Ayebulai 1:10 - Amazwi Yakwe Leza 2013

¹⁰ Nupya ati, “We Mwene, ku utandiko wewe waumvile insi, nupya wewe wapanzile mayulu ku makasa yako.”

Ayebulai 1:10 Kruisverwysings

Utandiko 1:1

Pa kutandika Leza waumvile iyulu ni nsi.

Masamu 19:1

Amayulu yakalanda apa lulumbi lwakwe Leza, Ulwelele lukaalazya apa lwalala vicitwa vya minwe yakwe!

Mapinda 8:29

na lino wene wisile yanande yakwe yemba umwakuti amanzi yapelela, nemo apano nali. Lino watungilile insi nu lucesi, nemo apano nali.

Ezaya 40:12

Uzye aweni wino watala wapima amanzi yamuli yemba api kufi lyakwe, nanti ukupima iyulu ku cizanza cakwe? Uzye kwatala kuloleka umuntu wakuti atoole ivu umu lupe longa, ilya pano nsi nanti ukupima imyamba ni milundu apa cipimilo?

Ezaya 42:5

Yawe, Leza, wiyo uwaumvile amayulu nu kuyavungulula, wiyo uwakonzolwile insi na vyonsi ivyafuma mwenemo, nu kupeela umi kuli yonsi akapita mwenemo. Wene wavwanga wati,

Ezaya 48:13

Amakasa yane ayano yatungilila insi, nu kwandatila iyulu. Ndi navyama, navyo vikaasuka.

Ezaya 51:13

Uzye limwi mwatimwilila Yawe wino wamupanzile? Wiyo wino wanzika amayulu nu kusimpa insi ii? Uzye pacani cino mungikalila ntetentete amanda yonsi, umukoopa sile ukali wa antu akamucuzya, akalonda ukumulovya?

Ezaya 51:6

Tumpulini amanso inu umwiyulu, mulolekesye na pansi. Amayulu yalaongoloka wa vyunsi, insi nayo ilasizya wa nsalu, na aikalansi yalafwa wa tuzizi. Lelo ufyusi wane ulaelelela pee, nga nu ulungami wane nao utalasila.

Ezaya 64:8

Lelo kwene we Yawe, ala wewe uli Tata. Swemo twaya sile wa mbuulo, nawe wakwe nakamata. Umucumi awewe watuumba.

Yelemiya 32:17

“Yawe Simwandalali, wemuno wapanzile amayulu ni nsi, umu kukonzolola ikasa lyako lya maka, kutaya nati cimwi icakuposya.

Zakaliya 12:1

Ii imbila ya mazwi yakwe Yawe akumile Izlaeli. Yawe, wiyo uwanzika amayulu, uwaumba insi, aliwe akapeela umi ku muntu. Wene wavwanga wati,

Malango 4:19

Mutakezye ukutunkwa ukupepa nu kutumikila vino mukalola umwiyulu, ivili wi lanzi, umwezi, ni ntanda. Yawe Leza winu wapeela vii ku antu yauze yonsi kuti yavipepa.

Ayebulai 12:27

Mazwi akuti, “Nupya kwene” yakulanga paswe ukuti vintu ivyaumbwa vilatensiwa nu kufumiziwapo, pakuti vintu vino vitangatensiwa visyale.

Umbwilo 3:14

“Lemba ku ntunguluzi yakwi uvi ku Lodesiya uti, “Lii ilandwe kufuma kuli wino akwamwa Ameni, kambone uwakutailwa nupya uwa cumi. Wene ali ntulo yakwe vyonsi vino Leza waumba.