Matthew 18:3 - Sei di Uka Ago Ruaka di Buka Bedakai

³ niyo, “Rama ya nida, ya bi diya vegu no gedu masi mida keika kana nigedi vonisi, bi toga Sei di ourefeidena amena sana omari dui de regedi.

Matthew 18:3 Kruisverwysings

Matthew 13:15

ini adina mina vene di uka bi gira iniye, ma ini anema kebi risi neidena de resi ini nemoko muguna reyadi. Bi ini nemoko dudu vesi ini anema dudu neidesi ini uka dudu diba nigedi baebu, ye na rofu kero regedi ma na yaku moi buni rigida.’

Matthew 18:2

Ye mida keika yokoi raka nisi ini fogori moi are resi

Matthew 18:4

Mina dada kaere mina mida kana iniye moi ave nigo, bi Sei di ourefeidena amena sana omari tora iniye.

Matthew 19:14

Idu niyo, “Mida keika keika bi ferefo kumo na rofu baeyagane; ga meki refo, adina Sei di ourefeidena amena sana omari bi mina kana vene di.”

Matthew 19:23

Ye ini usi dina vene rofu niyo, “Rama ya nida: gugura tau gade amiye yaku Sei di ourefeidena amena sana omari dui rena bi gira iniye.

Matthew 5:18

Rama ya nida, oma ma kono bi roro nigedi, idu ago girari bura keika kuni kuni yokoi kava ma tuta yokoi de roro nigedi bogo mina vegu tau vakoi rama aegedi mamo.

Matthew 5:20

Ye ya nida, yi vegu rorobo rededi bi ago gira oteimana vene ma Pharisee vene di vegu ebuna de reyo vonisi, ya bi Sei di ourefeidena amena sana omari toga toga de dui regedi.

Matthew 6:16

“Oyo rebigediri, ofarosi vene kana ga refa, ini ne uruma moi no rededi, ye amiye yaku vegedi ina bi oyo reyadi. Rama iniye ya nida, ina bi ini obini sena moiyadi.

Matthew 6:2

“Mina dada gugura beika de vene rofu mabigediri, bi yi budari kibi kukuroka ga nifa, ofarosi vene usa usa yavari ma idari rededi kana, ye amiye yaku ini roka moi odoro riyaganedi. Rama iniye ya nida, ina bi ini obini ka moiyadi.

Matthew 6:5

“Sei rofu usa usa nibigediri, bi ofarosi vene kana ga refa, adina ini mokena bi usa usa yavari ma ida teukana neineiri are resi usa usa nibigediri amiye yaku veyaganedi. Rama iniye ya nida, ini obini bi kamini moiyadi.

Mark 4:12

ye yomakai, ‘Vededi, idu vei mama de rededi; ma neidededi, idu diba de nidedi. Regedi vonisi, bi Sei rofu kero regedi, ma ini vegu no koite makugo.’ ”

Luke 13:24

“Nana rei yeiva resi ida vena kakaitari dui refa, adina ya nida amiye tau tora ini mokenari bi dui regika idu anua regedi.

Luke 22:32

Idu ya dada usa usa niyaka, yi mokena vari gira aena mina ga yareyaine, ye na rofu dairigiyari, bi yi asiyaka vene egira re.”

John 1:51

Resi niyo, “Rama iniye ya nida: oma bi ekego ma Sei di naivo naivo vima bi Amiye di mida fafau dega bogasa rebigedi kana vegedi.”

John 3:3

Ma nikabai reyo, “Rama iniye ya nida: amiye yokoi yaku Sei di ourefeidena amena sana bi de vego, idu ina bi dudusa vata nigo mamo.”

John 3:5

Ma nikabai reyo, “Rama iniye ya nida, amiye yokoi yaku Sei di ourefeidena amena sana bi de dui rego bogo ina bi koru ma Vima dudu vata nigo mamo.

Moimai di vegu 14:22

Usi dina vene egira resi niyadi bi rama iniye dudu ini mokena vari gira aena amebiyaganedi. Yomakai oteimaradi, “Sei di ourefeidena amena sana dui regika bi toe tau tora moigifa.”

Moimai di vegu 28:27

ini adina mina vene di uka bi gira iniye; ma ini anema kebi risi neidena de resi ini nemoko muguna reyadi. Bi ini nemoko dudu vesi ini anema dudu neidesi ini uka dudu diba nigedi baebu, ye na rofu kero regedi ma na yaku moi buni rigida.’ ”

Moimai di vegu 3:19

Mina dada vegu no feresi moi etagae risi yi uka Sei rofu kero refa, ina yaku yi vegu no koite makugo dada.

1 Corinth vene 14:20

Nai usika ourena, yi mokenari bi mida kakua kana ga nifa. No dada bi mida kakua kana nifa, idu yi mokenari bi amiye tora nifa.

1 Peter 2:2

Mida kakua vata niyadi kana, toga vima di susu ruaka vaifa. Ye mina iribigediri, moi vegu rinari tora nigedi.

2 Peter 1:11

Adina makai dudu, uni Varika amiye ma moi vegu rina amiye Iesu Keriso di toga toga ameibobina ourefeidena amena sana di ida vena ya rofu ekesi ya baku resi faiva nigo.