Matthew 28:10 - Sei di Uka Ago Ruaka di Buka Bedakai

¹⁰ Mina usi niyo, “Ori ga refa; bosi nai usika ourena nigedi Galilee urana boyaganedi. Mironari mamo na vegedi.”

Matthew 28:10 Kruisverwysings

Matthew 14:27

Idu minari maka ina vene rofu niyo, “Uka gira nifa; na mini. Ori ga refa!”

Matthew 25:40

Ye Kini yaku nikabai rego, ‘Rama iniye ya nida, nai usika ourena yokoi roka de amiye rofu reyadi kana, ya bi na rofu reyadi mini!’

Matthew 25:45

Ma nikabai rego, ‘Rama iniye ya nida, nai usika ourena yokoi roka de amiye rofu de reyadi kana, ya bi na rofu de reyadi.’

Matthew 26:32

Idu dadi rae resi na siko Galilee ri ourei bogida.”

Matthew 28:16

Kamini ini usi dina vene 11 bi dadisi Galilee neyadi, Iesu yaku diyaganedi vo niyo omuna ikari.

Matthew 28:5

Idu Sei di naivo naivo vima yaku rema rofu niyo, “Ori ga refa, adina na na diba ya bi Iesu maina rededi, kaere bi satauro ikoko reyadi.

Matthew 28:7

Ye evade bosi ini usi dina vene nioteimafa, ‘Ina bi muyena gutuna dadi rae resi siko Galilee urana bodo; bi mironari baku regedi!’ Gua ya nida.”

Matthew 28:9

Ma Iesu mina vene baku resi niyo, “Mina bi ya ba?” Ina rofu baesi ini yuka moi gira resi nivakeyadi.

Mark 16:7

Idu bosi ini usi dina vene ma Peter nioteimafa, ‘Ina siko Galilee urana bodo. Bi mironari baku regedi, ini niyo kana.’ ”

John 20:17

Ma niyo, “Ga na avaka moi, adina nai Baba rofu bi dairina kode; idu nai dubuiyaka vene rofu disi nioteima, ‘Nai Baba ma yi Baba rofu dadigida, kaere bi nai Sei ma yi Sei.’ ”

John 6:20

Idu ina vene rofu niyo, “Na mini; ori ga refa!”

Rome vene 8:29

Adina mina vene kaere senagi diba niyo bi senagi ka ini Mida di vima kana nigi abidi reyo, ye dubuiyaka ma tobaiyaka tau di fogori ourena Mida niyaine.