Nipaakammu 1:16 - Na Ukud Apudyus

¹⁶ Ad na imanay chiwawan, inoognanan pituy fituwon. Ad na tupòna, lummoswan osay tachomani sabli wi nansupang na ngarabna. Ad na fosarna ko, sumiling wi isun na siling na init na apigsana.

Nipaakammu 1:16 Kruisverwysings

Mateo 17:2

Ad na nangiil-anchan Jesus ta sachi, nafaliwan na itchurana, wi na fosarna summiling wi isù init, ad na silupna summilisiling wi putilaan.

Apostoles 26:13

Ingkawà pun ta charan ta mamatù, nalinanganà ta narpu ta langit wi napigpigsa nu init. Nasiling-ani losan wi mamfufurun,

Efeso 6:17

Ad na isù helmetyu siyan nanaraknifan Jesu Cristu an chiayu, tan sachin manapar ta somsomòyu. Ya iyaaw-isyu kon kaman wi innadchon na Ispiritun Apudyus, wi siyan ukud Apudyus.

Hebreo 4:12

Na ukud Apudyus, chakor na karobfongana wi mangipaila ta losani awad an chitauy taku. Tan na ukudna, natadtachom nu sabli wi nansupang na ngarabna. Tan chuutonan somsomòtau, ad fuslitanan losani nitataruy somsomò, tan uray sinuy achi pu maila wi kakara ya puranun na somsomò, mafuslitan losan.

Nipaakammu 1:20

Na mipangkop ta anchanayay pituy fituwon wi iillam ta chiwawani imà, ya anchanayay pituy papattayan à silaw, wi falituk, amasnan miningcha wi maid nangakammu. Na pituy fituwon, chichan miyalikan na pituy mangayyuwan ta chachi pituy ili. Ad na pituy papattayan à silaw, chichan miyalikan na takuy mamati ta chachi pituy ili.”

Nipaakammu 10:1

Sachi ad, innilà akon osay anghel wi oschoran wi nan-osog wi narpud langit wi nalilibfuuwan ya nampayungus à afungar. Ad na fosarna, isù init na silingna, ad na ikina, isù natutuud wi kilab na apuy.

Nipaakammu 12:1

Sachi ad iningkaw na nipailad langit wi isag kaskaschaaw wi singyar. Iningkaw na osay fufai wi summisiad ta furan, ya nasilupan à isun na siling na init, ya nampayungus à korona à simpuru ya chuway fituwon.

Nipaakammu 19:15

Ad à siya, awad na lummoswa ta tupòna wi tachomani sabli wi iyafakna ta losani taku ta aturaturay wi foon à mamatin siya. Ad iturayana chicha, wi isag istriktun inyòoyyana wi maid makaafak an siya. Tan à Apudyus wi Mannakafalin, ipailana kon pinagchusana ta taku wi isun na mamposposan na astan ta astona.

Nipaakammu 19:21

Ad na losani susurchachucha, napatoycha losan ta sabli wi lummoswa ta tupò na sachi nangaabfayu ta puraw wi afayu. Ad inibsug losan chachi sissiwit na lachagcha.

Nipaakammu 2:1

Ad anana, “Isuratnun annaya ta sachi mangayyuwan ta chachi mamatid Efeso: “Saon à Jesu Cristu wi mamangchon ta pituy fituwon, ya saon akon mangkakawa ta pituy papattayan à silaw, wi falituk. Annayan ifakà an chiayu.

Nipaakammu 2:12

Anana ko, “Isuratnu kon annaya ta sachi mangayyuwan ta chachi mamatid Pergamo: “Saon na mamangchon ta tachomani sabli wi nansupang na ngarabna. Ad annayan ifakà an chiayu.

Nipaakammu 2:16

Siyan ifafawiyun fasuryu! Tan nu achiyu pun, umalì chusaon chachi taku wi usarò na ukud-u wi niyalig à sabli wi lumoswa ta tupòu.

Nipaakammu 3:1

Anana ko, “Isuratnu kon annaya ta sachi mangayyuwan ta chachi mamatid Sardis: “Saon na niyamungan na Ispiritun Apudyus wi pituy karasin karobfongana. Ya saon akon mamangchon ta pituy fituwon. Ad annayan ifakà an chiayu. Akammù losan na oy-oyyoonyu, ya akammù ako wi nanchinamag wi makafiyag-ayun Apudyus. Ngim na katuttuwaan, isù nanattoy-ayun siya tan tupòyu kan ikaw na pammatiyu!