Matthew 5:22 - Sei di Uka Ago Ruaka di Buka Bedakai

²² Idu ya nigida bi kaere ini usika ourena rofu gubuyo rego bi kota rego. Dudusa, kaere yaku ini usika ourena rofu nigo, ‘Ya bi ada de,’ ina bi kanisoro vene di nemokori are rego, ma kaere yaku nigo, ‘Ya bi mokena de rei tavoi tavoi reisa,’ bi ita moka rofu nena idari amego.

Matthew 5:22 Kruisverwysings

Matthew 10:17

Ma amiye rofu nari refa, ini adina bi kanisoro vene di vanari ya siri resi ini usa usa yavari ya buburu vai regedi.

Matthew 10:28

Ma roaita maka umuyesi vima umuyegi anua regedi vene rofu bi ori ga refa, idu Sei rofu maka ori refa, kaere bi ita mokari roaita ma vima vakoi moi no rego vava nufa.

Matthew 12:24

Idu Pharisee vene mina neidegasa niyadi, “Mina amiye bi vima no di ourefeidena amiye Beelzebul di vava dudu maka vima no meki redo.”

Matthew 17:5

Mina nigamori, seuya vabara kama resi ina vene bou riyo ma ago goroka mina seuya gutuna desi niyo, “Mina bi nai uka maida Mida, kaere ina rofu ada tora reida—ina bi neidefa!”

Matthew 18:21

Mina usi Peter bi Iesu rofu baesi nikaiteyo, “Varika amiye, nai usika ourena vegu no na rofu rego, bi uru gokaisanu ini vegu no moi erufugida? Uru 7 ba?”

Matthew 18:35

“Ye yi usika ourena neinei ini vegu no yi uka dudu de moi erufugedi vonisi, makai nai Baba omari ka ya vene rofu rego.”

Matthew 23:15

“Ago gira oteimana vene ma Pharisee vene, kaere bi ofarosi vene, iriyeduka no iniye iniye ya rofu bi! Adina davarari ma konori dibo resi amiye yokoi maka Jew vene di Sei nivakena vegu usi dina rofu moi kero regika. Ye kero regori, ya bi mina amiye ita mokari digo amiye ya kana moi remanu ridedi!

Matthew 23:33

Ya aruma ma aruma di mida mida! Ya gokai ida dudu ori digedi ita mokari ya nifeidegori?

Matthew 25:41

“Mina usi ini vana enana vene rofu nigo, ‘Na rofu etagae rifa, ya kaere Sei bi nikiraini reyo; Bodaka ma ini naivo naivo vima rofu dogo reyo di toga toga vaido ita mokari nefa!

Matthew 26:59

Kamini Sei ma amiye utari naivo vene di varika vene ma kanisoro vene noibanu bi ofa ago di adina maina regamadi gokai dudu Iesu umuyegedi.

Matthew 3:17

Ma goroka yokoi oma gutuna degasa niyo, “Mina bi nai uka maida mida, kaere bi ina rofu ada tora gade reida.”

Matthew 5:34

Idu ya nida bi oma fafau nivarika ga refa, adina mina bi Sei di ourefeidena amena fata;

Matthew 5:44

Idu ya vene rofu nida, yi tuma vene rofu uka masi kaere yaku ya esika esika magedi bi ina dada usa usa nifa,

Mark 14:55

Kamini Sei ma amiye utari naivo vene di varika vene ma kanisoro vene noibanu bi ago di adina maina regamadi, gokai dudu Iesu umuyegedi, idu bi ago de baku reyadi.

Mark 15:1

Ari uveyori, Sei ma amiye utari naivo vene di varika vene, tora vene ma ago gira oteimana vene bi kanisoro vene tau vakoisa egogo resi nirorotari resi bi Iesu di vana ukita resi afei bosi Pilate di vanari aeyadi.

Luke 12:5

Idu ya oteimagida kaere rofu ori regedi: Sei rofu ori refa, kaere bi ya umuyesi gabi ita mokari makugi di vava nufa, rama ina rofu maka ori refa!

Luke 22:66

Ari uveyori, bi amiye di kanisoro tora vene, ma Sei ma amiye utari naivo vene di varika vene, ma ago gira oteimana vene egogo resi Iesu afei bosi kota resi

John 11:47

Ye Sei ma amiye utari naivo vene di varika vene ma Pharisee vene yaku kanisoro vene raka niegogo resi nikaiteyadi, “Beika regifa? Adina mina amiye bi rebe tau moi evata rido!

John 15:25

Idu ago gira di sina bura reyo bi kamini moi rama aeyaine: ‘Ina vene na rofu gubuyo reyadi, vegu no yokoi de dada.’

John 7:20

Amiye tau gade yaku nikabai reyadi, “Ya bi vima nosa! Kaere yaku ya umuyegika ya maina redo?”

John 8:48

Ye Jew vene yaku nikaiteyadi, “Una rama nisifa ya bi Samaria amiye ma vima no bi yasa!”

Moimai di vegu 17:18

Ma Epicuria ma Stoic di mokena vabara vene bedakai ka bi Paul sa ago niyadi. Ma bedakai niyadi, “Mina ago ni tavoi tavoi amiye bi beika nido?” Ma bedakai yaku niyadi, “Ina bi sei bouna bedakai baeko nido.” Mina niyadi adina bi Paul bi Iesu di sina buni ma ini dadi rae reyo di ago mina niokugamo.

Moimai di vegu 22:30

Iya rena vene di ourefeidena amiye tora bi beika no rofu Jew vene yaku ina nitourage reyadi di ida rama iniye diba nigi ura reyo. Ye ari uveyori, bi Paul yakusi Sei ma amiye utari naivo vene di varika vene ma kanisoro vene tau vakoi rofu ago maro egogo reyaganedi. Resi Paul afei baesi ina vene di nemokori moi are reyo.

Moimai di vegu 23:1

Paul bi kanisoro vene di ne tu ramari vesi niyo, “Nai usika ourena, na bi Sei di nemokori uka di mokena buni dudu ameyaka baeyo gua mina medari mini.”

Moimai di vegu 24:20

O kaere gua minari, kanisoro vene di nemokori are reyakari, beika mokena rorobo de vegu reyaka veitao reyadi, mina niogau regedi.

Moimai di vegu 4:15

Mina dada kanisoro vene di sana fereyaganedi niyadi ma yakuyadiri, bi iniye iniye nidodi regi kora reyadi.

Moimai di vegu 5:21

Nifeidena vene mina ago neideyadiri, ari uveyori bi dadi bosi Sei nivakena yavari dui resi kamini amiye oteimagi kora reyadi. Sei ma amiye utari naivo amiye tora ini moi vana rededi venesa boyadiri, bi kanisoro vene, Israel vene di tora vene tau vakoi, raka niyadi egogo reyaganedi; makai resi bi ago nifeideyadi nifeidena vene dibura yavari gutuna ina vene di neri afei baeyaganedi.

Moimai di vegu 5:27

Nifeidena vene afei dui regasa niyadi kanisoro vene di nemokori moi are reyadi ma Sei ma amiye utari naivo amiye tora yaku nikaitegasa

Moimai di vegu 6:12

Mina ida dudu bi taoni vene, tora vene ma ago gira oteimana vene di uka moi dadiyadi. Kamini Stephen rofu baesi moi gira resi kanisoro vene rofu afei boyadi.

Moimai di vegu 6:15

Kanisoro ideri amegamadi vene tau gade yaku Stephen di ne uruma vegamadiri, bi ini ne uruma bi Sei di naivo naivo vima yokoi kana niyo.

Moimai di vegu 7:37

Mina Moses yaku Israel vene rofu niyo, ‘Sei yaku ini ago nido amiye yokoi na kana yi usika ourena vene fogori moi ogau rigo.’

Rome vene 12:10

Ya iniye iniye usika ourena kana uka mafa. Ya kaya ya kaya moi akeke resi ya kaya ya kaya kikifa refa.

1 Corinth vene 6:10

o duma duma rededi, o udu rededi, o koru gira tau gade iridedi, o amiye nifafana rededi, o eru rena dudu duma duma rededi vene yaku Sei di ourefeidena amena sana de moigedi.

1 Corinth vene 6:6

Idu gokai bi usika ourena yaku mokena vari gira de aededi vene di budari ini usika ourena moi kota redo?

1 Thessalonica vene 4:6

Ma mina idari, bi amiye yokoi yaku ini usika ourena fafau vegu no ga reyaine, o ofa ofa vegu rofu ga boyaine. Adina una makai sena ya ni yeiva resi niyafa, mina kana vegu no bi Varika amiye yaku toe mago.

Titus 3:2

Resi amiye rofu nifafana rena de, idu amiyesa ave nisi auta regasa amena maka rebiyagane, ye mina vegu rama amiye rofu reisa bi amiye oteimago ya bi gokai kana amiye.

Hebrew vene 12:25

Vei mona refa ago nido amiye etofa ga reyagane. Adina ina vene yaku konori ago gira maro amiye etofa regasa ori de diyadi, bi omari ago gira maro amiye fufuta magifa vonisi, de iniye iniye ori de digifa!

Hebrew vene 5:9

Ini vegu Sei di ura tau gade dada niyori, ina bi toga toga ameibobina vegu mina moi vegu rina di adina niyo, ini ago neidebigedi amiye tau rofu,

James 2:20

Idu ya forovai amiye, ya ura bi diba nigiya, mokena vari gira aena vegu buni de nufa bi koina ba?

James 3:6

Ma afiye bi ita kana. Ina bi mokena rorobo de vegu tora noibanu vata baeyo. Uni roaita di eta yokoi asanu reyo ma roaita noibanu moi no risi uni amena ida tora noibanu bi ita kana vaido. Makai ye muyena sana yaku mina ita moi vaido.

1 Peter 2:23

Adina bi ago esika toe maradiri, mina toe dairi nikabai de reyo. Esika esika gurauyori, amiye ni moi ori ago mana de reyo, idu ini uka mokena Sei kaere mokena rorobo dudu amiye kota rego di vanari aegamo.

1 Peter 3:9

Ya rofu vegu no regori dairi, vegu no ga refa, o ya kovai nigori, dairi kovai ga nifa. Makai bi de, idu buni tora gade dairi mafa, ini adina Sei yaku mina dada ya raka niyo, ye buni tora gade magedi dada.

1 John 2:9

Kaere amiye yaku nigo bi vabarari amedo, idu ini usika ourena gubuyo redo, bi gua toga mukunari amedo.

1 John 3:10

Mina bi gokai diba nigifa kaere bi Sei di mida mida ma kaere bi Bodaka di mida mida: kaere amiye mokena rorobo de rebigo bi Sei di mida de, mina kana kaere ini usika ourena uka de mago ka makai.

1 John 5:16

Amiye yokoi yaku ini usika ourena vegu no reyo ma vego vonisi, ma mina vegu no yaku muyena de moi ogau rigo, bi buni Sei rofu usa usa nigo, ma Sei yaku vegu mago. Mina nida bi amiye kaere ini vegu no yaku muyena de moi ogau rigo. Adina bi vegu no yokoi yaku muyena moi ogau rigo; mina rofu usa usa nibiyaine bi de nida.

Jude 1:9

Idu Michael, naivo naivo vima tora iniye, Bodakasa kayamo reyadi, kaere yaku Moses di roaita moigo mina. Mina medari, Michael iniye yaku Satani nifafana de reyo. Idu yomakai maka niyo, “Varika amiye yaku ini kaunava ya mago!”

Niokuna sina 20:14

Mina usi muyeyadi vene ma muyena vene di amena sana bi ita moka tora vaido sanari you makuyo. (Mina ita moka tora vaido sana bi muyena remanu ere mini.)