Luke 16:8 - Sei di Uka Ago Ruaka di Buka Bedakai

⁸ “Gabi ini amiye tora yaku makai reyo mina neideyo dada, ini roka niodoro reyo, adina bi mokena buni dudu ini moimai reyo; dada mina kono vene diba mokena buni dudu ini moimai rededi, idu vabara vene ini diba bi keika bi mokena buni dudu ini moimai rededi.”

Luke 16:8 Kruisverwysings

Matthew 12:32

Ma kaere amiye yaku Amiye di mida rofu ago no nigo, ini vegu no koite makugo, idu kaere yaku Vima kikifa rofu ago no nigo, gua o meda baegediri, ka de koite makugo.

Matthew 17:26

Ma nikabai reyo, “Amiye bedakai rofu.” Ye ina rofu niyo, “Makai bi ini amiye rofu bi de moigedi.

Luke 16:10

Kaere amiye yaku beika keika keika rofu nari rei mona rego, ina bi beika tora ka nari rei mona rego. Idu beika keika keika ofa ofa dudu nari rego amiye, bi beika tora rofu ka ofa ofa dudu de nari rego.

Luke 16:4

Idu ida yokoi amedo bi na na diba; nai moimairi nai moi etagae rigori, nai asiyaka vene yaku ini yavari na moi afei dui regedi.’

Luke 16:7

Resi yokoi nikaiteyo, ‘Ma ya bi gokaisanu dairisi magiya?’ Ina yaku niyo, ‘Witi fuse 100.’ Kamini ina rofu niyo, ‘Yi moiyo kana fefa bi mini, moisi 80 bura re.’

Luke 18:6

Resi Varika amiye yaku niyo, “Mina mokena rorobo de kota neidena amiye yaku niyo, mina neidefa.

Luke 20:34

Ma Iesu yaku nikabai reyo, “Gua medari amededi rema ma rumana bi mededi,

Luke 20:35

idu kaere vene Sei yaku niyo bi buni bi muyena gutuna dadi rae resi mina meda baegori ameyaine, bi iniye iniye de megedi.

John 12:36

Vabara yasa amedori, ina rofu mokena vari gira aefa, ye ya bi vabara di mida mida nigedi dada.” Sina ni vau resi ferei disi ina vene rofu iniye moi sui riyo.

1 Corinth vene 3:18

Amiye yokoi ina kaya ga eru reyaine. Yokoi yi utari gua meda di vegu dada mokena vabara nufa mokego vonisi, moi forovai reyo amiye kana niyaine, ye mokena vabara nufa nigo.

Ephesus vene 5:8

Adina ari yokoiri ya bi mukunari amegamadi, idu ya bi gua Varika amiyesa vabarari amededi; kamini vabara di mida mida kana nana rebifa.

Philippi vene 3:19

Ini metonari tunu regedi; ini roaita ura rededi, mina maka nivakededi ma ini maena rofu nivasina regasa mina kono di mokena moidedi.

1 Thessalonica vene 5:5

Adina ya tau vakoi bi vabara ma ariu di mida mida. Una bi mukuna ma urusa di rofu de.

1 Peter 2:9

Idu ya bi ini abidi reyo vene, kini di Sei ma amiye utari di naivo vene, gagani tora kikifa vene ma Sei iniye di vene, ye Sei di vegu buni buni niogau regika, kaere mukunari gutuna ini vabara buni vayavayari ya raka ni moi yakuyo.

1 John 3:10

Mina bi gokai diba nigifa kaere bi Sei di mida mida ma kaere bi Bodaka di mida mida: kaere amiye mokena rorobo de rebigo bi Sei di mida de, mina kana kaere ini usika ourena uka de mago ka makai.