Luke 6:29 - Sei di Uka Ago Ruaka di Buka Bedakai

²⁹ Amiye yokoi yaku yi ragena famagori, bi berou ka ma kumo famaraine. Ma amiye yokoi yaku yi serti moigori, bi kaini feresi yi fafau varuka ka ma.

Luke 6:29 Kruisverwysings

Matthew 26:67

Mina usi ini seirari ayaka su resi vana kumu risi uyadi. Bedakai bi famasi

Luke 22:64

ini nemoko fafa risi nikaitesi nigamadi, “Ya bi Sei di ago nido amiye vonisi, beika vata nigo una ni; kaere ya uyo ini roka ni.”

Luke 6:30

Amiye neinei ya rofu ya usa nigori, bi mina ma; ma kaere ya rofu yi beika be moigori, dairi ya marainedi bi ga ni.

John 18:22

Mina niyori, nari redo amiye yokoi kaere minari are regamo bi ini ne vana dudu famasi niyo, “Ya yaku makai kana Sei ma amiye utari naivo amiye tora nikabai reisa ba?”

Moimai di vegu 23:2

Sei ma amiye utari naivo amiye tora Ananias bi Paul atafu are reyadi vene ago maro ini vena famaraganedi.

1 Corinth vene 4:11

Gokai gua mina meda nemoko ramari ka, una bi koru vaigasa rauna disi varuka kori maka risifa. Una uga imiga regasa rei no rededi ma uni varena amena sana bi koina.

1 Corinth vene 6:7

Rama iniye yi utari ya kaya ya kaya moi kota rededi, mina bi oteimado ya bi sena yareyadi. Idu, bi buni ya rofu no rena moiyaganedi. Bi buni ya rofu duma duma rena moiyaganedi.

2 Corinth vene 11:20

Amiye yokoi moimai rei tavoi rededi vene kana ya rego, o yi beika amedo iri mama rego, o ya rofu beika baika moigo, o ini roka moi odoro rigo, o yi seira famago vonisi, mina tau moigedi.

Hebrew vene 10:34

Adina dibura yavari amegamadi vene rofu iriyeduka resi yi gugura vadumeyadiri ada dudu nimaradi, ya kaya ya diba niyadi, gugura burefe toga toga amego bi ya venesa dada.