Luke 2:47 - Sei di Uka Ago Ruaka di Buka Bedakai

⁴⁷ Ini ago neidena vene tau bi ini mokena ma ini nina mina rofu tururu iniye reyadi.

Luke 2:47 Kruisverwysings

Matthew 13:54

Ma ini tora niyo taoniri okigasa bi ini usa usa yavari oteimagamo, ye tururu resi niyadi, “Mina mokena tora ma mokena vegu bi goidu baeyadi?

Matthew 22:33

Mina amiye tau mina neidegasa ini beika oteimado rofu bi tururu reyadi.

Matthew 7:28

Iesu mina ago ni vau reyori, mina amiye tau gade bi ini oteimana ago rofu tururu reyadi,

Mark 1:22

Ye ini oteimana ago rofu tururu reyadi, adina ini oteimana bi kaere vava nufa amiye kana, ma ago gira oteimana vene kana de.

Mark 11:18

Kamini Sei ma amiye utari naivo vene di varika vene ma ago gira oteimana vene mina ago neidegasa gokai dudu Iesu umuyegedi di ida maina regamadi, adina ina rofu ori reyadi, amiye tau ini oteimagamo ago neidesi tururu regamadi dada.

Mark 6:2

Sabati meda niyori, usa usa yavari amiye rofu oteimagi kora reyo. Amiye tau ini beika niyo neidegasa tururu resi iniye iniye niyadi, “Goidu mina baku reyo? Mina mokena tora moiyo bi beika? Gokai dudu mokena vegu makai redo?

Luke 2:18

Kamini mina ago neideyadi vene tau mamoe dogo rededi vene di sina neidesi tururu reyadi.

Luke 2:46

Meda regode koina niyori, Sei nivakena yava ideri baku reyadi, oteimana vene di utari amegasa ini sina neidegasa ina rofu nikaitegamo.

Luke 4:22

Kamini amiye tau ina rofu uka ada reyadi, sina buni buni niyo dada. Tururu resi niyadi, “Mina bi Joseph di mida, ba?”

Luke 4:32

Ye ini oteimana ago rofu tururu reyadi, adina ini ago bi vava nufa.

John 7:15

Mina resi Jew vene tururu resi niyadi, “Mina amiye bi sikuru de reyo, idu gokai resi makai diba moiyo?”

John 7:46

Ma nikabai reyadi, “Amiye yokoi yaku ina kana de ago nido!”