Luke 24:27 - Sei di Uka Ago Ruaka di Buka Bedakai

²⁷ Kamini Moses gutuna Sei di ago niyadi vene tau rofu ago buni tau gaderi ina dada bura reyadi sina di rama mina ni-itara reyo.

Luke 24:27 Kruisverwysings

Mark 4:34

Ina bi mokena ago dudu maka sina nigamo, idu inaike ini usi dina vene rofu mina sina tau noibanu sui nisi nirorotari regamo.

Luke 24:25

Kamini Iesu yaku ina vene rofu niyo, “Ya vene bi ada de iniye; yi mokena bi mukuna tora. Sei di ago nidedi vene di ago tau bi mokena vari gira de aededi!

Luke 24:44

Resi niyo, “Mina bi nai ago yasa amegasa nigamaka: na dada beika tau bura reyadi Moses di ago girari, Sei di ago nidedi vene di burari ma Psalms bukari. Mina tau bi baesi rama aeyaine.”

John 1:45

Philip yaku Nathanael baku resi niyo, “Una bi Moses yaku ago girari ma Sei di ago niyadi vene ka bura reyadi dada di amiye baku reyafa. Ina bi Iesu Nazareth amiye, Joseph di mida.”

John 12:41

Isaiah mina niyo, adina Iesu di vabara vesi ina fafau ago niyo.

John 5:37

Ma Baba, kaere na nifeideyo, yaku ka na fafau niokuyo. Ini goroka toga de neidesi ini seira ka toga de veyadi.

John 5:39

Sei di ago vei mama rededi, ya mokededi bi minari toga toga ameibobina vegu baku regedi dada. Ma mina ago maka yaku na fafau niokudedi!

Moimai di vegu 10:43

Sei di ago niyadi vene tau bi ina nigika nigamadi bi, tau noibanu ina rofu mokena vari gira aegediri, bi ini vegu no koite makugo, ini roka di vava dudu.”

Moimai di vegu 3:18

Sei yaku senagi ini ago nidedi vene di vena dudu niyo bi, Keriso esika esika moigo, ye mina ago bi baesi rama aeyo mini.

Moimai di vegu 3:22

Ye Moses yaku niyo, ‘Varika amiye yi Sei yaku ini ago nido amiye yokoi na kana yi usika ourena vene fogori moi ogau rigo. Ye ini ago tau ya vene rofu nigo mina neideyainedi.

Moimai di vegu 3:24

Samuel ma Sei di ago niyadi vene tau vakoi gutuna baeyo gua, bi mina meda ka nigamadi.

Moimai di vegu 7:37

Mina Moses yaku Israel vene rofu niyo, ‘Sei yaku ini ago nido amiye yokoi na kana yi usika ourena vene fogori moi ogau rigo.’

Moimai di vegu 8:35

Kamini Philip ago nigi kora reyo; Sei di ago mina oneri gutuna boyo Iesu di ago buni nioteimaro.

Niokuna sina 19:10

Ma nivakegi ini yukari yarei neyaka, idu na rofu niyo, “Makai ga re! Na bi ya ma yi usika ourena, kaere Iesu di niokuna ago moi gira ridedi, yasa naivo amiye yokoi. Sei rofu nivake.” Adina Iesu yaku ini niokuna ago, bi ini Vima dudu Sei di ago nidedi vene rofu mado.