Matthew 10:16 - Sei di Uka Ago Ruaka di Buka Bedakai

¹⁶ “Mokefa; na yaku mamoe kana sufa gadeva auna di fogori ya nifeideida. Ye aruma kana mokei mona resi pune erena kana ave nifa.

Matthew 10:16 Kruisverwysings

Matthew 24:25

Neidefo! Na bi ari dobau sena ya niyaka.

Matthew 24:45

“Ye kaere bi vegu rama resi mokena tora nufa moimai rei tavoi redo amiye ini varika amiye yaku vava maro, ini yava nari regi moimai rei tavoi rededi vene di iruku ini meda ramari rau rego.

Matthew 25:2

Ye 5 bi mokena keika rema, ma 5 bi mokena tora rema.

Matthew 25:4

idu mokena tora rema bi ini keroko diga siuasa moiyadi.

Matthew 25:9

Idu mokena tora rema nikabai resi niyadi, ‘Ide, yasa rau rena egere de, ye ya bi sero rededi vene rofu disi voi refa.’

Luke 10:3

Diga mokefa; na yaku mamoe mida kana sufa gadeva auna di fogori ya nifeideida.

Luke 21:15

adina na yaku ago ma mokena tora ya magida. Ye yi tuma vene tau bi yi ago kebi rina anua regedi.

Moimai di vegu 20:29

Na na diba gabi ya feregidari, bi sufa gadeva auna yaku yi fogori okisi mamoe amededi bi moi no regedi.

1 Corinth vene 14:20

Nai usika ourena, yi mokenari bi mida kakua kana ga nifa. No dada bi mida kakua kana nifa, idu yi mokenari bi amiye tora nifa.

2 Corinth vene 1:12

Adina uniye ni-ika resifa bi yomakai: uni uka di mokena yaku niokudo gokai mina konori uni vegu regamafa bi, Sei yaku vegu rama resi ago rama nido kana regamafa; ye besa besa ya vene rofu rei mona regamafa. Una bi diya mina kono di mokena tora dada de regamafa, idu Sei di buni tora gade dada regamafa.

2 Corinth vene 11:14

Makai dudu bi uka ga dadi, adina bi, Satani yaku ka moi kero resi vabara di naivo naivo vima kana iniye nido!

2 Corinth vene 11:3

Idu na bi ori reida, aruma yaku ini mokena vabara dudu Eve eru reyo kana, yi mokena bi vegu no yokoi de ma uka noibanu dudu, Keriso gabireri raga rena gutuna bouna idari ourefeidego baebu.

2 Corinth vene 8:20

Ye makai resifa, amiye yokoi mina gugura tau rau resifa dada, una nibesenai rego baebu.

Philippi vene 2:15

ye vegu no yokoi de ma kino nufa de ameyagane, Sei di mida mida, no yokoi de nufa, mina gua amededi vene kevo ma vegu rorobo ferena di utari, vabara konori kana, kinifo resi

Colossae vene 1:9

Mina dada, bogo ouresi medari ya dada neideyafa mamo bi ya rofu usa usa nina ferena de regamafa; vabara mokena ma Vima di ada yora tau noibanu dudu, ini ura di diba vata baeyaine, mina usa nigamafa.

Colossae vene 4:5

Mokena vabara dudu ekalesia vene de, ina fafau ya kaya ya kaya reremama rorobo resi meda yasa amedediri, vegu buni rei mona rebifa.

1 Thessalonica vene 2:10

Ya vene ma Sei iniye ka una vegamadi, uni vegu gokai bi akeke, rorobo ma vegu no de, ya vene kaere mokena vari gira aeyadi vene di fogori.

1 Thessalonica vene 5:22

deda vegu no rofu egavoi rebifa.