Luke 7:16 - Kadu

¹⁶ သမီဆာတာတ်ကား အကြီးကျယ်အံ့ဩသကြီးဘန်းနာ "အလေဘေ မြင့်မြတ်သဘင်း ပရောဖက်ဟော်ဝါ ပေါ်ဒီဘန်း။ ဘုရားရှာန်ကား အလေတေ ယူအီဘန်း" ညယ် ဘုရားရှာန်ဂုဏ်တော်တေဒေ ချီးမွမ်းသကြီးမှာ။

Luke 7:16 Kruisverwysings

Luke 1:65

ကျေမ်းထန်ကစက်တာတ်ယောက် အမျိုးတာတ်ကား အန်ဘင်းအဖြစ်ပျက်တေ ကတုံန်ကြီးမှါခ့်ခါ စါတ်ပန်းနင်းကြီးရာန်မှာ။ သမီဆတာတ်ကား အန်ဘင်းဆတာန်းဒေ ယုဒပြေ ကယာစောက်ပင်း နေရာ၌တိုင်းဘေ ငှေါနင်းကြီးမှာ။

Luke 1:68

"အစ္စရေးသမီဆာအမျိုးတာတ် အရှာန်ထှာဘင်း ဘုရားရှာန်ဘင်း ဂုဏ်ကျေးဇူးတော်တေ ချီးမွမ်းသမှာ။ ဟိန်ကား ဟိန်သမီဆာအမျိုးတာတ်တေ ကယ်တာန်သဒင် ကြွသပိန်။

Luke 19:44

အဘင်းမြို့တစ်မြို့လုံးဘင်း ကျေမ်းတေအကုန်လုံးတေ ဖျတ်ဆီးသဘန်း မြို့နောင်းဘင်းသမီဆာတာတ်တေရီးဒါး သန်းရှီးကြီးကူဘင်း အချိန်ထုတ်အီကဘန်း။ ဟမာန်အတွာတ်ငှေါပန်းသာငှေါ ဟနိမ်ကား ဘုရားရှာန် ကယ်တာန်သကူညယ် ကြွဒီဘင်းအချိန်တေ အမိန်းရှာတ်ခါဘင်းအတွာတ်ထှာမှာ" ညယ်မိန့်တော်မူသမှာ။

Luke 2:20

သိုးနနူပူဘင်းဆိတ်တာတ်ရီဒါး သိုးပူဘင်းကွာမ်းပါ လာန်ဟာန်းကြီးဘန်း ဘုရားရှာန်ဘင်း ဂုဏ်တော်တေဒေ ချီးမွမ်းသကြီးဘန်းနာ မဲဘင်းဟမန်းတာတ် အန်တာတ်တေ ငှေါရီဘင်း အံ့ဩသထာတ်မဲဘင်း အကြောင်းတေကား အဟုတ်မလပ်ထှာရီမှာ ငှေါဘင်းနာတေ အချန်းချန်းငှေါနင်းကြီးမှာ။ ရှရှာယေရှုတေ ဘုရားရှာန်ပါအပ်သဘင်းနာ

Luke 24:19

ကိုယ်တော်ကား "ဟမာန်တေထှာရီတေ" ညယ်စိန်ယူမှါခ့်ခါ အန်ဘင်းဆိတ်ကား "နာဇရတ်မြို့ဆား ကိုယ်တော်ယေရှု ထှာရီဘင်းနာတေထှာမှာ။ ဟိန်ကား အံ့ဩသထာတ်မဲဘင်းနာတုံန်းတေဒေ အွန်နီဘန်း မွန်းထာတ်ငှါဘင်း မာန်းဂလာဆတာန်းတူးတေဒေ ဟောသကာရီဘင်း ပရောဖက် ဟော်ဝါထှာမှာ။ ဟိန်ဟောသကာအွန်ကာဘင်းနာတေရီးဒါး တန်ခိုးအာနုဘော်တုံန်းမှာညယ် သမီဆတာတ်ကား ထာန်သကြီးရီမှာ။

Luke 5:26

သမီဆာတေရီဒါး မာန်ဒါတ်မိသဘန်း စာတ်နင်းကြီးဘန်းနာ "အရာတ်မှါခ့် အလေကား အံ့ဩသထာတ်မဲဘင်းနာတေ‌ဒေ ကတုံန်လူရီဘန်း" ညယ်ငှေါကြီးဘန်း ဘုရားရှာန်ဘင်း ဂုဏ်တော်တေ ချီးမွမ်းသကြီးမှာ။

Luke 5:8

အန်ဘင်းအဖြစ်ပျက်တေဒေ ကတုံန်မှါခ့်ခါ ရှိမုန်ပေတရုကား ကိုယ်တော်ယေရှတာပိုင်းဘေ သထူထောက်သဘန်း ဝိုင်သဘန်းနာ "ကိုယ်တော်၊ ငါကားအပြစ်လွောန်ဘင်းဆိတ်ဟော်ဝါ ထှာဘင်းအတွာတ် ငါတေ တက်ပဲလာန်ဘဲ" ညယ်လျှောက်တာန်သမှာ။

Luke 7:15

အ၌မှါခ့်ခါ ရှီးနင်းဘင်းဆိတ်ကား ရဲဘန်းထုံးငါန်ဘန် စသဘန်းတူးသပေါက်အာန်မှာ။ ကိုယ်တော်ယေရှုကား အန်ဘင်းဆိတ်တေ ဟိန်အမယ်ပါပြန်သဘန်း အပ်တာန်မှာ။

Luke 7:39

အန်၌မှါခ့်ခါကိုယ်တော်ဒေ ပါမ်းဒီဘင်းဖာရိရှဲကား ကတုံန်ငါန်မှါခ့်ခါ "အဘင်းဆိတ်ကား ပရောဖက်ချီဘန်းကား ဟိန်တေထိသဘန်းနင်းဘင်း အီးရှီကား ဟာနိမ်အီရှီ ထှာဘင်းနာတေ မိန်းရှာတ်ခါထှာကူ။ အမဲဘင်းအီးရှီထှာမှာ ငှေါဘင်းနာ‌တေရီးဒါး မိန်းရှာတ်ခါထှာကူ" ညယ်အဆေင်နောင်းဘေတွေးဒနင်းမှာ။

Luke 8:37

အန်၌မှါခ့်ခါ ဂါရစမြို့ပိုက်ဟက်ဒီဘင်းသမီဆာတာတ်ကား အကြီးကျယ်စါတ်ပန်းနင်းကြီးရာန်ဘင်းအတွာတ် ကိုယ်တော်‌ယေရှုတေ အန်ဘင်းအရပ်ဟက်ပူလာန်ဘဲကွန်း တောင်းပါန်သကြီးဘင်းအတွာတ် ကိုယ်တော်ယေရှုရီးဒါး တပယ့်တော်တာတ်ယောက် အန်ဘင်းအရပ်ဟက် လှေယောက် ပူလာန်ပဲကြီးမှာ။

Luke 9:19

အန်တာတ်ကား "စယ်ယာကား ကိုယ်တော်တေ ဝဲငွတ်ပင်းမာန်းဂလာအွန်အီဘင်း အိုးဆကြီးယောဟန်ညယ်ငှေါကြီးမှာ။ ဧလိယညယ်ရီးငှေါကြီးမှာ။ မာအယ်ဘင်းပရောဖက်ဟော်ဝါ အဆာတ်စားဟာန်းရီမှာညယ်ရီး အမျိုးမျိုးငှေါနင်းကြီးမှာ" ညယ်လျှောက်တာန်သကြီးမှာ။