Luke 7:16 - Sei di Uka Ago Ruaka di Buka Bedakai

¹⁶ Ma amiye tau noibanu ori no iniye resi Sei di roka moi odoro rigasa niyadi, “Sei di ago nido amiye tora yokoi uni fogori ogau niyo mini!” Resi ka niyadi, “Sei yaku ini vene rofu vana magi okiyo mini!”

Luke 7:16 Kruisverwysings

Matthew 15:31

Ye mina amiye tau gade bi babo ago nigamadi, yuka kevo buni nigamadi, yuka no nana regamadi ma ne taufa dudusa vegamadi, mina vegasa tururu resi Israel di Sei di roka moi odoro riyadi.

Matthew 21:11

Ye mina amiye tau gade yaku niyadi, “Mina bi Iesu, Sei di ago niyo amiye Nazareth taoni Galilee gagani rofu.”

Matthew 28:8

Ye rema evade ori ma ada tora gade dudu guri sana ferei disi raga dudu ini usi dina vene nigika boyadi.

Matthew 9:8

Ma amiye tau mina vesi bi ori resi Sei di roka moi odoro riyadi, makai Sei yaku vava kono amiye maro dada.

Luke 1:65

Mina dada, ori yaku ini atafu ameyadi vene tau di uka vata baeyo, ma mina vegu di sina bi Judea omuna gagani tau rofu ni nega bogasa reyadi.

Luke 1:68

“Varika amiye ni moi odoro rinadi, kaere bi Israel di Sei! Adina bi una aedegi desi ini vene moi vegu riyo.

Luke 19:44

Resi yi amiye tausa, yi kota ideri ya ukero vau regedi. Minari fore fafau fafau amededi bi gabi yokoi de amegedi. Ini adina bi, Sei ya rofu deyo ari bi de vei mama reyadi!”

Luke 2:20

Kamini mamoe dogo rededi vene dairiyadi, Sei rofu yauta nigasa ini roka moi odoro riyadi, adina neidegasa veyadi vegu bi rama iniye, naivo naivo vima yaku nioteimaro kana.

Luke 24:19

Kamini bi ina vene rofu niyo, “Beika vata niyo?” Ma ina rofu niyadi, “Iesu Nazareth amiye rofu nisifa, kaere bi Sei di ago nido amiye. Ina bi ini ago ma ini reremama bi yeiva iniye Sei ma amiye di nemokori.

Luke 5:26

Amiye tau noibanu tururu reyadi. Ori yaku vata baesi Sei di roka moi odoro risi nigamadi, “Gua una yaku vegu buni vayavaya veyafa mini!”

Luke 5:8

Ye Simon Peter mina veyori, Iesu di efukari yuka odesi niyo, “Varika amiye, na rofu etagae ri! Na bi vegu no reida amiye!”

Luke 7:15

Kamini, dadisi ameinu resi ago niyo ma Iesu yaku ini nono maro.

Luke 7:39

Kamini, Iesu raka niyo Pharisee amiye yaku mina veyori, bi ini uka ideri maka iniye niyo, “Mina amiye bi Sei di ago nido amiye vonisi, bi veyagadu mina bi gokai kana rema yaku avaka moido. Adina mina rema bi vegu no redo rema!”

Luke 8:37

Kamini mina Gerasa gagani tau vene yaku Iesu guyaguya niyadi, ina vene ferei diyainedi, adina bi ori yaku no iniye niyadi. Ye ina yaku boutiri keu risi diyo.

Luke 9:19

Ye nikabai reyadi, “Be yaku nidedi ya bi John Baptist, be yaku nidedi bi Elijah, ma be yaku nidedi bi senagi senagi Sei di ago niyo amiye yokoi, vegu nisi dairiyo.”

John 1:21

Ye nikaiteyadi, “Makai ye ya bi kaere? Ya bi Elijah ba?” Ma nikabai reyo, “Ide.” Ma nikaiteyadi, “Ya bi mina Sei di ago nido amiye ba?” Kamini nikabai reyo, “Ide.”

John 1:25

nikaiteyadi, “Ya bi Keriso, o Elijah, o mina Sei di ago nido amiye de vonisi, ye beika resi babatiso reisa?”

John 4:19

Ma niyo, “Varika amiye e, na yaku ya veida ya bi Sei di ago nido amiye.

John 6:14

Amiye ini rebe reyo mina vesi niyadi, “Rama mina bi Sei di ago nido amiye kaere kono tora noibanuri okigo bi mini!”

John 9:17

Ye dudusa ne taufa amiye nikaiteyadi, “Mina amiye yi nemoko moi buni riyo rofu bi beika vo nisa?” Ma niyo, “Ina bi Sei di ago nido amiye.”

Moimai di vegu 5:5

Kamini minari maka Ananias yaku mina neidegasa keto resi muyeyo; amiye tau mina neideyadiri, bi ori rei vau reyadi.

Moimai di vegu 7:37

Mina Moses yaku Israel vene rofu niyo, ‘Sei yaku ini ago nido amiye yokoi na kana yi usika ourena vene fogori moi ogau rigo.’

Galatia vene 1:24

Ye na dada Sei di roka moi odoro riyadi.