Luke 4:35 - Sei di Uka Ago Ruaka di Buka Bedakai

³⁵ Ma emasi niyo, “Babo nisi mina amiye rofu yakusi di!” Ma amiye ini fogori moisi konori maku nesi ini roaitari yakusi ferei diyo. Idu esika yokoi de maro.

Luke 4:35 Kruisverwysings

Matthew 17:18

Ye vima no besenai ago maro ma yakuyo ma mina meda nemokori maka mina mida moi buni riyo.

Matthew 8:26

Ina yaku niyo, “Mokena vari gira keika aededi vene, beika resi ori reyadi?” Resi dadisi aura ma koru tafo besenai ago maro ma moka daidai tora bere gade ni ameyo.

Mark 1:26

Ma moi seko sako resi ababa nisi ini roaitari yaku diyo.

Mark 4:39

Iesu dadisi aura besenai ago masi moka daidai tora rofu niyo, “Amuta ni!” Aura minari bere niyo, ma moka daidai tora amuta niyo.

Mark 9:26

Kamini vima no raka tora nisi mina mida bi moi tururu resi ini roaitari yakuyo. Ye mida bi muyena asini varegamo, ye amiye tau yaku niyadi, “Rama iniye muyeyo!”

Luke 11:22

Idu yeiva iniye amiye yokoi inasa ruda resi ugasa ini moi gira regamo mari moigo. Makai mina amiye yeiva mokeyo, bi ina kaya nari rei mona rego dada. Kamini mina yeiva iniye amiye beika tau yokoi yokoi rau rego.

Luke 4:23

Kamini Iesu yaku ina vene rofu niyo, “Rama bi mina mokena ago na rofu yomakai nigedi, ‘Gauka dogo amiye, ya kaya moi buni ri kumo.’ Ka nigedi, ‘Beika Capernaum ri reyo, bi neideyafa, dada minari yi rautu iniyeri ka re.’ ”

Luke 4:39

Ye mina rema atafu are resi mina gauka besenai ago marori, roaita vaki vaki bi fereyo. Minari maka dadisi iruku dabara resi nari regamo.

Luke 4:41

Ma vima no ka amiye tau gade rofu yakusi ababa niyadi, “Ya bi Sei di mida!” Idu Iesu besenai ago masi ago ga niyaganedi niyo, adina ina diba ina bi Keriso.

Luke 8:24

Ini usi dina vene ina rofu bosi edadisi niyadi, “Ourefeidena amiye, una bi kamini muyegifa!” Iesu dadisi aura ma ureure nibesenai ago maro ma aura bere niyo ma moka daidai tora amuta niyo.

Luke 9:39

Vima no yaku moisi raka ni tavoi resi moi tururu redo ma vena kabudo redo. Mina yaku toga toga esika masi ini roaitari de feredo!

Luke 9:42

Mina mida afei boyori, vima no yaku konori maku nesi moi tururu reyo. Idu Iesu yaku mina vima no rofu nikaka resi mida moi buni risi ini baba dairi maro.

Niokuna sina 12:12

Mina dada, ya omari vegu amededi vene tau noibanu ada refa. No iniye iniye konori ma davarari vegu amena beika baika noibanu rofu neyaine, adina Bodaka gubuyo tora gade nufa, ya adinari desi ini meda bi atafu koina nigedi, bi diba niyo.”