Nipaakammu 5:13 - Na Ukud Apudyus

¹³ Sachi ad chingngor-u kon nangkankantaan na losani parsuwa, wi ingkaw ad langit ya asnay luta, ya losani ingkaw ta fayfay, ya losan akoy ingkaw ta awachan na nan-ootoy. Ad losancha makakankanta wi anancha, “À siyay tumutùchuy Ali ya sachi Pannilu, machaychayawchà ing-ingkana ya mifakafakan kinafarucha ya kinangatucha ya mannakafalinchà ing-ingkana.”

Nipaakammu 5:13 Kruisverwysings

Mateo 6:13

Ya ilisim chiani ta achiani pu maawis wi fumasur, ya ilisim ako chiani ta sulisug Satan.’”

Lucas 2:14

“Machaychayaw à Apudyus ad langit wi angatuwan! Farfaruwonan somsomò na losani takud asnay luta wi mamparagsak an siya.”

Juan 1:29

Nafikat ad, innilan Juan à Jesus wi marungay, ad anana, “Ilanyu, anchiyan Pannilu wi innadchon Apudyus à mapatoy à fayad na fasur na losani takud asnay luta!

Roma 11:36

Tan à Apudyus, siyan nangwa ta asinchuwan ya siya kon mangayyuwan ta losan, wi na puntusna, machayawana. Siyan chaychayawontaù siyà ing-ingkana! Amen.

Roma 16:27

Ta à Apudyus wi araingan ta losan, machaychayaw à siyà ing-ingkana mipakapun Jesu Cristu! Amen.

Roma 9:5

Ya chicha kon kanà na chachi napatoki takun Apudyus ta awi. Ad chachi Judio kon niyanaan Jesu Cristu ta ummaliyanad asnay luta wi siyan Ap-apun na losan ya siya kò Apudyus wi machaychayaw à ing-ingkana! Amen.

Efeso 3:21

Siyan losantauy mamati, chaychayawontaù Apudyus à ing-ingkana mipakapun Jesu Cristu ya mitapiyantaun siya! Amen.

Filipos 2:10

Siyan chumatong na padcha wi losani iingkaw ad langit ya luta, uray na nanattoy ya chaan, ya uray na losani maila ya achi pun, maid pu achi mampalintumong ta sangwanan Jesus wi manaychayaw ta kinangatuna.

Colosas 1:23

Ngim tanchaananyu ta achiyu ilobsanan na pammatiyu, tan masapur ngongodngochanyu wi mamati. Ya achiyu ko iparufus na maawisanyu wi mangiyakay ta namnamayu, wi na chamun na nannamnamaanyu, na nangngoranyu ta mamfaruy chamag mipangkop an Jesu Cristu. Niwarawag na sachi chamag ta arutaruta, wi saoni Pablo na osay mangiwarawag.

1 Timoteo 4:16

Annacham na long-agnu ya itudtuchum, tan nu ipapatim wi mangwa, siyan masaraknifam an Apudyus ya masaraknifan akon chachi manchongor an sia.

1 Pedro 4:11

Siyan na naadchan à karobfongana wi mantudtuchu, masapur itudtuchunan inug-ugkud Apudyus. Ad na naadchan à karobfongana wi fumachang, masapur ko fumachafachang à patingkan na karobfongan wi innadchon Apudyus an siya. Amaschin màwa, ta na losani màwa machaychayaw à Apudyus mipakapun Jesu Cristu. Ta Apudyus na machaychayaw ya annan mannakafalinnà ing-ingkana. Amen.

1 Pedro 5:11

Siyan machaychayaw à ing-ingkana wi maid mapagpakan na mannakafalinna. Amen!

Juda 1:25

Maid pu isun Apudyus wi siya kan afusi tuttuway Apudyus, siyan chayawontaù siya wi afusi nakasaraknib an chitau kapu ta iningwan Jesu Cristu wi Aputau. Ad siyan angatuwan wi maid pu miyisuwan na kinafaruna ya mannakafalinna. Siyan mangituray ta sinuman, nanipud ta chamchamu ingkana ta sana, ya à ing-ingkana! Amen.

Nipaakammu 1:6

ya intapinà chitau ta manturayana, ya namfalinona kò chitau pachi wi mansilfin Amanay Apudyus. Siyan chaychayawontaù Jesu Cristu wi angatuwan ya mannakafalin wi manturay à ing-ingkana! Amen.

Nipaakammu 13:8

Siyan losani takud asnay luta chayawonchà siya, wi naraksig yakan chachi takuy nilistan ngachancha ta nibrun na Panniluy napatoy. Tan nanipud ta chamchamun na sinuman, nar-us nilista ta sachi nibrun angachangachan na losani maadchan à mannaynayun à mafiyakan an Apudyus.

Nipaakammu 5:1

Ad iningkaw akon innilà wi naruruut wi papil wi inoognan na sachi tumutùchu ta chiwawani imana. Ad na sachi papil, namfinisà naug-isan ya nangampitun taodna.

Nipaakammu 5:12

Ad chinakorchay mangkankanta wi anancha, “Na annayay Pannilu wi napatoy, siyan afusi annan karobfonganay mipangatu ya machayaw, ya maid pu miyisuwan na kinafaknangna ya kinaraingna ya uray mannakafalinna ya kinafaruna.”

Nipaakammu 5:3

Ngim maid pu nginlobfong mangukrad ta sachi naruruut wi papil, uray ta chachi ingkaw ad langit ya ad asnay luta, ya uray akon losani nan-ootoy.

Nipaakammu 5:6

Sachi ad innilà na Pannilu wi summisiad ta nangkawaan na chachi mangipangpangu ya uùchuwan Ali wi linìwos na chachi opati parsuwa. Ad na sachi Pannilu, mamàilan pilat ta natayana. Nasàkuchan à pitu ya pitu kon atana wi chichan miyalikan na pituy karobfongan na Ispiritun Apudyus wi nifaun ta losani lukar ad asnay luta.

Nipaakammu 5:9

Ad kinantachan faruy kanta wi anancha, “Sia kan afusi nginlobfong wi mangara ta naruruut wi papil wi nangampitun taodna, ya sia kan annan karobfonganay mangib-at ya mamasa, tan sian napatoy wi nifùfù na charam. Ad sachin imfayadnu ta taku ta mafalini mantakun Apudyus chicha. Ad losan chachi sinubfutnu, narpucha ta losani aapuapuun na taku ta ailiili ta arutaruta ya awad akon narpu ta losani mansabsafali wi ug-ugkud.

Nipaakammu 6:16

Ad pin-awanchan filfilig ya chopchopras wi iningkawancha, wi anancha, “Mat-ob-ayuy filfilig ya chopchopras ta matab-unan-ani ta achi chiani kuma ilan ta sachi tumutùchuy Alid langit, ya achini pu kuma malìnan manusaan na sachi Pannilu an chiani!