Matthew 6:23 - Sei di Uka Ago Ruaka di Buka Bedakai

²³ Idu yi nemoko no vonisi, bi yi roaita tau noibanu bi mukuna yaku vata baego. Yi vabara yi ideri bi mukuna vonisi, mina bi mukuna girigiri iniye!

Matthew 6:23 Kruisverwysings

Matthew 20:15

Mina bi nai fore; na bi nai ura beika regida bi, o ya bi na rofu maunu nisa nai buni reida dada ba?’ ”

Matthew 6:22

“Yi nemoko bi ramefa di vabara kana yi roaitari. Mina dada yi nemoko buni vonisi, bi yi roaita tau noibanu bi vabara yaku vata baego.

Mark 7:22

udu, amiye uka esika mana, amiye ofa nimana, uka ideri mokena no, uka mukuna, uka gubuyo, amiye di roka moi no rina, ya kaya roka niodoro, ma dona auna di moke moke.

Luke 11:34

Yi nemoko bi ramefa di vabara kana yi roaitari. Ye yi nemoko buni vonisi, bi yi roaita tau noibanu bi vabara yaku vata baego. Idu yi nemoko no vonisi, bi yi roaita tau noibanu bi mukuna yaku vata baego.

Luke 8:10

Kamini niyo, “Ya bi Sei di ourefeidena amena sana di sui ago diba nigika bi ya maro, idu idana vene rofu mokena ago maka nida; ye vededi, idu vei mama de rededi; ma neidededi, idu diba de nidedi.

Rome vene 1:22

Ye iniye niyadi bi mokena vabara nufa, idu ada de kana niyadi;

1 Corinth vene 2:14

Kamini Vima de nufa amiye bi Sei di Vima bi beika baika asanu de rego, adina ina rofu bi forovai rena ago; diba nigi anua rego, Vima dudu maka diba nigi dada.

Ephesus vene 4:18

Ini ada yora bi mukuna niyo ma Sei di vegu rofu iniye feresi kokofu reyadi, ini ada bi fore kana ma ini uka gira dada.

Ephesus vene 5:8

Adina ari yokoiri ya bi mukunari amegamadi, idu ya bi gua Varika amiyesa vabarari amededi; kamini vabara di mida mida kana nana rebifa.

1 John 2:11

Idu amiye yokoi ini usika ourena gubuyo rego, bi mukunari amesi ini ideri nana resi goinari dibo redo bi toto, adina mukuna yaku ini ne moi taufa riyo.