Matthew 8:12 - Sei di Uka Ago Ruaka di Buka Bedakai

¹² Idu Sei di ourefeidena amena sana mida mida kana auba reyo vene bi etofaro mukunari maku nego ma isaka nigasa gade aki gigi rebigedi.”

Matthew 8:12 Kruisverwysings

Matthew 13:38

Muro bi mina kono tora noibanu, ma meko buni bi Sei di ourefeidena amena sana di mida mida. Ma oruma bi Amiye no di mida mida.

Matthew 13:42

ita tora fairo redo sokuri makugedi; ye mironari ini gade aki gigi regasa isaka nibigedi.

Matthew 13:50

ita tora fairo redo sokuri maku negedi; mironari bi gade aki gigi regasa isaka nigedi.”

Matthew 21:43

“Mina dada ya nida, Sei di ourefeidena amena sana bi ya rofu moi etagae risi gagani vene yokoi mago kaere yaku ini vegu buni rebigedi.

Matthew 24:51

mina moimai rei tavoi redo amiye di roaita bado bado nugasi ofarosi vene di sanari aego. Mina sanari isaka nisi gade giko nibigo.

Matthew 25:30

Ye mina amei tavoi rena moimai rei tavoi redo amiye bi etofaro mukunari maku nefo; mironari bi isaka nina ma gade giko nina sana.’

Luke 13:28

Etofaro ya maku negediri, bi esika dudu isaka nigasa gade aki gigi rebigedi; Abraham, Isaac, Jacob ma Sei di ago niyadi vene tau vegediri, bi Sei di ourefeidena amena sanari amebigedi!

Moimai di vegu 3:25

Sei yaku sina tau ini ago niyadi vene nigamo, ina yaku nitore resi yi tutubena venesa uka ago yokoi maka ni moi rama aeyadi bi ya vene di. Resi Abraham rofu niyo, ‘Yi tutubena vene gutuna konori gagani gagani amiye tau moi buni tora gade magida.’

Rome vene 9:4

Ina bi Israel vene, ma Sei di mida mida kana vana rena, ini vabara oteimaro; uka ago, ago gira mana, ida ramari nivakena ma nitore rena ago bi ina vene di.

2 Peter 2:17

Mina vene bi koru gayei roko niyo kana ma seuya aura yaku ufu rei makudo kana. Sei yaku mukuna gube nido sana bi sena rei tore resi ferei maro.

2 Peter 2:4

Sei yaku ka ini naivo naivo vima, kaere vegu no reyadi, bi ini kaunava de vei fereyo, idu ita mokari makuyo, mironari bi seini dudu mukunari amegasa, kota rego meda tua rededi.

Jude 1:13

Ina vene bi davara di ureure kana, ini maena bi davara di kabudo kana fonufonu rei baedo; bi yaveru kana, adina Sei yaku toga toga amebigo mukuna girigiri sana ferei maro.

Niokuna sina 22:15

Ye auna di moke moke vene, ore vene, koa rededi vene, umuyededi vene, ofa sei nivakededi vene ma ofa vegu uka masi rededi vene tau noibanu bi etofarori amededi.