Luke 8:18 - Kadu

¹⁸ အမှာတွာတ် ကနားစိုက်သဘန်းသက်ကြီး။ စားနူစားနာငှါဘင်း သမီဆာတာတ်တေဒေ ပိုသဘန်းအီကူ။ အန်နိမ်စါန်းငှေါဒီ ဟမာန်ကစဲ အဘိုဘင်းသမီဆာတာတ်ခက် ဟိန်ကောက်ဟိန် ငှါမှာညယ် ထာန်သနင်းဘင်းနာတေဒေဆဲ လာလားခံသထှာကူ" ညယ်မိန့်တော်မူသမှာ။

Luke 8:18 Kruisverwysings

Luke 19:26

ရှာန်းပလာန်ကား "ဟနိမ်တေ ငါငှေါကူ။ စားနူစားနာငှါဘန်း အန်ဘင်းတေဒေ တိုးပွားသကွန်း အွန်ရန်ဘင်းဆိတ်တေ ပိုသောအီကူ။ အန်နိမ်စါန်းငှေါဒီ တိုးပွားသကွန်း အအွန်ရန်ဘင်းဆိတ်ဟက် ဟိန်ပေငှါဘင်းနာတေဆဲ လာလားခံသထှာကူ။

Luke 9:44

"ဟနိမ် ငါငှေါဘင်းနာတေဒေ အာရုံစိုက်သဘန်းသက်ကြီး။ သမီဆာဆားတော်တေ ရန်သူတာတ်ပါ အီလားခံသထှာကဘန်း" ညယ်မိန့်တော်မူသမှာ။