Luke 1:79 - Sei di Uka Ago Ruaka di Buka Bedakai

⁷⁹ Mukuna ideri ma muyena tumusa vene rofu mina vabara mago, resi ina yaku uka amuta di ida dudu una ourefeidebogo.”

Luke 1:79 Kruisverwysings

Matthew 4:16

Amiye mukunari amededi bi vabara tora veyadi. Ma mukuna kono ma muyena sanari amededi vene ina fafau bi vabara maro.”

Luke 2:32

Vabara ruaka yokoi tutubena idana vene bedakai rofu moi evata riyo, ma vabara yi vene Israel mago.”

John 1:9

Mina bi rama vabara—mina yaku kono tora noibanuri desi amiye tau vakoi moi vabara redo.

John 12:46

Na bi vabara kana mina konori deyaka, ye kaere na rofu mokena vari gira aego amiye bi mukunari ga amebiyaine.

John 8:12

Iesu dudusa ina vene rofu ago niyo, “Na bi kono tora noibanu di vabara. Amiye kaere na usi baego bi mukunari de digo, idu vegu di vabara moigo.”

John 9:5

Na bi konori amegasa bi kono tora noibanu di vabara.”

Moimai di vegu 10:36

Ya ya diba beika ago Israel vene rofu nifeidesi uka amuta di ago buni Iesu Keriso rofu nirausi reyo, kaere bi una tau vakoi di Varika amiye.

Moimai di vegu 26:18

Na bi ina vene rofu ya nifeideida, nemoko aresi mukunari gutuna vabarari kero resi Satani di vavari gutuna Sei rofu etagae riyagane, ye ini mokena vari gira aena na rofu dudu ini vegu no koite makugo, ma Sei di moi akeke riyo vene di fogori ini sanari amegedi.’

Rome vene 3:17

Ma uka amuta di ida bi diba de niyadi.

Ephesus vene 5:8

Adina ari yokoiri ya bi mukunari amegamadi, idu ya bi gua Varika amiyesa vabarari amededi; kamini vabara di mida mida kana nana rebifa.