27 သမီဆာကလောင်းတုံန်းတာတ်ယောက် ကိုယ်တော်အတွာတ် ရင်ဘတ်တေထုသဘန်း ဟပ်နင်းကြီးဘင်း အီးရှီတာတ်ရီးဒါး ကိုယ်တော်ဟလိန်းဟက် ဒီယာတ်ကြီးမှာ။
ကိုယ်တော်ကား အန်ဘင်းသမီဆာတာတ်ပါ လှည့်သဘန်း "ဂျေရုဆလင်ဟက် အီးရှီတာတ်၊ ငါအတွာတ် အဟပ်ကြီးဆာ။ ဟနိမ်အတွာတ် ဟနိမ်ဆာ ဆအိတ်တေ အတွာတ်၌ဆာဟပ်ကြီး။
ဂါလိလဲဟက် ကိုယ်တော်ယောက်အတူတူ ဒီရာတ်ပင်းအီးရှီတာတ်ကား ဆာန်းကျိုင်းဂူတေလည်းကောင်း ကိုယ်တော်လာန်တေ ပဲဘင်းနာတေလည်းကောင်း ကတုံန်ကြီးမှာ။
အန်ဘင်းအပြာန် ကမာရောဂါ ကယာရာန်ဘင်းဆိတ်တာတ်ယောက် အမဲဘင်းနနူကပ်ပန်းနင်းဘင်းဟက် ကယာဟာန်းစိန်းရီဘင်း အီးရှီစယ်ယာတာတ်ရီးဒါး ကိုယ်တော်ယောက်အတူတူ ဒီရာတ်ကြီးမှာ။ အန်ဘင်းအီးရှီတာတ်နောင်းဘေ အမဲဘင်းနနူ စစ်နူကပ်ခံဒီထှာဘန်းနာ မဲဟာန်းရီဘင်းး မာဂဒလထိန်အီးရှီ မာရိ၊
သမီဆာ၌တိုင်းကား အန်ဘင်းအီးရှီရှာ ရှီးရာန်ဘင်းအတွာတ် အကြီးကျယ်ဟပ်ပန်းနင်းကြီးမှာ။ အာနိမ်စါန်ငှေါဒီ ကိုယ်တော်ကား "အဘင်းရှာဆာကား အရှီးနွန်း။ ဟိန်အေ့ပ်နင်းလားထှာမှာ" ညယ်မိန့်တော်မူသမှါခ့်ခါ