Matthew 12:3 - Sei di Uka Ago Ruaka di Buka Bedakai

³ Idu ina rofu niyo, “Ya bi bura de veyadi beika David ini amiyesa yaku reyadi mirona medari rauna reyadiri?

Matthew 12:3 Kruisverwysings

Matthew 12:2

Idu Pharisee vene mina vegasa ina rofu niyadi, “Neide, yi usi dina vene bi beika Sabati medari una rofu bi tabu mina rededi!”

Matthew 12:4

Ye Sei di yava ideri dui resi Sei rofu mana beredi irisi ini vene ka maro. Ago gira yaku nido bi tabu mina beredi irigedi—Sei ma amiye utari naivo vene yaku maka iridedi.

Matthew 12:5

O ya bi bura de veyadi ago gira di bukari ye Sabati medari Sei nivakena yavari Sei ma amiye utari naivo vene yaku mina meda di ago gira bi ukero vau rededi idu vegu no yokoi de nufa?

Matthew 19:4

Ma Iesu nikabai reyo, “Bura be veyadi ba, ini adinari gutuna Riyo amiye yaku bi rema ma rumana riyo?

Matthew 21:16

nikaiteyadi, “Beika nidedi bi neideisa ba?” Nikabai reyo, “Yo neideida; ye ya bi bura veyadi ba, ‘Ya yaku mida mida ma kakua yi roka moi odoro rigi oteimaradi’?”

Matthew 22:31

Idu muyena gutuna dadi rae rena dada, ya bi Sei yaku beika ya niyo bi burari veyadi ba ide? Niyo,

Mark 12:10

Ya bi Sei di agori mina bura veyadi ba? ‘Yava akuna vene moi kekevata uyadi fore bi yava moi gira redo fore iniye niyo.

Mark 12:26

Idu muyena vene dadi rae regedi dada, ya Moses di bura renari bura veyadi ba ide? Vaigamo yabo di agori gokai Sei yaku niyo, ‘Na bi Abraham di Sei, Isaac di Sei ma Jacob di Sei.’

Luke 10:26

Ina rofu niyo, “Ago gira ideri bi gokai bura reyadi? Ya yaku bi gokai veisa?”

Luke 6:3

Ma nikabai resi niyo, “Ya bi bura de veyadi, beika David ini amiyesa yaku reyadi mirona medari rauna reyadiri?