Luke 2:51 - Sei di Uka Ago Ruaka di Buka Bedakai

⁵¹ Kamini ini nono babasa Nazareth ri dairiyadi, ma ina vene di ago neidegamo. Ini nono yaku mina vegu tau ini uka ideri moi gira rigamo.

Luke 2:51 Kruisverwysings

Luke 2:19

Ma Mary yaku mina ago ma vegu tau ini ukari mokei tora iniye reyo.

Mark 6:3

Mina bi yava rina amiye, ma Mary di mida ma ini dubuiyaka bi James, Joseph, Judas ma Simon ba? Ma ini tobaiyaka ka minari unasa amededi ba?” Ye makai ina rofu uka no reyadi.

1 Peter 2:21

Adina Sei yaku mina rofu ya raka niyo, Keriso ka esika esika ya rofu gurauyo dada, ya oteimagi, makai resi ini anuka usi diyainedi.

Matthew 3:15

Idu Iesu yaku nikabai reyo, “Ya eyouneida ye gua bi ya nida kana re. Mina ida dudu Sei di mokena rorobo tau gade bi moi rama aegifa.” Ye John yaku yo niyo.

Ephesus vene 5:21

Keriso di ori dudu ya kaya ya kaya ekure rebifa.

Luke 2:39

Iesu di nono baba yaku Varika amiye di ago gira di vegu tau vakoi rei vau reyadiri, bi kamini Galilee ri dairiyadi, ini taoni iniye Nazareth ri boyadi.

Matthew 12:46

Ye amiye tau gade rofu ago niyori, ini nono ma ini dubuiyaka baesi etofaro are resi bi inasa ago nigedi ura reyadi.

Mark 1:9

Mirona ituari Iesu bi Nazareth taoni Galilee gutuna baeyo ma John yaku Jordan koruri babatiso reyo.

Luke 4:16

Kamini ini tora niyo taoni Nazareth ri dairiyo. Ini rei baedo kana, Sabati medari usa usa yavari Sei di ago bura vegi dadisi boyo.

Luke 4:23

Kamini Iesu yaku ina vene rofu niyo, “Rama bi mina mokena ago na rofu yomakai nigedi, ‘Gauka dogo amiye, ya kaya moi buni ri kumo.’ Ka nigedi, ‘Beika Capernaum ri reyo, bi neideyafa, dada minari yi rautu iniyeri ka re.’ ”

Luke 18:37

Kamini niyadi, “Iesu Nazareth amiye bi bae bodo.”