Matthew 8:4 - Sei di Uka Ago Ruaka di Buka Bedakai

⁴ Ye Iesu ina rofu niyo, “Amiye yokoi ga nioteima, idu nesi ya kaya Sei ma amiye utari naivo amiye oteimasi Moses yaku ago girari niyo kana Sei rofu moi ori sisika regiya. Ye amiye vegedi ya bi buni niyo.”

Matthew 8:4 Kruisverwysings

Matthew 10:18

Na dada gavana ma kini ka kota reyaganedi ya moi erokoko rei bogedi, ina rofu ma tutubena idana vene rofu nai ago ninegau regedi.

Matthew 16:20

Mina usi ini usi dina vene ago maro bi amiye yokoi ga nioteimaragane ina bi Keriso.

Matthew 17:9

Ye omuna degamadiri, Iesu yaku ago gira magamo, “Mina yaduka kana veyadi bi amiye ga nifa, bogo Amiye di mida bi muyenari gutuna dadi rae rego mamo.”

Matthew 3:15

Idu Iesu yaku nikabai reyo, “Ya eyouneida ye gua bi ya nida kana re. Mina ida dudu Sei di mokena rorobo tau gade bi moi rama aegifa.” Ye John yaku yo niyo.

Matthew 5:17

“Ga mokefa na bi ago gira ma Sei di ago niyadi vene di ago mina moi uroro regika deyaka; na bi moi rama aegi deyaka, uroro regi de deyaka.

Matthew 6:1

“Yi beika mokena rorobo di vegu rededi bi amiye di nemokori bi vei mona resi ga refa, ye amiye yaku veyaganedi. Adina makai regasa yi obini yi Baba omari rofu bi de moigedi.

Matthew 9:30

kamini ini ne areyadi. Ma ago gira nimaro, “Mina bi amiye yokoi ga diba niyaganedi!”

Mark 13:9

“Ye ya kaya nari rei mona refa. Kanisoro vene di vanari ya siri resi ini usa usa yavari ubobo regedi. Na dada ya moi gavana ma kini di nemokori are resi ina rofu nai ago ninegau regedi.

Mark 3:12

Ma ago gira gira maro bi amiye ga niyagane ina bi kaere.

Mark 5:43

Ma Iesu yaku ago gira masi niyo amiye yokoi ga nioteimaraganedi, ma ina rofu niyo iruku yokoi be mafo kumo iriyaine.

Mark 6:11

Ma goina gagani yokoiri ya moi dui de regedi, o yi ago de neidegedi, bi minari feresi yi yuka di budoka usi eyarefa. Ye mina bi ini vegu makai regedi yaku bi vei mama regedi.”

Mark 7:36

Iesu yaku ago gira dudu mina vene rofu niyo, “Amiye yokoi ga nioteimaragane.” Ago gira Iesu yaku niyo bi tora iniye niyori, ina vene toga ini vegu di ago nirausi regamadi.

Mark 8:30

Ye nidiba reyo bi amiye yokoi ina dada ga nioteimaragane.

Mark 9:9

Ye omuna deyadiri, Iesu yaku ago gira magamo, “Amiye yokoi ga nioteimafa beika veyadi bi, bogo Amiye di mida bi muyenari gutuna dadi rae rego mamo.”

Luke 17:14

Ma vesi niyo, “Bofa kumo Sei ma amiye utari naivo vene ya veyagane.” Idama bogamadiri, bi ini roaita moi ruaka riyo.

Luke 21:13

Mina bi yi ari buni mini amiye di nemokori nai ago ninegau regedi.

Luke 4:41

Ma vima no ka amiye tau gade rofu yakusi ababa niyadi, “Ya bi Sei di mida!” Idu Iesu besenai ago masi ago ga niyaganedi niyo, adina ina diba ina bi Keriso.

Luke 5:14

Ma ago gira ina rofu niyo, “Amiye yokoi ga nioteima, idu nesi Sei ma amiye utari naivo amiye oteimasi yi roaita buni niyo kana ori sisika re. Ye amiye vegedi ya bi buni niyo, Moses yaku ago girari niyo kana, Sei rofu moi ori sisika regiya.”

Luke 8:56

Ma ini nono baba bi tururu reyadi, idu Iesu yaku amiye yokoi mina vegu vata niyo ga niyaganedi, vo niyo.

Luke 9:21

Ye nidiba resi ago gira maro, “Mina bi amiye yokoi rofu ga nioteimaragane.”

John 5:41

“Na bi amiye gutuna nai roka moi odoro rina bi maina de reida.

John 7:18

Amiye kaere ini vava dudu ago nigo iniye ini roka moi odoro rigi redo, idu kaere yaku ina nifeideyo amiye di moi odoro rigi redo bi rama amiye, ma ini uka ideri bi ofa yokoi de amedo.

John 8:50

Idu na kaya nai roka moi odoro rina de maina reida, idu yokoi kaere yaku na moi odoro regi maina redo ma na rofu kota rego.