Luke 22:30 - Sei di Uka Ago Ruaka di Buka Bedakai

³⁰ Makai reyaka dada, ya bi nai teiborori ourefeidena amena sanari amesi nasa iruku ma koru irisi ya ka ourefeidena amena fata ameinu resi Israel vene di rubu 12 ourefeidegedi.”

Luke 22:30 Kruisverwysings

Matthew 19:28

Ma Iesu yaku ina vene rofu niyo, “Rama ya nida, kono beika tau moi ruaka rigedi medari, Amiye di mida ini vabara di ourefeidena amena fata fafau ameinu regori, ya kaere na usi diyadi ka makai ourefeidena amena fata 12 fafau ameinu resi Israel vene di rubu 12 ourefeidegedi.

Matthew 5:3

“Kaere amiye ina diba ini vimari Sei di gugura buni yokoi de bi ada regedi; adina bi Sei di ourefeidena amena sana omari bi ini!

Matthew 8:11

Ye ya nida amiye tau gade meda dadido eta rofu ma meda nedo eta rofu baegedi Abraham, Isaac ma Jacob sa Sei di ourefeidena amena sana omari ameinu resi irakuna irigedi.

Luke 12:37

Mina kana vene rofu bi buni tora gade iniye, adina bi ini varika amiye dairigori, bi varena de, ina rofu toro regasa nari amededi dada! Ya vene rofu nida, dadisi ini varika amiye raka nisi moimai regika ini varuka mitai rigo, ma iruku irina sanari amegediri, bi naivo rego.

Luke 14:15

Amededi sanari, amiye yokoi yaku mina sina neideyori, bi Iesu rofu niyo, “Sei di ourefeidena amena sanari amesi irakuna irigedi vene tau bi buni tora gade moigedi!”

2 Timothy 2:12

Una are rei gira regifa vonisi, bi inasa ka ourefeidegifa. Una yaku de buda aegifa, ina ka de una buda aego.

James 1:1

Mina bi James, Sei ma Varika amiye Iesu Keriso di moimai rei tavoi reida amiye, rofu: Ya Israel di rubu 12 vene kaere kono tora noibanuri rerevaida reyadi, ya rofu yuata nifeideida.

Niokuna sina 19:9

Ma Sei di naivo vima na rofu niyo, “Mina bura re: Mamoe mida di mena di irakuna omaro vene bi ada regedi.” Ka na rofu niyo, “Mina bi Sei di ago rama mini.”

Niokuna sina 3:21

Ebu redo amiye nai ourefeidena amena fata odorori nasa amegi di vava magida, na ka ebu resi nai Baba di ourefeidena amena fata odorori inasa ameyaka kana.

Niokuna sina 4:4

Ma ourefeidena amena fata 24 mina ourefeidena amena fata yokoi buru riyo. Amiye tora 24 mina odorori ameinu regasa varuka feyo akugamadi, ma ini ada odorori bi kini kana ada bou goro.