Luke 4:28 - Sei di Uka Ago Ruaka di Buka Bedakai

²⁸ Usa usa yavari egogo reyadi vene tau yaku mina sina neidegasa bi gubuyo tora reyadi.

Luke 4:28 Kruisverwysings

Matthew 2:16

Ye Herod mina diba vene yaku eru reyadi veitao regasa bi gubuyo yaku no niyo. Dadisi ini iya vene ago maro bi rumana mida mida ini lagani remanu ma egona rofu Bethlehem ri ma ini adinari gagani bi umuyei vau reyaganedi. Mina bi diba vene yaku niyadi ma neidesi diba ni mona reyo kana beika meda nemokori mina magai ogau niyo.

Luke 4:27

Ma Elisha Sei di ago niyo amiye di ariri, bi refera nufa vene tau tora Israel ri amegamadi, idu yokoi kava moi ruaka de riyo, mina bi Syria amiye, Naaman maka.”

Luke 4:29

Mina vene dadisi Iesu vanau risi taoniri moi yaku boyadi, ini taoni are redo omuna ika yokoiri raravari maku negika.

Luke 6:11

Idu mina vene di mokena bi gubuyo yaku vata baeyo ma Iesu rofu beika regedi iniye iniye nidodi regamadi.

Moimai di vegu 5:33

Kanisoro vene yaku mina sina neidegasa ada fairo resi nifeidena vene umuyegedi di mokena moiyadi.

Moimai di vegu 7:54

Kanisoro vene yaku Stephen di sina neideyadiri, bi gubuyo yaku no iniye nisi ini ada fairo reyadi ina rofu.