Mark 1:24 - Sei di Uka Ago Ruaka di Buka Bedakai

²⁴ “Iesu Nazareth amiye, una rofu bi beika ura reisa? Ya bi una moi no regika okiyo ba? Na na diba ya bi kaere—ya bi Sei di Kikifa amiye!”

Mark 1:24 Kruisverwysings

Matthew 2:23

taoni yokoi roka Nazareth ri amegamo. Ye Sei di ago nidedi vene di ago bi rama aeyo: “Ina bi Nazareth amiye vo nigedi.”

Matthew 8:29

Ma evade raka nisi niyadi, “Sei di mida, beika resi una rofu baesa? Gua meda okina koderi esika esika una magi minari baeyo ba?”

Mark 1:23

Mina ituari maka, amiye yokoi vima no nufa usa usa yavari raka niyo,

Mark 1:25

Ma emasi niyo, “Babo nisi mina amiye rofu yakusi di!”

Mark 10:47

Ye neideyo bi Iesu Nazareth amiye bi mini, kamini raka nigi kora resi niyo, “Iesu, David di tutubena, na iriyeduka re!”

Mark 14:67

Peter veyo bi ita imigasa amegamo resi nesi niyo, “Ya ka Iesu Nazareth amiyesa.”

Mark 16:6

Idu niyo, “Tururu ga refa, Iesu Nazareth amiye, kaere bi satauro ikoko reyadi, mina maina rededi. Ina bi dadi rae reyo! Bi minari de amedo. Ini aeyadi sana vefo.

Mark 5:7

raka ni tora reyo, “Iesu oma odoro Sei di mida, beika resi na rofu baesa? Sei di roka dudu, ya usa nida, esika na mana ga re!”

Luke 1:35

Ma nikabai resi niyo, “Vima kikifa bi ya rofu dego, ma Sei Odoro iniye di vava ya fafau ameinu rego, mina dada mina mida kikifa bi Sei di Mida, vo nigedi.

Luke 24:19

Kamini bi ina vene rofu niyo, “Beika vata niyo?” Ma ina rofu niyadi, “Iesu Nazareth amiye rofu nisifa, kaere bi Sei di ago nido amiye. Ina bi ini ago ma ini reremama bi yeiva iniye Sei ma amiye di nemokori.

Luke 4:34

“Aee, Iesu Nazareth amiye, una rofu bi beika ura reisa? Ya bi una moi no regika okiyo ba? Na na diba ya bi kaere: ya bi Sei di Kikifa amiye!”

Luke 8:28

Iesu vegasa ababa nisi ini yuka atafu keto resi raka ni tora reyo, “Iesu, oma odoro Sei di mida, beika resi na rofu baesa? Ya niguba reida, esika na mana ga re!”

Luke 8:37

Kamini mina Gerasa gagani tau vene yaku Iesu guyaguya niyadi, ina vene ferei diyainedi, adina bi ori yaku no iniye niyadi. Ye ina yaku boutiri keu risi diyo.

John 6:69

Una bi mokena vari gira aesi una una diba ya bi Sei di amiye kikifa.”

Moimai di vegu 2:27

adina bi muyena vene di amena sanari nai vima de feregiya; ma yi moimai rei tavoi redo amiye kikifa de feregiya ma guri ideri iko de nigo.

Moimai di vegu 24:5

Una bi mina amiye veitao reyafa, amiye di varena amenari no moi evata risi kono tora noibanuri Jew vene tau rofu ruda evata rido. Ina bi Nazareth vene makai kana rededi di ourefeidena amiye.

Moimai di vegu 3:14

Ina bi kikifa ma mokena rorobo amiye, idu moi etofa resi Pilate rofu bi amiye umuyeyo amiye usa niyadi ma ya maro.

Moimai di vegu 4:27

Ye, rama iniye mina taoni ideri Herod ma Pontius Pilate ma tutubena idana vene ma Israel venesa egogo resi Iesu rofu obe reyadi, kaere bi yi kikifa naivo amiye, ya yaku Keriso vo niyo.

James 2:19

Ya mokena vari gira aesa Sei bi yokoi maka; rei mona reisa! Vima no ka mokena vari gira aesi ori dudu tururu rededi.

1 John 2:20

Idu Vima kikifa dudu ya fafau erausi reyo, ma ya tau bi ago rama ya ya diba.

Niokuna sina 3:7

“Philadelphia ekalesia vene di naivo naivo vima rofu bura re: “Mina bi kikifa ma rama amiye, kaere bi David di ida vena ki nufa amiye, ekeyo ye amiye yokoi biri de rigo, ma biri riyo, ye yokoi eboka de rego, mina amiye di sina.