Luke 7:39 - Sei di Uka Ago Ruaka di Buka Bedakai

³⁹ Kamini, Iesu raka niyo Pharisee amiye yaku mina veyori, bi ini uka ideri maka iniye niyo, “Mina amiye bi Sei di ago nido amiye vonisi, bi veyagadu mina bi gokai kana rema yaku avaka moido. Adina mina rema bi vegu no redo rema!”

Luke 7:39 Kruisverwysings

Matthew 20:16

“Ye gabi vene bi ouregedi, ma ourededi vene bi gabi nigedi.”

Matthew 21:11

Ye mina amiye tau gade yaku niyadi, “Mina bi Iesu, Sei di ago niyo amiye Nazareth taoni Galilee gagani rofu.”

Mark 7:21

Adina amiye di uka ideri gutuna yakudedi bi mini: mokena no, mena de vene koa rena, duma duma rena, amiye umuyena, mena vene koa rena,

Luke 12:17

Dada iniye mokesi niyo, ‘Gokai kamini regida? Iruku aena sana bi koina.’

Luke 15:2

Pharisee vene ma ago gira oteimana vene bi ago tau nisi niyadi, “Mina amiye bi vegu no rededi vene faiva nisi kumo ina venesa iruku irido!”

Luke 16:3

Mina naivo amiye yaku iniye kamini niyo, ‘Nai amiye tora bi nai moimairi kamini na moi etagae rigo, ma na bi kono goenari yeiva de, ma amiye rofu niguba renari ka maena reida; dada na bi beika regida?

Luke 18:4

Mina kota neidena amiye bi meda be ini ago bi ni gedu magamo, idu gabi iniye rofu kamini niyo, ‘Na ka bi Sei rofu ori de resi amiye rofu ka moi kikifa de reida,

Luke 3:8

Mina dada, vegu no feresi moi etagae rina vegu di vegu iniye yabo meko rama rena kana moi ogau rifa. Ma ya kaya nigi ga kora refa, ‘Abraham bi uni tutubena.’ Adina ya vene rofu nida, Sei ina diba mina fore dudu Abraham di tutubena rigo!

Luke 7:16

Ma amiye tau noibanu ori no iniye resi Sei di roka moi odoro rigasa niyadi, “Sei di ago nido amiye tora yokoi uni fogori ogau niyo mini!” Resi ka niyadi, “Sei yaku ini vene rofu vana magi okiyo mini!”

Luke 7:37

Mina taoniri vegu no redo rema yokoi yaku neideyo, bi Iesu bi Pharisee amiye di yavari amegasa iruku irigamo, dada fore roka alabaster dudu riyadi siua yokoi, ideri bi diga di sisika buni vayavaya, mina moi boyo.

Luke 7:38

Bosi Iesu di yuka atafu ini fufuta rofu are resi isaka niyo. Ini ne koru dudu Iesu di yuka moi dou regi kora resi ini ada iye dudu moi ifi regamo, moi roko rigika. Ini yuka rafo fuka resi diga rausi reyo.

Luke 7:40

Kamini Iesu nikabai resi niyo, “Simon na bi sina yokoi ya nigida.” Ma nikabai resi niyo, “Oteimana amiye, na rofu ni.”

John 4:19

Ma niyo, “Varika amiye e, na yaku ya veida ya bi Sei di ago nido amiye.

John 7:12

Ma amiye di fogori ina dada mumugu nigamadi. Bedakai yaku nigamadi, “Ina bi amiye buni,” idu bedakai yaku nikabai regamadi, “Ide, ina bi amiye ourefeidei no redo.”

John 9:24

Ye uru remanu dudusa yaku ne taufa vata niyo amiye rofu raka nisi niyadi, “Sei di roka moi odoro ri. Una una diba mina amiye bi vegu no redo amiye.”