uu, na yao auvwileko mazwi yaa yasininkizye kunotuli ukuti avino cili.

Ayebulai 3:6

Lelo Klistu u Mwana uwakutailwa wino akaangalila ng'anda yakwe Leza. Sweswe tuli ng'anda yakwe, ndi twalemasya kuposya nu kutaila muli vino tukapaalila.

Ayebulai 4:14

Lyene lekini tulemelele na maka ku utailo uno tukalanda. Pano tukweti Simapepo Mukulu nupya mucindame wino wapita kwiyulu kuli Leza. Wene a Yesu Mwana wakwe Leza.

Ayebulai 5:8

Lelo nanti angala wali u Mwana wakwe Leza, wene wasambilile kuyela kupitila mu macuzi yakwe.

Ayebulai 7:28

Masunde yakwe Mose yakasonta antu asi yafumaluke kuti yaye yasimapepo akulu. Lelo ulayo wakwe Leza uno wene wacisile nu mulapo wizile cisila ala Masunde yakwe Mose yapeelwa, wene wasonta Mwana. Mwana wacitwa mufumaluke manda pe.

Ayebulai 7:3

Atamanyika isi nanti nyina, nanti vikolwe vyakwe, atakweti utandiko wa manda yakwe nanti mpelelekezyo ya umi wakwe. Wene akoline wa Mwana wakwe Leza, nupya a simapepo wa manda pe.

Ayebulai 9:26

pano acita vivyo wange acule maila aingi kufuma ku kuumbwa kwa vintu vyonsi. Lelo ndakai, lino mpelelekezyo ya nsita zya mikulo yonsi yapalama, wene waloleka lyonga nupya calimwi kuti atufumizye maifyo kupitila mu mpolelwa ino umwisikulu waipile.

1 Petulo 1:20

Leza wasolwile Klistu lino uumbo utali uyeko, nupya pakuti atuule mwemwe wene wasokolwile Klistu mu manda yaa akusyalikizya.

2 Petulo 3:3

Cankolelo, mulinzile kumanya ukuti mu manda yaa akusyalikizya antu yamwi yalaloleka yano umi wao ukatungululwa ni nsuna zyao. Yene yalamusoweka

Yuda 1:18

Yalanzile kunomuli yati, “Lino manda ya mpela yaliza, kulaya antu akalondela ivilondwa vyao visi vya upefi, alamuseka.”