Luke 5:30 - Kadu

³⁰ ဖာရိရှဲတေယောက် ကျမ်းပေါ့ပင်းအိုးဆကြီးတာတ်ကား ကိုယ်တော်တပယ့်တော်တာတ်တေ "ဟနိမ်ကား အဘင်းအခွန်ကွန်ဘင်းဆိတ်တာတ်၊ အမဲဘင်းဆိတ်တာတ်ယောက် ဟမာန်တွာတ် အတူတူယုတ်မောက်နင်းကြီးတေ" ညယ်စစ်တော်ဟယ်ကြီးမှာ။

Luke 5:30 Kruisverwysings

Luke 18:11

ဖာရိရှဲကား ဟော်ဝါဆာ စပ်ပန်း 'အို ဘုရားရှာန်၊ ငါကား သမီတေနိမ် လောဖားအတုံန်းငြား၊ အချီဘင်းရီးဒါး အအွန်နား၊ အိမ်ထောင်ရေးရီးဒါး အဖောက်ပြန်သဘန်းနာ အန်းဘင်း အခွန်ကွန်ဘင်းဆိတ်နိမ်ရီးဒါး အချီဘင်းအတွာတ် ဘုရားရှာန်တေ ကျေးဇူးတာန်သမှာ။

Luke 19:7

အန်ဘင်းတေ ကတုံန်ကြီးဘင်းဆိတ်တာတ်ကား "ကိုယ်တော်ကား အမဲဘင်းအပြစ်အွန်ပဲဘင်းဆိတ်ကျေမ်းဘေ လာန်ဘန်း ဟိန်ယောက်အတူတူ ယုတ်မောက်ကြီးယုတ်ကူ" ညယ်ဝေဖန်အပြစ်တာန်သကြီးမှာ။

Luke 5:17

မာန်းရာတ်ရအာမှါခ့်ခါ ကိုယ်တော်ယေရှုကား ဟောသကာ ဆွာန်သကာအီနင်းမှါခ့်ခါ ဂါလိလဲပြေ၊ ယုဒပြေယောက် ဂျေရုဆလင်မြို့ဘေငှါဘင်း ထိန်တေဟက်ဒီကြီးဘင်း ဖာရိရှဲတေယောက်r ကျမ်းပေါ့ပင်း အိုးဆကြီးတာတ်ရီးဒါ အန်ဘင်းနေရာပိုက်ပေ ထုံးပန်းနင်းကြီးမှာ။ ဘုရားရှာန်ဘင်း တန်ခိုးတော်တေကား သမီဆတာတ်ပင်းရောဂါတေဒေ ကယာစိန်းတင် ကိုယ်တော်ယေရှုဘေငှါနင်းမှာ။

Luke 5:21

အန်၌မှါခ့်ခါ ဖာရိရှဲတာတ်ယောက် ကျမ်းကျိန်းပေါ့ပင်းအိုးဆကြီးတာတ်ကား "အဘင်းသမီဆာကား ဟိန်ကောက်ဟိန်ကာ ဘုရားရှာန်ညယ် ထာန်သနင်းလဲ ဘုရားရှာန်ဟက်လွဲသဘန်း ဟာဟမဲစဲ အမဲဘင်းအပြစ်တေဒေ ခွာမ်းလွတ်သရာန်ဘင်းတေ အအွန်ရန်နား" ညယ်အန်တာတ်အဆေင်နောင်းဘေ ထာန်သနင်းကြီးမှာ။

Luke 7:34

အန်ဘင်းအပြာန် သမီဆာဆားတော်ကား ယုတ်ပန်း၊ အူပန်းနင်းဒီဒါး ဟနိမ်ကား 'ယေရှုကား ယုတ်လားလောဖားကြီးသဘင်းဆိတ်ထှာဘန်း၊ အခွန်ကွန်ဘင်းဆိတ်တာတ်၊ အမဲဘင်းသမီဆတာတ်တေယောက် ပဟာန်းအွန်ဘန်းနင်းမှာ' ညယ်ငှေါဟာန်းကြီးမှာ။

Luke 7:39

အန်၌မှါခ့်ခါကိုယ်တော်ဒေ ပါမ်းဒီဘင်းဖာရိရှဲကား ကတုံန်ငါန်မှါခ့်ခါ "အဘင်းဆိတ်ကား ပရောဖက်ချီဘန်းကား ဟိန်တေထိသဘန်းနင်းဘင်း အီးရှီကား ဟာနိမ်အီရှီ ထှာဘင်းနာတေ မိန်းရှာတ်ခါထှာကူ။ အမဲဘင်းအီးရှီထှာမှာ ငှေါဘင်းနာ‌တေရီးဒါး မိန်းရှာတ်ခါထှာကူ" ညယ်အဆေင်နောင်းဘေတွေးဒနင်းမှာ။