Matthew 17:23 - Sei di Uka Ago Ruaka di Buka Bedakai

²³ umuyegedi ma meda regodenuri dadi rae rego.” Ye ini usi dina vene iriyeduka yaku no niyadi.

Matthew 17:23 Kruisverwysings

Matthew 16:21

Mirona itua baeyori, ini usi dina vene rofu nirorotari regi kora reyo, ina bi Jerusalem ri bosi tora vene, Sei ma amiye utari naivo vene di varika vene, ma ago gira oteimana vene di esika esika tau moiyaine, ma umuyegedi ma gabi meda regodenuri dudusa dadi rae rego.

Matthew 17:9

Ye omuna degamadiri, Iesu yaku ago gira magamo, “Mina yaduka kana veyadi bi amiye ga nifa, bogo Amiye di mida bi muyenari gutuna dadi rae rego mamo.”

Matthew 20:19

resi tutubena idana vene di vanari aegedi ma nikurusi buburu vai resi satauro ikoko reyaganedi; idu gabi meda regodenuri dudusa dadi rae rego.”

Matthew 27:63

niyadi, “Varika amiye, mokesifa mina ofa ofa amiye ini veguri amegasa niyo, ‘Meda regode koina nigori, na bi dudusa dadi rae regida,’ vo niyo.

Mark 8:31

Kamini nioteimagi kora reyo, “Amiye di mida bi esika esika tau moiyaine ma tora vene, Sei ma amiye utari naivo vene di varika vene, ma ago gira oteimana vene yaku fufuta masi umuyegedi, ma gabi meda regodenuri dudusa dadi rae rego.”

Mark 9:30

Iesu ini usi dina venesa bi mirona sana feresi Galilee di kono ebu resi boi neyadi, ini ura de amiye yaku diba nigedi ini dibo sana,

John 16:6

Idu iriyeduka yaku yi uka vata baeyo, mina ya rofu niyaka dada.

John 2:19

Kamini nikabai reyo, “Mina Sei nivakena yava ukero vau regedi ma meda regoderi na dudusa akugida.”